The Phnom Penh Post Search

Search form




Logo of Phnom Penh Post newspaper Phnom Penh Post - កង​នាវា​អូស្ដ្រាលី​ នាំ​យក​ស្រាបៀរ​​មក​កាន់​ក្រុង​រង​គ្រោះ​ភ្លើង​ឆេះ​ព្រៃ​ខ្លាំង

កង​នាវា​អូស្ដ្រាលី​ នាំ​យក​ស្រាបៀរ​​មក​កាន់​ក្រុង​រង​គ្រោះ​ភ្លើង​ឆេះ​ព្រៃ​ខ្លាំង

Content image - Phnom Penh Post
នាវាទម្ងន់ ១៦ ០០០ តោន​ បាននាំ​ស្រាបៀរ​ទៅ​ក្រុង​ម៉ាល់ឡាខូតា​។ រូបថត AFP

កង​នាវា​អូស្ដ្រាលី​ នាំ​យក​ស្រាបៀរ​​មក​កាន់​ក្រុង​រង​គ្រោះ​ភ្លើង​ឆេះ​ព្រៃ​ខ្លាំង

ក្រុងស៊ីដនី៖ កង​នាវា​អូស្ដ្រាលី​ដែល​បំពេញ​ការងារ​សង្គ្រោះ​ពលរដ្ឋ​ជាប់​ក្នុង​ភ្លើង​ឆេះ​ព្រៃលើ​ឆ្នេរ​ភាគ​អាគ្នេយ៍​ បាន​ទទួល​បេសកកម្ម​ថ្មី​មួយ​ទៀត​កាល​ពី​ថ្ងៃ​សុក្រ ដោយ​ការ​ដឹក​ជញ្ជូន​ស្រាបៀរ​​ទៅ​កាន់​បារ៍​ប្រឈម​នឹង​បញ្ហា​កង្វះ​ភេសជ្ជៈ​នេះ​។

មនុស្ស​ជាង ១ ពាន់​នាក់ ​ត្រូវ​បាន​ជម្លៀស​ពី​ទីក្រុង​ ម៉ាល់ឡាខូតា ដោយ​កងកម្លាំង​បាន​បញ្ជូន​នាវា​ទៅ​ប្រមែប្រមូល​ក្រុម​គ្រួសារ​ដែល​ជាប់​នៅ​ទី​នោះ តាំង​ពី​ថ្ងៃ​ឆ្លង​ចូល​ឆ្នាំ​ថ្មី​។

អ្នក​នាំពាក្យ​ក្រសួង​ការពារ​ជាតិ​បាន​ប្រាប់ AFP ថា ប៉ុន្ដែ​ក្រោយ​ពី​រត់​ភៀស​ខ្លួន​អស់​រយៈពេល​ជា​ច្រើន​ថ្ងៃ​ កង​នាវា​នឹង​ដឹក​ជញ្ជូន​ស្បៀង​ដ៏​ចាំ​បាច់​ រួម​ទាំង​ភេសជ្ជៈ​សម្រាប់​អ្នក​ស្រេក​ឃ្លាន​។

អ្នក​នាំពាក្យ​បាន​និយាយ​ថា​៖ «ស្រាបៀរ​មិន​មែន​ជា​បរិក្ខារ​ចាំបាច់​លើ​នាវា HMAS Choules នោះ​ទេ​ ហើយ​គ្រឿង​ផ្គត់ផ្គង់​សំខាន់​មិន​តម្រូវ​ឲ្យ​ដាក់​ស្រាបៀរ​ឡើយ​»។

ក្រុមហ៊ុន​ស្រាបៀរ Carlton and​ United Breweries បាន​ឲ្យ​ដឹង​កាល​ពី​ថ្ងៃ​សុក្រ​ថា ខ្លួន​បាន​ផ្ដល់​គ្រឿង​ស្រវឹង​នៅ​មូលដ្ឋាន​នាវា​ Cerberus ដើម្បី​បន្ដ​ចែក​ឲ្យ​សណ្ឋាគារ Mallacoota Hotel ក្រោយ​ពី​អស់​ស្ដុក​។

Content image - Phnom Penh Post
នាវា HMAS Choules​​ ដែល​ត្រូវ​បាន​ប្រើ​ក្នុងការ​សង្គ្រោះភ្លើង​ឆេះព្រៃ​។ រូបថត AFP

ការ​ដឹក​ជញ្ជូន​ រួម​មាន ស្រាបៀរ​ និង​ស្រា​ផ្លែ​ប៉ោម ២០ ធុង ​សម្រាប់​ទី​ក្រុង​នេះ ដែល​​មាន​ប្រជាជន​សរុប​ប្រមាណ ១ ពាន់​នាក់​។

អគ្គនាយក ​Carlton and​ United Breweries លោក ភេតធ័រ ហ្វីលីប៉ូវិក បាន​និយាយ​ថា​៖ «​បារ៍​អត់​ស្រាបៀរ​ជា​ឱកាស​ដ៏​អាប់អួរ​ក្នុង​គ្រា​ស្រស់​ថ្លា​។ ក្រោយ​ពី​អ្វី​ដែល​ពលរដ្ឋ​ក្រុង​ម៉ាល់ឡាខូតា និង​ក្រុម​ពន្លត់​អគ្គិភ័យ​បាន​ឆ្លង​កាត់​វេលា​ដ៏​លំបាក​ អ្វី​ដែល​យើង​អាច​ធ្វើ​បាន​គឺ​ធានា​ថា ពួក​គេ​អាច​​រីករាយ​នឹង​ស្រាបៀរ​»។

លោក​បន្ដ​ថា​៖ «​យើង​មិន​ច្បាស់​ថា ​នាវា​ដឹក​​ធ្លាប់​​ស្រាបៀរ​ដល់​ជន​ស៊ីវិល​កាល​ពី​មុន​មក ​ឬ​យ៉ាង​ណា»។

យោង​តាម​ក្រសួង​ការពារ​​ជាតិ​អូស្ដ្រាលី នាវា HMAS Choules ​ទម្ងន់ ១៦ ០០០ តោន​ បាន​​វិល​ទៅ​ក្រុង​ម៉ាល់ឡាខូតា ជាមួយ​ស្រាបៀរ​កាល​ពី​ថ្ងៃ​សុក្រ​៕ AFP/HR

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។