The Phnom Penh Post Search

Search form




Logo of Phnom Penh Post newspaper Phnom Penh Post - Vardy ជួយ Leicester បំបាក់ Man City




Vardy ជួយ Leicester បំបាក់ Man City

Content image - Phnom Penh Post
Maddison (ស្ដាំ) ត្រូវរុញដួល ធ្វើឱ្យ Leicester បានប៉េណាល់ទី លើកទី៣។ AFP

Vardy ជួយ Leicester បំបាក់ Man City

ក្រុង​ឡុងដ៍៖ ៣ គ្រាប់ ​របស់​ខ្សែ​ប្រយុទ្ធ Jamie Vardy ហាក់​បី​ដូច​​ជា​មក​បំផ្លាញ​​ក្ដី​សង្ឃឹម​របស់​ក្រុម Manchester City ក្នុង​ការ​ត្រឡប់​មក​ប្រជែង​ពាន​ក្របខ័ណ្ឌ Premier League ខណៈ​​ក្រុម​ម្ចាស់​​ផ្ទះ បណ្ដោយ​​​ឱ្យ​មាន​​​​បាល់​ប៉េណាល់ទី​ដល់​ទៅ ៣ ​គ្រាប់ ក្នុង​ចំណោម​លទ្ធផល ៥-២ ដែល​​​ចាញ់​ក្រុម​ Leicester City កាល​ពី​ថ្ងៃ​អាទិត្យ​។

Man City អវត្ត​មាន​កីឡាករ​សំខាន់​ៗ​ជម្រើស​ដំបូង​មួយ​ចំនួន ដោយសារ​មាន​របួស និង​ឆ្លង​វីរុស​កូរ៉ូណា ហើយ​កង្វះ​ខាត​តំបន់​ការពារ ដែល​ធ្វើ​ឱ្យ​បាត់​​ពាន​រដូវកាល​មុន ឥឡូវ​នេះ​ត្រូវ​ទទួល​មេរៀន​ជា​ថ្មី​ម្ដង​ទៀត​ជាមួយ​នឹង​ល្បឿន​ និង​ភាព​​​វៃ​ឆ្លាត​នៃ​ការ​បញ្ចប់​ទី​របស់​កីឡាករ Vardy ខណៈ​​លោក​ Pep Guardiola របូត​ ៥ គ្រាប់​​​ជា​លើក​ដំបូង ក្នុង​អាជីព​ជា​គ្រូ​បង្វឹក​របស់​ខ្លួន​។

ក្រុម Leicester ហក់​ឡើង​ទៅ​ទី​កំពូល​នៃ​តារាង​លីក តែ​ត្រូវ​តាម​ពី​ក្រោយ​ក្រុម​ម្ចាស់់​ផ្ទះ​សិន​ មុន​នឹង​អាច​បន្ត​នូវ​ការ​ចាប់​ផ្ដើម​ដ៏​​ឥត​ខ្ចោះ​របស់​ខ្លួន​​រដូវកាល​នេះ ដោយសារ​ខ្សែ​បម្រើ​ប្រយុទ្ធ Riyad Mahrez ស៊ុត​បញ្ចូល​ទី​ក្រុម​ចាស់​​យ៉ាង​ស្អាត​នៅ​នាទីទី​៤ ជួយ​ឱ្យ​ក្រុម Man City បើក​ការ​នាំ​មុខ​។

តែ​ ៣ គ្រាប់ ​របស់ Vardy ក្នុង​នោះ​មាន​ប៉េណាល់ទី ២ គ្រាប់​ផង​ដែរ និង ១ ​គ្រាប់ របស់​កីឡាករ​​បម្រុង James Maddison ព្រមទាំង ១ គ្រាប់​របស់​ខ្សែ​​បម្រើ Your Tielemans ដែល​បាន​ដោយ​ការ​ស៊ុត​បាល់​ពិន័យ ១១ ម៉ែត្រ លើក​ទី​៣ របស់​ក្រុម​ជួយ​ឱ្យ​ក្រុម​របស់​លោក Brendan Rodgers មាន ៩ ​ពិន្ទុ​ពេញ ក្នុង​ចំណោម ៣ ​ប្រកួត​ដំបូង​របស់​ខ្លួន ខណៈ​ក្រុម​ម្ចាស់​ផ្ទះ​មិន​ធ្លាប់​ត្រូវ​គេ​ស៊ុត​ដល់​ទៅ ៥ គ្រាប់​ឡើយ ក្នុង​ផ្ទះ​ខ្លួន​ឯង​គិត​តាំង​ពី​ចាញ់​ក្រុម Arsenal ៥-១ កាល​ពី​ឆ្នាំ ​២០០៣។

ក្រោយ​រង​បរាជ័យ​​នេះ លោក Pep ​និយាយ​ថា​៖ «​បញ្ហា​នៅ​ត្រង់​ថា ពួក​យើង​ដាក់​សម្ពាធ​ឱ្យ​ខ្លួន​ឯង​ពេក ដោយ​ចង់​ស៊ុត​បញ្ចូល​ទី​ឱ្យ​បាន​គ្រាប់​ទី២ និង​ទី៣។ យើង​គួរ​អត់​ធ្មត់​ជាង​នេះ​ ព្រោះ​ពួក​យើង​អត់​មាន​កីឡាករ​​ប្រយុទ្ធ​ក្នុង​ប្រអប់​ដូច​យើង​ចង់​បាន​​ឡើយ​។ ខ្ញុំ​មិន​ចុះ​ចាញ់​ទេ ហើយ​​ខ្ញុំ​នឹង​ព្យាយាម​រក​ដំណោះ​​ស្រាយ​ឱ្យ​បាន​»​។​​

ពេល​នេះ ក្រុម​មេឃ​ខៀវ​ត្រូវ​បាន​គេ​រាយការណ៍​ថា ជិត​ទិញ​បាន​ខ្សែ​ការពារ​កណ្ដាល Ruben Dias ពី​ក្រុម​នៅ​ព័រទុយហ្គាល់ Benfica ខណៈ​តម្រូវ​ការ​ចាំបាច់​តំបន់​ការពារ គឺ​ពិត​ណាស់​ជា​កត្តា​ចម្បង ព្រោះ​ Vardy បាន​ធ្វើ​បង្ហាញ​ឱ្យ​ឃើញ​ថា ​ការ​ចាប់​ដៃ​គូ​រវាង Eric Garcia និង Nathan Ake មិន​រឹងមាំ​ឡើយ​។

Vardy ​​ប្រាប់​ត្រួសៗ​ក្រោយ​ការ​ប្រកួត​បញ្ចប់​ថា​៖ «​យើង​ត្រូវ​ធ្វើ​ឱ្យ​ពួក​គេ​ចលាចល ដើម្បី​ឱ្យ​វា​ក្លាយ​ជា​ការ​គាប​សង្កត់​មួយ​។ យើង​ដឹង​ច្បាស់ ប្រសិន​បើ​យើង​ធ្វើ​តាម​គម្រោង​ នោះ​យើង​នឹង​មាន​ឱកាស​​ខ្លះ​​មិន​ខាន​​ ហើយ​ទី​បំផុត​យើង​ធ្វើ​បាន​សម្រេច​»​។

សម្រាប់​គូ​ប្រកួត​ផ្សេង​ទៀត នៅ​ថ្ងៃ​ជាមួយ​គ្នា​នេះ ឃើញ​ថា​ក្រុម​ Tottenham Hotspur មាន​ការ​សោកស្ដាយ​យ៉ាង​ខ្លាំង ដែល​ភ្លាត់បាត់ ២ ​ពិន្ទុ ក្រោយ​ត្រូវ​ក្រុម​ភ្ញៀវ​ Newcastle United តាម​ស្មើ ១-១ នៅ​ចុង​ម៉ោង​ ដោយសារ​បាល់​ពិន័យ ១១ ​ម៉ែត្រ​។ ក្រុម Burnley ចាញ់​ក្រុម Southampton ១-០ នៅ​ផ្ទះ​ខ្លួន​ឯង ខណៈ​ក្រុម​ចំណូល​ថ្មី​ Leeds United ឈ្នះ​ក្រុម​ម្ចាស់​ផ្ទះ Sheffield United ១-០។

ក្រុម West Ham ក៏​នៅ​តែ​ឈ្នះ ជាមួយ​នឹង​ការ​បំបាក់​ក្រុម​ភ្ញៀវ​​ Wolves ដល់​ទៅ ៤-០ បើ​ទោះបី​អត់​មាន​គ្រូបង្វឹក លោក David Moyes ​ឈរ​បញ្ជា ដោយសារ​ឆ្លង​ជំងឺ​កូវីដ ១៩​ ក៏​ដោយ​៕ AFP/VN

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។