.jpg)
ក្មេងស្រីនៅកូវ៉ែត ដែលមិនសូវមានការរំលោភបំពាននាំគ្នាហ្វឹកហាត់កាជូឃេនបូ។ AFP
ក្រុងកូវ៉ែត៖ អ្នកស្រី អាស្មា ហាស្នាវី និងកូនស្រី រីហាម បានចំណាយពេលជាង ១២ ម៉ោង ក្នុង ១ សប្ដាហ៍ រៀនក្បាច់គុនចម្រុះ កាជូឃេនបូ ដែលអ្នកម្ដាយនិយាយថា វាអាចជួយបង្កើនជំនឿចិត្ដ និងទប់ទល់ការប្រមាថមាក់ងាយមកលើកូនស្រី។
ក្នុងសាលតូចមួយក្នុងទីក្រុងកូវ៉ែត ស្ដ្រី និងក្មេងស្រីក្នុងឯកសណ្ឋានពណ៌ខ្មៅ មកជួបជុំគ្នារៀនសិល្បៈក្បាច់គុនការពារខ្លួន។ ទង់ជាតិកូវ៉ែត រួមនឹងរដ្ឋហាវ៉ៃសហរដ្ឋអាមេរិក រំលេចលើដៃអាវខាងឆ្វេង ដែលជាសិល្បៈក្បាច់គុនកូនកាត់ កាជូឃេនបូ ត្រូវបានអភិវឌ្ឍក្នុងទសវត្សរ៍ឆ្នាំ ១៩៤០។
ឈ្មោះកីឡាបំលែងពីទម្រង់សិល្បៈក្បាច់គុនច្រើនប្រភេទ រួមទាំង ការ៉ាតេ (កា) ជូដូ និងជូជីស៊ុ (ជូ) ឃេនផូ (ឃេន) និងបុកស៊ីង (បូ)។
អ្នកស្រី ហាស្នាវី អាយុ ៣៣ ឆ្នាំ ដែលស្ថិតនៅក្នុងថ្នាក់ជាមួយកូនស្រី អាយុ ១២ ឆ្នាំ និងក្មេងស្រីដទៃទៀត និយាយថា ទម្រង់សិល្បៈនីមួយៗបានបង្ហាញទិចនិកដែលអាចត្រូវបានប្រើសម្រាប់ការពារខ្លួន។
កាជូឃេនបូ ជាសិល្បៈក្បាច់គុនចម្បុះដែលត្រូវបានបង្កើតឡើងអំឡុងឆ្នាំ ១៩៤០។ AFP
អ្នកស្រីប្រាប់ AFP ថា៖ «ខ្ញុំចង់ចាប់ផ្ដើមរៀនកីឡានេះស៊ីជម្រៅ តែខ្ញុំហ្វឹកហាត់កម្រិតការពារខ្លួនសិន»។
អ្នកស្រី ហាស្នាវី នៅចាំពេលត្រូវបានគេប្រមាថកាលពីកុមារភាព ជាអ្វីដែលកូនស្រីរបស់ខ្លួនបានប្រឈមនៅក្នុងសាលារៀនពេលបច្ចុប្បន្នផងដែរ។ ប៉ុន្ដែអ្នកស្រី និយាយថា រីហាម បានធ្វើឲ្យមានការផ្លាស់ប្ដូរយ៉ាងខ្លាំង ដោយសារពួកគេចាប់ផ្ដើមហ្វឹកហាត់ កាជូឃេនបូ ជាមួយសមត្ថភាពចេះអត់ធ្មត់ និងកាយសម្បទារឹងមាំ។
បច្ចុប្បន្នមិនមានទិន្នន័យករណីអំពើហិង្សាលើស្ដ្រីនៅកូវ៉ែត ដោយសារពួកគេមានសេរីភាពជាងស្ដ្រីនៅប្រទេសជិតខាង។ ការសិក្សាឆ្នាំ ២០១០ មួយបានរកឃើញថា ស្ដ្រីម្នាក់រងការវាយប្រហារនៅកូវ៉ែត។ នេះបើយោងតាមហ្គាដា អាល់-ហ្គានេម មកពីអង្គការវប្បធម៌ស្ដ្រី និងសង្គម (WCSS)។
WCSS ជួយ និងលើកទឹកចិត្ដការចូលរួមរបស់ស្ដ្រី ក្នុងសហគមន៍ពលរដ្ឋកូវ៉ែត ដោះស្រាយករណីបំពាន ហើយអ្នកស្រី ហ្គានេម ជឿថា តួលេខពិតប្រាកដខ្ពស់ជាងនេះ៕ AFP/HR
