The Phnom Penh Post Search

Search form

Logo of Phnom Penh Post newspaper Phnom Penh Post - ផុង​កង់​ឡាន​ធ្លាក់​អ្នក​ហែក្បួន​របស់ CPP របួស​នៅ​មុខ​កំពូល

ផុង​កង់​ឡាន​ធ្លាក់​អ្នក​ហែក្បួន​របស់ CPP របួស​នៅ​មុខ​កំពូល

ផុង​កង់​ឡាន​ធ្លាក់​អ្នក​ហែក្បួន​របស់ CPP របួស​នៅ​មុខ​កំពូល

កណ្តាលៈ ខណៈ​រថយន្ត​ដង្ហែ​ក្បួន​ឃោសនា​របស់​សកម្មជន​គាំទ្រ​គណបក្ស​ប្រជាជន កម្ពុជា​មួយ​បាន​ផុង​កង់​រក​ក្រឡាប់ បណ្ដាល​ឲ្យ​រង​របួស​ជា​ច្រើន​នាក់​ក្នុង​ចំណោម​អ្នក​ជិះ​៥០​នាក់ កាល​ពី​ម្សិលមិញ។

លោក អ៊ុក ប៊ុនថុន អាយុ​៣២​ឆ្នាំ រស់​នៅ​ឃុំ​រកាកោង​១ ស្រុក​មុខ​កំពូល បាន​ប្រាប់​ថា នៅ​ព្រឹក​ថ្ងៃ​ទី២១ កក្កដា​ម្សិលមិញ​នេះ សកម្មជន​ទៅ​ហែក្បួន​ឃោសនា​ដ៏​ធំ​របស់​គណបក្ស​ប្រជាជន​កម្ពុជា ប្រមាណ​៥០​នាក់ បាន​របូត​ដៃ​ធ្លាក់​និង​ការ​ព្យាយាម​លោត​ចុះ​ពី​រថយន្ត​កូរ៉េ​អត់​ដំបូល​មួយ ខណៈ​កំពុង​តែ​ជិះ​ស្រែក​ហោ​កញ្ជ្រៀវ​ហើយ​រថយន្ត​ផុង​កង់​ផ្អៀង​រក​កល​ក្រឡាប់ នៅ​ម្ដុំ​ភូមិ​គូហ៊ី ឃុំ​រកាកោង​១ ស្រុក​មុខ​កំពូល។

លោក បន្ត​ថា មិន​មាន​អ្នក​បាត់​បង់​ជីវិត​ទេ។ តែ​ក្នុង​នោះ​៥នាក់​បាន​រង​របួស​ធ្ងន់​ត្រូវ​បញ្ជូន​យក​ទៅ​មន្ទីរពេទ្យ កាល់ម៉ែត នៅ​ភ្នំពេញ។

សមត្ថកិច្ច នគរបាល​និង​អាជ្ញាធរ​ដែន​ដី ថ្នាក់​ឃុំ​ដល់​ស្រុក កាល​ពី​ម្សិលមិញ មិន​អាច​ទាក់​ទង​សុំ​ការ​បញ្ជាក់​បាន​ទេ។

ប្រធាន​គណៈកម្មាធិការ​រៀបចំ​ការ​បោះឆ្នោត​ខេត្ត​កណ្ដាល លោក គឹម ហុង ឲ្យ​ដឹង​ថា មាន​ករណី​នេះ​កើត​ឡើង​ពិត​មែន ប៉ុន្តែ ជន​រងគ្រោះ​មិន​ច្រើន​ដូច​គេ​អះអាង​ទេ គឺ​មាន​តែ​បួន​ប្រាំ​នាក់​តែ​ប៉ុណ្ណោះ៕

អត្ថបទគួរចាប់អារម្មណ៍