The Phnom Penh Post Search

Search form




Logo of Phnom Penh Post newspaper Phnom Penh Post - កញ្ញាឯក​ចក្កវាឡ​កម្ពុជា​ឆ្នាំ​ ២០២០​ ​ចេះ​និយាយ​ភាសា​បរទេស​ ៣ ភាសា




កញ្ញាឯក​ចក្កវាឡ​កម្ពុជា​ឆ្នាំ​ ២០២០​ ​ចេះ​និយាយ​ភាសា​បរទេស​ ៣ ភាសា

Content image - Phnom Penh Post
តារា​សម្តែង ម៉ូដែល និងជា​ពិធី​ការិនី​ កញ្ញា រ៉េត សារីតា​​ បាន​ក្លាយជា​កញ្ញាឯក​ចក្កវាឡ​របស់​កម្ពុជា​ប្រចាំ​ឆ្នាំ​​ ២០២០​។ រូបថត ហ្វេសប៊ុក​

កញ្ញាឯក​ចក្កវាឡ​កម្ពុជា​ឆ្នាំ​ ២០២០​ ​ចេះ​និយាយ​ភាសា​បរទេស​ ៣ ភាសា

ភ្នំពេញ៖ ក្រោយ​ពី​ពុះពារ​ និង​បាន​​ជម្នះ​​នូវ​រាល់​ឧបសគ្គ​​ក្នុង​ការ​ប្រកួត​ប្រជែង​​រហូត​ដណ្តើម​បាន​មកុដ​​កញ្ញាឯក​ចក្កវាឡ​កម្ពុជា​ប្រចាំ​ឆ្នាំ​ ២០២០ កាល​ពី​រាត្រី​ថ្ងៃទី​ ២៦ ខែ​វិច្ឆិកា កន្លង​មក​នោះ មហាជន​ជា​​​អ្នក​គាំទ្រ​មាន​ការ​ស្ងើច​សរសើរ​យ៉ាង​ខ្លាំង​​អំពី​​សមត្ថភាព​​ និង​ចំណេះដឹង​ជា​ពិសេស​នោះ គឺ​​សមត្ថភាព​​ចេះ​​ភាសា​បរទេស​​របស់​កញ្ញា រ៉េត​ សារីតា។

កញ្ញា រ៉េត សារីតា ​បច្ចុប្បន្ន​ជានិស្សិត​កំពុង​បន្ត​ការ​សិក្សា​ថ្នាក់​​អនុបណ្ឌិត​ផ្នែក​​ទំនាក់ទំនង​អន្តរជាតិ និង​អាច​​និយាយ​​​ភាសា​អង់​គ្លេស​យ៉ាង​​​ស្ទាត់​​ជំនាញ​ស័ក្តិសម​​ជា​បវរកញ្ញា​ដែល​តំណាង​ឱ្យ​​កម្ពុជា​នៅ​​លើ​ឆាក​​អន្តរជាតិ ដែល​នាង​អាច​និយាយ​ភាសា​​បរទេស​​ជា​សកល​មួយ​នេះ​បាន​ល្អ​​។

កាល​​ពី​ឆ្នាំ​ ២០១៦ កញ្ញា រ៉េត សារីតា ក៏​​ធ្លាប់​ទទួល​​បាន​ពាន​​​រង្វាន់​ជើងឯក Youth Champion Award ពី​កម្មវិធី​ UNFPA Cambodia ចំពោះ​ការ​ជួយលើក​កម្ពស់​ការ​យល់ដឹង​ពី​ការ​អប់រំ​សុខភាព​​ផ្លូវ​ភេទ​ និង​សុខភាព​បន្ត​ពូជ​សម្រាប់​​​​យុវជន។ លើស​ពី​នេះ កញ្ញា សារីតា ក៏​​មាន​អាជីព​​ជាតារា​សម្តែង​ពិធីការិនី និង​តារា​បង្ហាញ​ម៉ូដ​​ឱ្យ​ក្រុមហ៊ុន​​​ធំៗ​​​ជា​ច្រើន​ មុន​​ឈាន​​​មក​​ប្រកួត​​កញ្ញាឯក​​​ចក្កវាឡ​​​កម្ពុជា​ នៅ​​ឆ្នាំ ​២០២០ និង​​បាន​គ្រង​​​​មកុដ​មួយ​​​នេះ​​​​ថែម​ទៀត​ផង​​។

នាពេល​​​ប្រកួត​​ឆ្លើយ​​សំណួរ​មួយ​វគ្គ​ទៅ​មួយ​វគ្គ កញ្ញា រ៉េ​ត សារី​តា មាន​ចំណុច​​ទាក់​ចិត្ត​​លើស​គេ ដែល​គណៈកម្មាការ​ពេញ​ចិត្ត​គ្រប់​វិញ្ញាសា​ដែល​​​ស្រី​ស្អាត​រូប​នេះ អាច​បំបែក​​បាន​ប្រកប​ដោយ​ជំនឿ​ចិត្ត​ ហើយ​​តាម​​ដឹង​គឺ​នាង​​​បាន​​បញ្ចប់​​ការ​សិក្សា​បរិញ្ញាបត្រ​ភាសា​អង់គ្លេស ​​មាន​​តុង​​និយាយ​​​ភាសា​​នេះ​ បាន​​​ល្អ​ ហើយ​​ភាសា​​ទី​២ ​ចេះ​​​ភាសា​​បារាំង ​យក​ជា​ការ​បាន និង​ចុង​ក្រោយ​​ភាសា​ថៃក៏​បាន​ដែរ។

កញ្ញា រ៉េត សារីតា បាន​ឆ្លើយ​សំណួរ​ជុំ​ចុង​​ក្រោយ​យ៉ាង​ល្អ​ថា៖ «​គោល​បំណង​ដែល​​​ខ្ញុំ​​ចង់​​បាន​​មកុដ​​ថ្ងៃ​នេះ​​ ព្រោះ​​ខ្ញុំ​​ជា​នារី​មាន​ភាព​​អង់អាច​​ក្លាហាន​ជា​នារី​​មាន​ការ​​ទទួល​ខុស​​​ត្រូវ​​ខ្ពស់​​​ក្នុង​សហគមន៍​ ​ជា​ពិសេស​ នា​​សម័យកាល​​​​​មាន​ជំងឺ​​រាតត្បាត​​កូវីដ ១៩ នេះ»៕

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ