.jpg)
អ្នកនិពន្ធវ័យក្មេងអាហ្វ្រិកខាងលិច ១០ នាក់កំពុងតែរៀនផលិតភាពយន្តទូរទស្សន៍ដំបូងរបស់ខ្លួន។ AFP
ក្រុងឡូម៉េ៖ ភូមិប្រណីតមួយលើផ្ទៃបឹងប្រទេសតូហ្គោអ្នកនិពន្ធវ័យក្មេងអាហ្វ្រិកខាងលិច ១០ នាក់កំពុងតែឆក់យកឱកាសកម្រក្នុងការបង្ហាញស្នាដៃ និងដាក់បញ្ចាំងភាពយន្ដទូរទស្សន៍របស់ខ្លួន។
គំនិតផ្ដួចផ្ដើមតូហ្គោដោយសមាគម Maison Junior បានកៀងគរអ្នកនិពន្ធមកពី ៥ ប្រទេសជាមួយគំនិតបង្កើតជំនាញរដូវកាលទី ២ នៃល្ខោនភាគទូរទស្សន៍បារាំង «Junior des idees au Or» «យុវវ័យជាមួយគំនិតមាស» បានក្លាយជាល្ខោនភាគទូរទស្សន៍បារាំងធំដំបូង និពន្ធនៅប្រទេសអាហ្វ្រិកខាងលិចដែលនិយាយភាសាបារាំង។
ភាពយន្ដគំនូរជីវចលផ្ដោតលើជីវិតប្រចាំថ្ងៃរបស់ក្រុមកុមាររៀនតាមសាលានៃតំបន់អាហ្វ្រិក រួមទាំងក្រុមអ្នកក្លាហាន Junior ផងដែរ។
គ្រីស្ដូព ហ្គីតនី អ្នកនិពន្ធ និងគូរគំនូរជីវចល និងសហស្ថាបនិក Maison Junior បានឱ្យដឹងថា៖ «ក្នុងរដូវកាលទី ១ វាជាក្រុមអ្នកនិពន្ធបារាំងដែលផលិតល្ខោនទូរទស្សន៍នេះ និងជាអ្នកដែលនិយាយអំពីជីវិតប្រចាំថ្ងៃកុមារអាហ្វ្រិក។ ពេលនេះយើងកំពុងមានការផ្លាស់ប្ដូរ។ វាជាក្រុមអ្នកនិពន្ធអាហ្វ្រិក ដែលនឹងជជែកអំពីជីវិតប្រចាំថ្ងៃរបស់កុមារអាហ្វ្រិក។ វាអាចមើលបានសម្រាប់ពលរដ្ឋអឺរ៉ុបក្នុងពេលដំណាលគ្នា នូវអ្វីដែលពលរដ្ឋអាហ្វ្រិកអាចចែករំលែកដល់»។
អមដោយអ្នកជំនាញបារាំង ២ នាក់ និងតូហ្គោម្នាក់ យុវជនទាំង ១០ នាក់បានរស់នៅឆ្ងាយពីគ្នាទៅតាមគោលការណ៍រក្សាគម្លាតសុវត្ថិភាពរយៈពេល ៤ ខែរួចទៅហើយ។
ក្រោយពីស្នាក់នៅក្នុងប្រទេសតូហ្គោអ្នកនិពន្ធវ័យក្មេងទាំងនោះនឹងចំណាយពេលហ្វឹកហាត់ឆ្ងាយពីគ្នា ២ ខែទៀត។
អូឌីលូនអេដចេដជី អាយុ ២៥ ឆ្នាំមកពីប្រទេសប៉េណាំងជិតខាងបាននិយាយថា៖ «ការហ្វឹកហ្វឺននេះពិតជាគួរឱ្យចាប់អារម្មណ៍ណាស់ ពីព្រោះវាឱ្យពួកយើងផ្ដល់មាតិការឿង ដែលផ្ដោតលើជីវិតពិតរបស់យើងលើអ្វីដែលយើងកំពុងជួបបទពិសោធជាក់ស្ដែងនៅតំបន់អាហ្វ្រិកផ្ទាល់»។
សម្រាប់អ្នកនិពន្ធវ័យក្មេងទាំងនេះវាជាឱកាសដ៏ពិតប្រាកដមួយក្នុងការសំលៀងជំនាញរបស់ខ្លួន។
អាណៃស៍កេរ៉េអាយុ ២៣ ឆ្នាំជាអ្នកសារព័ត៌មានមកពីបួគីណាហ្វាសូជាអ្នកនិពន្ធភាពយន្ដ និងអ្នកវិភាគភាពយន្ដបាននិយាយថា៖ «នៅអាហ្វ្រិក វាមិនងាយស្រួលក្នុងការបង្វឹកជំនាញភាពយន្ដឡើយ។ ចំពោះការសរសេរបទសន្ទនា វាកាន់តែមិនងាយស្រួល ដោយសារមិនសូវមានវគ្គបណ្ដុះបណ្ដាល»៕ HR
