ក្រុងបាងកក: សហព័ន្ធវាយសីអន្តរជាតិ (BWF) បានឱ្យដឹង នៅព្រហស្បតិ៍នេះថា ការប្រកួតវាយសី ក្នុងកម្មវិធី Thailand Open 2021 នៅប្រទេសថៃ ពិតជាមានសុវត្ថិភាព ក្នុងការបន្តដំណើរទៅមុខ បន្ទាប់ពីមានវិជ្ជមានវីរុសកូរ៉ូណាចំនួន ៣ ករណី នៅពីថ្ងៃដំបូងនេះ។
កីឡាករសញ្ជាតិអេហ្ស៊ីបម្នាក់ បានដកខ្លួន ហើយគ្រូបង្វឹកជនជាតិអាល្លឺម៉ង់ និងសមាជិករបស់ក្រុមបារាំង ១ រូប កំពុងស្ថិតក្រោមការតាមដានរបស់ពេទ្យ ក្រោយធ្វើតេស្តវិជ្ជមាន នៅឯកន្លែងរៀបចំព្រឹត្តិការណ៍ប្រកួតវាយសីនេះ។
អត្តពលិក ៣ នាក់ផ្សេងទៀត ក៏ទទួលបានលទ្ធផលវិជ្ជមានដែរ មុនពេលគ្រូពេទ្យបញ្ជាក់ថា ពួកគេបានឆ្លងជំងឺជាប្រវត្តិសាស្ត្ររបស់ពិភពលោក។ តែមន្រ្តីសុខាភិបាលរបស់ថៃ បានសម្រេចថា ព្រឹត្តិការណ៍នេះ អាចបន្តរៀបចំជាធម្មតា។ នេះបើតាមការដឹងពី BWF។
«ការប្រកួតប្រជែង ត្រូវបានវាយតម្លៃថា មានសុវត្ថិភាពក្នុងការឱ្យរៀបចំបន្តដោយមន្ត្រីសុខាភិបាលរបស់ប្រទេសថៃ»។ នេះជាការលើកឡើងរបស់ស្ថាប័នគ្រប់គ្រងកីឡាវាយសី ឱ្យដឹងក្នុងសេចក្ដីប្រកាសរបស់ខ្លួន ដែលបន្ថែមឱ្យដឹងទៀតថា គ្រប់កីឡាករទាំងអស់ដែលធ្វើតេស្តនៅថ្ងៃអង្គារ គឺអវិជ្ជមាន។
Thailand Open 2021 គឺជាកម្មវីធីទី ១ ក្នុងចំណោមព្រឹត្តិការណ៍ចំនួន ៣ ជាប់ៗគ្នា ដែលរៀបចំ នៅក្រុងបាងកក ខណៈការប្រកួតវាយសី ចាប់ផ្ដើមមានសកម្មភាពឡើងវិញហើយ ក្រោយឆ្នាំ២០២០ មានការរំខានដោយវីរុសកូរ៉ូណា៕ AFP/VN