ក្រុងឡាសវេហ្គាស: ការ៉េមគ្រឿងស្រវឹងជាបង្អែមប្រភេទថ្មី តែអាចធ្វើឲ្យអ្នកទទួលទានស្រវឹង ហើយសូម្បីតែហារមាត់ខាំមួយម៉ាត់ក៏មិនស្រួលពីព្រោះវាផ្ទុកជាតិអាកុលច្រើនគួរសម។ ចូរសាកល្បង Buzz Pop Cocktails ជាប្រភេទការ៉េមផលិតឡើងពីល្បាយផ្លែឈើ និងគ្រឿងស្រវឹង។
Buzz Pop Cocktails ផ្សំពីផ្លែឈើស្រស់ៗលាយជាមួយស្រាថ្លៃ តែអ្វីដែលធ្វើឲ្យការ៉េមនេះខុសប្លែកពីបង្អែមកកដទៃនោះគឺ សារធាតុអាកុលនេះតែ ម្ដង។
ខណៈការ៉េមស្រវឹងផ្ទុកគ្រឿងស្រវឹងខ្ពស់ជាងស្រាបៀរ ប្រមាណ ៤,៥ ភាគរយជាមធ្យម Buzz Pop Cocktails មានកម្រិតជាតិអាកុលខ្ពស់ជាង ៣ ដង គឺ ១៥ ភាគរយ ដែលមានន័យថា ការ៉េមមួយដើមអាចធ្វើឲ្យអ្នកធីងធោងក្បាលបាន។ មួយកញ្ចក់ មានការ៉េម ៨ ដើម អាចធ្វើឲ្យអ្នកស្រវឹងទាំងរសជាតិអាកុលខ្ពស់ និងតម្លៃថ្លៃគួរសម។
បើហ៊ានប្រថុយដាក់មួយស្រវឹងសម្រាប់អ្នកមានស៊ីទែនធំ វាប្រាកដជាអូសទាញឲ្យអតិថិជនចាយប្រាក់ច្រើន។
ការ៉េម Buzz Pop Cocktails ៨ ដើមក្នុងមួយកញ្ចប់ មានតម្លៃ ៩៩,៩៩ ដុល្លារ ហើយបើអ្នកកុម្ម៉ង់ឲ្យដឹកជញ្ជូនដល់ផ្ទះ អ្នកនឹងបន្ថែមប្រាក់សេវាកម្ម ៣៥ ដុល្លារទៀត។ ដំណឹងល្អ គឺថា អ្នកអាចនឹងបំភ្លេចរឿងចំណាយប្រាក់លើបង្អែមស្រវឹងពេលបានភ្លក្សរសជាតិរបស់វារួច។
ក្រុមហ៊ុនលក់ការ៉េម Buzz Pop Cocktails មានមូលដ្ឋាននៅទីក្រុងឡាសវេហ្គាស តែអតិថិជនអាចរកទិញបង្អែមស្រវឹងនេះនៅតាមភោជនីយដ្ឋាន និងហាងនានានៅសហរដ្ឋអាមេរិក ព្រមទាំង តាមអនឡាញ។
បច្ចុប្បន្ន ការ៉េមស្រវឹងមាន ៨ រសជាតិ Pink Paradise, Southern Belle, Blueberry Mania, Mango Passion Fruit, Caribbean Breeze, Moscow Mule, Watermelon Patch និង Lemon Drop Martini។ ប៉ុន្ដែក្រុមហ៊ុនអះអាងថា ខ្លួននឹងដាក់លក់ការ៉េម ៧៥ រសជាតិគ្រប់រដូវកាលពេញមួយឆ្នាំ៕HR
ប្រភព Odditycentral.com