The Phnom Penh Post Search

Search form




Logo of Phnom Penh Post newspaper Phnom Penh Post - Son ពិត​ជា​សោក​ស្ដាយ​ ចំពោះ​ការ​បង្ក​កំហុស​ដល់​កីឡាករ​ Gomes

Son ពិត​ជា​សោក​ស្ដាយ​ ចំពោះ​ការ​បង្ក​កំហុស​ដល់​កីឡាករ​ Gomes

Content image - Phnom Penh Post
ខ្សែ​ប្រយុទ្ធ​ Son​ Heung-min​ របស់​ក្រុម​ Tottenham ក្នុងការប្រកួតកាលពីយប់មិញ។ រូបថត AFP

Son ពិត​ជា​សោក​ស្ដាយ​ ចំពោះ​ការ​បង្ក​កំហុស​ដល់​កីឡាករ​ Gomes

ក្រុងឡុងដ៍ៈ ខ្សែ​ប្រយុទ្ធ​ Son​ Heung-min​ របស់​ក្រុម​ Tottenham បាន​សុំ​ទោស​ចំពោះ​ការ​រួម​ចំណែក​របស់​រូប​គាត់​ក្នុង​ការ​បង្ក​របួស​ដ៏​កាច​សាហាវ​ដល់​កីឡាករ​ Andre​ Gomes និង​និយាយ​ថា​ រយៈ​ពេល​ប៉ុន្មាន​ថ្ងៃ​ចុង​ក្រោយ​នេះ​ពិត​ជា​មាន​អារម្មណ៍​តឹង​តែង​មែន​ទែន​។

កីឡាករ Son មាន​ទឹក​មុខ​ស្រងោត​ស្រងាត់​បន្ទាប់​ពី​​មាន​ការ​ប៉ះ​ជា​មួយ​កីឡាករ​ Gomes​ ក្នុង​ការ​ប្រកួត​​ស្មើ​ ១-១ ជា​មួយ​ក្លិប Everton ​កាល​ពី​ថ្ងៃ​អាទិត្យ​នៃ​ក្រប​ខ័ណ្ឌ​ Premier ​League ដែល​បាន​ធ្វើ​ឲ្យ​​ខ្សែ​ម្រើរូបនេះបាក​ក​ជើង​ស្ដាំ​នៅពេល​រូប​គេបាន​ជ្រុល​​ទៅ​បុក​នឹង​កីឡា​ករ​ Serge Aurier ។​

កីឡា​ករ​ជម្រើស​ជាត​​កូរ៉េ​​ខាង​​ត្បូង​រូប​នេះ​បាន​ទទួល​កាត​ក្រហម​ប៉ុន្តែ​ក្រោយ​មក​ត្រូវ​បាន​ដក​ការ​ពិន័យ​នោះ​វិញ ហើយ​រូប​គាត់​ថែម​ទាំង​រក​បាន​​ ២​ គ្រាប់​​ ក្នុង​ការ​ប្រកួត​ដែល​​​​ក្រុម Tottenham ​​បាន​ឈ្នះ​​ក្រុម​ Red Star Belgrade ៤-០ នៃ​ក្រប​ខ័ណ្ឌ Champions ​League កាល​ពី​ថ្ងៃ​ពុធ​។

បន្ទាប់​ពី​រក​បាន​ ៥​ គ្រាប់ ​ក្នុង​ ៤​ ប្រកួត​ នៃ​ក្រ​ប​ខ័ណ្ឌ​អឺរ៉ុប​នៅ​រដូវ​កាល​នេះ​ កីឡាករ​ Son បាន​អរគុណ​មិត្ត​រួម​ក្រុម​និង​អ្នក​គាំទ្រ​របស់​ខ្លួន​ដែល​បាន​ជួយ​គាត់​ឲ្យ​ឆ្លង​កាត់ ១​​ សប្តាហ៍​ ដ៏​លំបាក​មក​នេះ​​។

កីឡាករ​រូប​នេះ​បាន​ប្រាប់​ BT ​Sport​ ថា៖ «​ជា​ការ​ពិត ​វា​ពិត​ជា​លំបាក​ណាស់​ពីរ​បី​ថ្ងៃ​នេះ​ប៉ុន្តែ​ខ្ញុំ​បាន​ដឹង​ថា​ ខ្ញុំ​ពិត​ជា​មាន​សំណាង​ណាស់​​ដោយ​មាន​ការ​ជួយ​គាំទ្រ​ទាំង​ពី​អ្នក​គាំទ្រ​និង​មិត្ត​រួម​ក្រុម​របស់​ខ្ញុំ​»​។

កីឡាករ​ Son បាន​បន្ថែម​ថា៖ «​ខ្ញុំ​អាច​និយាយ​បាន​ថា​ ខ្ញុំ​ពិត​ជា​សោក​ស្តាយ​ចំពោះ​គ្រោះ​ថ្នាក់​និង​ស្ថាន​ភាព​នេះ​ប៉ុន្តែ​ខ្ញុំ​ត្រូវ​ផ្តោត​អារម្មណ៍​ទៅ​លើ​ក្រុម ​ហើយ​ខ្ញុំ​ត្រូវ​តែ​បន្ត​ទៅ​មុខ​ទៀត​ ​ហើយ​វា​ជា​ការ​ឆ្លើយ​តប​ត្រឹម​ត្រូវ​សម្រាប់អ្នក​ទាំង​អស់​គ្នា​​ដែល​បាន​គាំទ្រ​ខ្ញុំ​»​។

ជ័យ​ជម្នះ​សម្រាប់​ក្រុម​ Tottenham នេះ​ គឺ​ជា​ការ​ប្រកួត​​ឈ្នះ​នៅ​ក្រៅ​ទឹក​ដី​របស់​ខ្លួន​ជា​លើក​ដំបូង​ចាប់​តាំង​ពី​ថ្ងៃ​ទី​ ៨ ​ខែ​ឧសភា​ និងធ្វើ​ឲ្យ​ពួក​គេ​ឈរ​នៅ​លេខ​២​នៅ​ក្នុង​ពេល​ B បន្ទាប់​ពី​ក្រុម Bayern និង​មាន​ឱកាស​ឡើង​ទៅ​វគ្គ​ ១៦ ក្រុម​ចុង​ក្រោយ ​នៃ​ក្រប​ខ័ណ្ឌ ​Champions ​League​៕​ AFP/SN

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។