The Phnom Penh Post Search

Search form




Logo of Phnom Penh Post newspaper Phnom Penh Post - Spurs នៅតែ​រំពឹងការ​ប្រកួត​ជាមួយ Aston បន្តកើត​មាន​ធម្មតា




Spurs នៅតែ​រំពឹងការ​ប្រកួត​ជាមួយ Aston បន្តកើត​មាន​ធម្មតា

Content image - Phnom Penh Post
លោក Mourinho កំពុង​ឆ្លើយ​សំណួរ​អ្នក​សារព័ត៌មាន ក្រោយ​ចប់​ការ​ប្រកួត ពាន FA Cup ជុំ​ទី៣ ដែល​ក្រុម​ Spurs របស់​លោក​បំបាក់ Marine ៥-០។ ​

Spurs នៅតែ​រំពឹងការ​ប្រកួត​ជាមួយ Aston បន្តកើត​មាន​ធម្មតា

ក្រុងឡុងដ៍​: ក្រុម Tottenham Hotspur កំពុង​ត្រៀមខ្លួន​សម្រាប់​ការ​ប្រកួត​នៅ​ក្រប​ខ័ណ្ឌ Premier League របស់​ខ្លួន ទល់​នឹង​ក្រុម​ម្ចាស់​ផ្ទះ Aston Villa នៅ​ថ្ងៃ​ពុធ​នេះ បើ​ទោះ​ជា​ក្រុម​គូ​បដិបក្ខ កំពុង​កើត​មាន​នូវ​ការ​ឆ្លង​ជំងឺ​កូវីដ​ ១៩ ក៏​ដោយ។ នេះ​បើ​តាម​ប្រសាសន៍​របស់​លោក Jose Mourinho អ្នក​ចាត់​ការ​របស់​ក្រុម Spurs។

ក្រុម Aston បាន​ដាក់​បញ្ចូល​ឈ្មោះ​កីឡាករ​កម្រិត​ថ្នាល ក្នុង​ប្រកួត ដែល​ពួក​គេ​ចាញ់ Liverpool ៤-១ ហើយ​ធ្លាក់​ចេញ​ពី​ពាន​ FA Cup ត្រឹម​ជុំ​ទី៣​ កាល​ពី​ថ្ងៃ​សុក្រ ក្រោយ​ក្រុម​កីឡាករ​ក្រុម​ធំ​ចំនួន ៩​ នាក់ និង​បុគ្គលិក​របស់​ក្លិប ៥​ រូប តេស្ត​វិជ្ជមាន​វីរុស​កូរ៉ូណា​។

ក្រោយ​ក្រុម​របស់​លោក​បំបាក់​ក្រុម​នៅ​លីគ​កម្រិត​ទី៨ Marine AFC ក្នុង​លទ្ធផល ៥-០ សម្រាប់​ការ​ប្រកួត​ពាន FA Cup ជុំ​ទី៣ ពេល​ត្រូវ​សួរ​ដោយ​អ្នក​សារព័ត៌មាន​ថា តើ​ក្រុម Spurs រំពឹង​បាន​លេង​ប្រកួត​បន្ទាប់​ទេ? លោក Mourinho ឆ្លើយ​ថា​៖ «ថ្ងៃ​ពុធ​»​។

លោក Mourinho ​ថ្លែង​ថា៖ «​គ្មាន​នរណា​ម្នាក់​ប្រាប់​ខ្ញុំ​ថា ខ្ញុំ​នឹង​មិនបាន​ទៅលេង​នោះ​ទេ ដូច្នេះ (នៅ​ព្រឹក​ថ្ងៃ​ចន្ទ) យើង​ចាប់​ផ្តើម​ត្រៀម​ខ្លួន សម្រាប់​ការ​ប្រកួត​នោះ ហើយ​នៅ​ថ្ងៃ​អង្គារ​ក៏​ត្រៀម​ខ្លួន​ដដែល លើក​លែង​តែ​មាន​គេ​ប្រាប់​យើង​ផ្សេង​»​។

ច្បាប់​របស់​ក្រប​ខ័ណ្ឌ Premier League ចែង​ថា ការ​ប្រកួត​មិន​អាច​ផ្អាក​បាន​ទេ លើក​លែង​តែ​ក្រុមណា​មួយ មាន​កីឡាករ​តិច​ជាង ១៤ នាក់។ ក្រុម​មាន់​ខ្នាយ​មាស បាន​ផ្អាក ​១ ប្រកួត នៅ​លីគរួចហើយ ពេល​ប៉ះ​ក្រុម Fulham ដោយសារ​តែ​ការ​រាល​ដាល​នូវ​ជំងឺ​កូវីដ ១៩​ ដ៏​គំហុក​នេះ​។

ការ​ជួប​ជាមួយ​ក្រុម​ម្ចាស់​ផ្ទះ​ Aston ដែល​ឈរ​នៅ​ចំណាត់​ថ្នាក់​ទី៨ ក្នុង​តារាង​ពិន្ទុ Premier League គឺ​ជា​ការ​ប្រកួត​បង្គ្រប់​សប្ដាហ៍​ទី១៧ របស់​ក្រុម Spurs ដែល​បច្ចុប្បន្ន ឈរ​នៅ​ចំណាត់​ថ្នាក់ទី៤ ជាមួយ​នឹង​ ២៩ ​ពិន្ទុ​៕ AFP/VN

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ