The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​វិចិត្រ​ករវ័យ​ក្មេង​ សម្ពោធ​ពិព័រណ៍​គំនូរ​ស្ដីពី ​សិល្បៈ​នៃការ​ច្នៃ​ប្រឌិត​រួមគ្នា




ក្រុម​វិចិត្រ​ករវ័យ​ក្មេង​ សម្ពោធ​ពិព័រណ៍​គំនូរ​ស្ដីពី ​សិល្បៈ​នៃការ​ច្នៃ​ប្រឌិត​រួមគ្នា

Content image - Phnom Penh Post
រូប​គំនូរ​ស្រ្តី​វ័យ​ចំណាស់​ក្នុង​សភាព​ស្មិង​ស្មាធិ៍​អារម្មណ៍​​។ រូប សហការី

ក្រុម​វិចិត្រ​ករវ័យ​ក្មេង​ សម្ពោធ​ពិព័រណ៍​គំនូរ​ស្ដីពី ​សិល្បៈ​នៃការ​ច្នៃ​ប្រឌិត​រួមគ្នា

ភ្នំពេញៈ កម្រង​ស្នាដៃ​គំនូរ​ចំនួន​ ២២ ផ្ទាំង​នៃ​ក្រុម​វិចិត្រករ​វ័យក្មេង​ខ្មែរ​ ៧ នាក់​ និង​គ្រូ​ជនជាតិ​ជប៉ុន​ម្នាក់​ ក្រោមប្រធាន​បទ​រួមគ្នា​មួយ​ឈ្មោះ «សិល្បៈ​នៃការ​ច្នៃ​ប្រឌិត​គំនូរ​នៅឯ​ក្នុង​ប្រទេស​កម្ពុជ​»​ នឹង​សម្ពោធ​ការតាំង​ពិព័រណ៍ ល្ងាច​ថ្ងៃទី ៦ ខែឧសភា ​ដែល​នឹង​បន្តរហូត​ទៅ​ដល់ថ្ងៃ​ទី ៣១ ខែឧសភា​ឆ្នាំ ២០១៦ ខាង​មុខ នៅ​ឯ​មជ្ឈមណ្ឌល​បុប្ផាណា និង​បើក​ឲ្យចូល​ទស្សនា​ដោយ​សេរី។ ​

អ៊ឹម ពិសីផ្នែក​គំនូរ​ជាមួយ​នឹង​គាត់​រយៈពេល​បីឆ្នាំ​ ហើយ​គាត់​ក៏មាន​គំនិត​មួយ​ចង់ឲ្យ​ពួកយើង​បង្កើត​គំនិតច្នៃ​ប្រឌិត​ទៅលើ​សិល្បៈ​គំនូរ​របស់ខ្លួន​យើង​ ហើយ​ក៏រៀបចំ​ឲ្យមានការ​ដាក់តាំង​ពិព័រណ៍»។

លោក​បន្ដថា៖ «​តាម​ពិតទៅ​ ពិព័រណ៍​ស្នាដៃ​របស់​យើងខ្លះ​ធ្លាប់​ដាក់បង្ហាញ​នៅឯ​ខេត្ត​បាត់​ដំបង​កាលពី​ខែមករា​ម្តង​ហើយ តែវា​ជា​ទ្រង់ទ្រាយ​តូច មាន​ស្នាដៃ​ និង​វិចិត្រករ​តិច​ដែរ»។

Content image - Phnom Penh Post
រូប​គំនូរ​ក្រុម​នារី​ផ្តោត​អារម្មណ៍​ស្តាប់ និង​អាន​សៀវភៅ​។ រូប សហការី

សម្រាប់​លើកនេះ​នៅភ្នំពេញ​ឯ​មណ្ឌល​បុប្ផាណា​នោះ​គឺជា​ទ្រង់ទ្រាយ​ធំ មាន​ស្នាដៃ​ច្រើន​ ​វិចិត្រករ​ម្នាក់​ៗមាន​ស្នាដៃ​ចំនួនបី​ផ្ទាំង (មាន​ធំមួយ​ផ្ទាំង និង​តូច​ពីរ​ផ្ទាំង) ខណៈ​លោកគ្រូ​ យ៉ាម៉ាដា លោក​ក៏មាន​គំនូរ​មួយ​ផ្ទាំងធំ​ដែរ»។​​

ចំពោះ​ក្រុម​វិចិត្រករ​ទាំង ៦ រូប នោះ (ប្រុស ៤ ស្រី ៣) ដោយ​ក្រុម​វិចិត្រករ​ប្រុសៗរួម​មាន​លោក​ អ៊ឹម ពិសី, ធន ឌីណា, សេង វិសាល, សូ គីមសាន ស្រៀង ពិសី និង​វិចិត្រករស្រី​ញ៉ែម សុភាព, ហន ផាន់ណា និង​លោក​គ្រូជាតិ​ជប៉ុន​ឈ្មោះ​ យ៉ាម៉ាដា តាកាកា​ហ៊្សូ។

លោក យ៉ាម៉ាដា តាកាកា​ហ៊្សូ​បានមក​ទស្សនា​ប្រទេស​កម្ពុជា​ដំបូង​នៅ​ឆ្នាំ ១៩៩៤ ហើយក៏​តាំងចិត្ត​ចង់ជួយ​ដល់​វិចិត្រករ​ខ្មែរ​តែ​ម្ដង។

នៅក្នុង​ឆ្នាំ ២០០៧ លោកក៏​បាន​ចាប់ផ្តើម​បង្ហាត់​បង្រៀន​ជំនាញ​វិចិត្រកម្ម​នៅ​សាកល​វិទ្យាល័យ​ភូមិន្ទ​វិចិត្រ​សិល្បៈ​ និង​បានបើក​សាលា​សិល្បៈ​ឯកជន​ឈ្មោះ​ Yamada School of Art ផងដែរ​នៅក្នុង​រាជធានី​ភ្នំពេញ។​

ចាប់​តាំងពី​ពេល​នោះ​មក​លោក យ៉ាម៉ាដា បន្ត​ការខំ​ប្រឹង​ប្រែងដើម្បី​ជួយលើ​ការបណ្តុះ​បណ្តាលទៅ​ដល់សិស្ស និស្សិត​នូវជំនាញ​វិចិត្រកម្ម​ឲ្យ​បានក្លាយ​ទៅ​ជា​វិចិត្រករ​ខ្មែរវ័យ​ក្មេងដែល​មានការ​អភិវឌ្ឍ​នូវ​សមត្ថភាព​ផ្នែក​គំនូរ​របស់​ខ្លួន និងធ្វើ​ឲ្យ​ពួកគេ​ទទួល​បាន​ការកោត​សរសើ​រចំពោះ​ស្នាដៃ​គំនូរខ្លួន​ទាំងនៅ​ក្នុង​ស្រុក និង​លក្ខណៈ​ជា​អន្តរជាតិ។

Content image - Phnom Penh Post
រូប​ទិដ្ឋភាព​ផ្លូវ​លំ​ក្នុងទី​ក្រុង​ភ្នំពេញ និង​រូប​ទេសភាព​ផ្ការំចង់​ក្នុង​ស្រះ​ត្រពាំង​នៅ​ជនបទ។ រូប សហការី

ទោះ​បីជាក្រុម​វិចិត្រករ​ទាំងនេះ មាន​ឱកាស​យក​ស្នាដៃ​ខ្លួន​មកដាក់​តាំង​ពិព័រណ៍​បង្ហាញ​ជា​រឿយៗ​ក្តី​ ក៏ទស្សន​វិស័យ ឬ​ផ្នត់​គំនិត​​ចូល​ចិត្តនូវស្នាដៃ​គំនូរ​របស់​ប្រជាជន​ខ្មែរ​នៅពុំ​ទាន់ទោរ​ទន់ និង​ងាក​មករក​ការ​ឲ្យតម្លៃ​ទៅលើ​ស្នាដៃ​ទាំងនោះ​ដែរ​ ខណៈគេ​ច្រើន​តែ​ឃើញមាន​ក្រុមភ្ញៀវ​​ទេសចរ​បរទេស​នៅស្រុក​ខ្មែរ​ប៉ុណ្ណោះ​ ដែល​និយម​ចូលចិត្ត​ទៅ​ទស្សនា និង​ហ៊ាន​ចំណាយ​ប្រាក់​ផ្ទាល់​ខ្លួន​ដើម្បី​ជាវ​ផ្ទាំង​គំនូរ​ណាមួយ​របស់​ក្រុម​វិចិត្រករ ​ដែល​ខ្លួនគេ​ពេញ​ចិត្តនោះ​ជា​រឿយៗ។

វិចិត្រ​ករ អ៊ឹម ពិសី ក៏​បង្ហើបឲ្យ​បាន​ដឹងដែរ​ថា៖ «រាល់​ការតាំង​ពិព័រណ៍​កន្លង​មក យើងក៏​ទទួល​បាននូវ​ចំនួន​អ្នកជាវ​ខ្លះ​ដែរ​សម្រាប់​ផ្ទាំង​គំនូរ​របស់​ពួកយើង​។ តែ​អ្នក​ទិញនោះ​មិនមែន​ខ្មែរទេ​ គឺជា​ជន​បរទេសតែ​ប៉ុណ្ណោះ​​ព្រោះ​ថា​បងប្អូន​ខ្មែរ​យើង​ដូចជា​ពុំសូវ​ចូលចិត្ត​គំនូរ​នេះ​នៅ​ឡើយ​នោះទេ»៕

អត្ថបទគួរចាប់អារម្មណ៍