The Phnom Penh Post Search

Search form




Logo of Phnom Penh Post newspaper Phnom Penh Post - Serena និង Thiem ឡើង​ទៅ​វគ្គ ៤​ នាក់ US Open




Serena និង Thiem ឡើង​ទៅ​វគ្គ ៤​ នាក់ US Open

Content image - Phnom Penh Post
កីឡាការិនីអាមេរិក Williams រត់​ទៅ​វាយ​កូន​បាល់​ត្រឡប់​ទៅ​គូ​ប្រកួត​វិញ អំឡុង​ការ​ប្រកួត​កម្មវិធី US Open 2020 វគ្គ ៨​ នាក់​។

Serena និង Thiem ឡើង​ទៅ​វគ្គ ៤​ នាក់ US Open

ក្រុងញូវ​យ៉ក: កីឡាការិនី Serena Williams បាន​ប្រឹង​ប្រែង​រហូត​ដល់​បាន​ឆ្លង​ទៅ​វគ្គ ៤​ នាក់​ចុង​ក្រោយ សម្រាប់​កម្ម​វិធី​ប្រកួត​វាយ​កូន​បាល់ (តិន្នីស) ក្នុង​ព្រឹត្តិការណ៍ US Open កាល​ពី​ថ្ងៃ​ពុធ​ម្សិល​មិញ ហើយ​ត្រូវ​ឡើង​ទៅ​ជួប​កីឡាការិនី Victoria Azarenka ខណៈ​ផ្នែក​បុរស កីឡាករ​ Dominic Thiem និង​ Daniil Medvedev នឹង​ត្រូវ​ប្រឈម​ជាមួយ​គ្នា ក្រោយ​កក់​កៅ​អី​រៀង​ខ្លួន​ សម្រាប់​វគ្គ​នេះ​រួច​ហើយ​។

កីឡាការិនីអាមេរិក Williams ដែល​ត្រូវ​បាន​ផ្ដល់​ចំណាត់​ថ្នាក់​លេខ ៣ ក្នុង​កម្មវិធី​នេះ បាន​ចាញ់គូ​ប្រកួត​សញ្ជាតិប៊ុលហ្គារី Tsvetana Pironkova នៅ​សិត​ដំបូង​ជាមួយ​នឹង​ពិន្ទុ ៦-៤ តែ​អាច​វាយ​បក​យក​ឈ្នះ ២ សិត ផ្ទួន​ៗ​បាន​វិញ ដោយ​ពិន្ទុ ៦-៣ និង ៦-២​ ខណៈ​ជ័យ​ជម្នះ​នេះ បាន​រក្សា​ក្ដី​សង្ឃឹម​របស់​នាង ក្នុង​ការ​ប៉ុន​ប៉ង​ឲ្យ​បាន​ក្លាយ​ជា​ជើង​ឯកពានលំដាប់​ Grand Slam នេះ ជា​លើក​ទី​ ២៤​។​

ក្រោយ​បានឆ្លង​ទៅ​វគ្គ​បន្ត ដោយ​ប្រើ​ពេល​ដល់​ទៅ ២​:​១២ ម៉ោង កីឡាការិនី Williams បាន​ប្រាប់​ថា​៖ «​នៅ​ចំនុច​នេះ ខ្ញុំ​ប្រឹង​ប្រែង​ខ្លាំង​ណាស់។ ខ្ញុំ​គ្រាន់​តែ​ដឹង​ថា ត្រូវ​ព្យាយាម​ធ្វើ​គ្រប់​យ៉ាង ដែល​ខ្ញុំ​អាច។ ខ្ញុំ​មិន​បោះ​បង់​ ហើយ​អ្នក​ក៏​​ដឹង​ថា ខ្ញុំ​ពិត​ជា​មិន​បោះ​បង់​មែន​»​។

ចំណែក​ផ្នែក​បុរស​ កីឡាករ​អូទ្រីស Thiem បាន​ទម្លាក់​កីឡាករ Alex de Minaur របស់​អូស្ត្រាលី ជាមួយ​នឹង​ជ័យ​ជម្នះ ៣-០ សិត ៦-១ ៦-២ និង ៦-៤ ឡើង​ទៅ​វគ្គ​ពាក់​កណ្ដាល​ផ្ដាច់​ព្រ័ត្រ​ នៅ​ក្រុង​ញូវយ៉កនេះ ជា​លើក​ដំបូង ដោយ​ត្រូវ​ទៅ​ជួប​កីឡាករ​រុស្ស៊ី Medvedev ដែល​ប្រកួត​ឈ្នះមិត្ត​រួម​ជាតិ និង​មិត្ត​កាល​ពី​កុមារភាព​របស់​ខ្លួន Andrey Rublev ក្នុង​លទ្ធផល ៧-៦ ៦-៣ និង ៧-៦​៕ AFP/VN​

Content image - Phnom Penh Post
កីឡាករ​អូទ្រីស Thiem រត់​ទៅ​កូន​បាល់​របស់​គូបដិបក្ខ ដែល​វាយ​មក អំឡុង​ការ​ប្រកួត​កម្មវិធី US Open 2020 វគ្គ ៨​ នាក់​។

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។