The Phnom Penh Post Search

Search form

ក្រួសមួយក្តាប់​ ជាប់​ជយ​លាភី​មហោ​ស្រពភាពយន្ដ​ខ្លីចតុមុខ

Content image - Phnom Penh Post
រដ្ឋ​មន្ត្រីក្រសួង​ព័ត៌មានលោក ខៀវ កាញារីទ្ធ ប្រគល់​រង្វាន់​ដល់​ផលិតករ​ភាពយន្ដ​រឿង ក្រួស​មួយ​ក្ដាប់។ រូប សហការី

ក្រួសមួយក្តាប់​ ជាប់​ជយ​លាភី​មហោ​ស្រពភាពយន្ដ​ខ្លីចតុមុខ

ភ្នំពេញៈ ភាពយន្ដ​ខ្លី​រឿង ​«ក្រួសមួយ​ក្តាប់ ឬ​ Fistful of Pebbles» ជាម្ចាស់ពាន​ជយ​លាភី​ Festival Award ខណៈ​រឿង AXS-13 បាន​ពាន​រង្វាន់​ Audience Award ពី​កម្ម​វិធីមហោស្រព​ភាពយន្ដ​ខ្នាត​ខ្លី​ចតុមុខ​ឆ្នាំ ២០១៥​ ដែលរៀបចំ​ដោយ​ផលិតកម្ម​​ «កុន​ខ្មែរ កូន​ខ្មែរ​» សហការ ​និងផលិតកម្ម 802AD​ ក្រោម​ការ​ឧបត្ថម្ភ​ធំរបស់​ក្រុម​ហ៊ុន​ទូរស័ព្ទ​ Cellcard កាលពី​ថ្ងៃចុងសប្តាហ៍​កន្លងមកនៅ​ឯ​រោង​ភាពយន្ដ Major Cineplex by Cellcard នៃ​ផ្សារ​ទំនើបអ៊ីអននៅ​​ក្នុងចំណោម​ភាព​យន្ដ​សម្រាំង​ចុង​ក្រោយ​ចំនួន ៧ រឿង​។

​«ក្រួស​មួយ​ក្តាប់» គឺ​ជា​ស្នាដៃ​របស់​ផលិតករ​ ចាប សោមច័ន្ទរិទ្ធិ​ មានវ័យ ២៣ ឆ្នាំ ​ជា​និស្សិតបញ្ចប់បរិញ្ញាបត្រ​​ផ្នែក​ព័ត៌មានវិទ្យា​សាកល​វិទ្យាល័យ​លីងកុក​វីង​ ទទួល​ជយលាភី​រង្វាន់ធំ​ Festival Award ​ដែល​មាន​ទឹក​ប្រាក់​ចំនួន​ ៣០០០​ ដុល្លារ​។ ​

យុវជន ចាប សោមច័ន្ទរិទ្ធិ​ ​ឲ្យ​ដឹង​ពីដំណើរ​ការផលិត​ និងសាច់រឿង​ថា៖ «រឿង​នេះខ្ញុំ​បាន​ថត​បីថ្ងៃ យកមកកាត់​ត​មួយខែ​ និង​រៀបចំ​ឲ្យក្លាយទៅ​ជា​វីដេអូខ្លី​ដើម្បី​ដាក់ទៅ​ប្រកួត​រយៈពេល ២ សប្តាហ៍​ហើយសាច់រឿងខ្លី​មាន​រយៈពេល ៧ នាទី​នេះចង់បង្ហាញ​ពី​តថភាព​មួយនៅ​ក្នុង​សង្គម​ដោយបានឆ្លុះ​បញ្ចាំងអំ​ពី​ឥទ្ធិពលនៃ​វណ្ណៈ​អ្នកមាន​មើលងាយ​ទៅលើ​វណ្ណៈ​អ្នក​ក្រ​»។​

Content image - Phnom Penh Post
ភាពយន្ដ​រឿង AXS-13 ជាប់ជយលាភី​ផ្នែក Audience Award។ រូប សហការី

ចំណែក​រឿងខ្លី​បែបវិទ្យាសាស្រ្ដ​ច្នៃ​ប្រឌិត​ AXS-13 ​ទទួល​ពានរង្វាន់​ Audience Award មាន​ទឹក​ប្រាក់ចំនួន​ ៧០០​ ដុល្លារ ​ជា​ស្នាដៃ​របស់​ផលិត​ករយុវជន​ វ៉េង សៀតុង ហៅ​ Ryemon មានវ័យ ១៦ ឆ្នាំ ​រៀន​នៅសាលា​អន្ដរទ្វីបអាមេរិកកាំង​ ដែល​ទើប​ប្រឡងជាប់បាក់ឌុប​ឆ្នាំនេះ​។

យុវជន វ៉េង សៀតុង​ប្រាប់​ពី​ដំណើរការ​ផលិត និង​អត្ថ​ន័យភាព​យន្ដ​មានរយៈពេល ១៤ នាទីនោះ​ថា​៖ «​ខ្ញុំ​បាន​ចំណាយ​ពេលថត​ និង​រៀបចំមាន​រយៈ​ប្រមាណមួយ​អាទិត្យ ខណៈ​ការកាត់ត​ត្រូវ​ចំណាយ​ពេល ២៧ ម៉ោងទើប​អាចសម្រេច​។

សាច់​រឿង​នេះ​និយាយពីកំណើត​នៃ​មេរោគ​ឈ្មោះ​ AXS-13 មក​ពីភពអង្គារ​ឆ្លងមក​មនុស្ស​ក្នុង​ភព​ផែនដី​​ ដោយក្រុមអ្នកវិទ្យាសាស្រ្ដបាន​ខិត​ខំ​រក​ថ្នាំ​វ៉ាក់​សាំងដើម្បី​យក​មកចាក់ការពារ​ ខណៈ​មជ្ឈ​ដ្ឋានទូទៅមាន​អ្នក​ខ្លះជឿ និង​មិន​ជឿ​។ គំនិត​សំខាន់ខ្ញុំ​ចង់​ពញ្ញាក់​​អារម្មណ៍​ដល់​មនុស្ស​ទូទៅឲ្យគិត​ថាការទទួល​យក​ការពិត និង​​មិន​ទទួល​យកការពិតមួយណា​លំបាក​​ជាងពេល​បាន​ឃើញសមិទ្ធផល​អ្វី​មួយនោះ?»។​

គួរបញ្ជាក់ថា ​ស្នាដៃ​ដែល​ផលិតដោយ​យុវផលិតករ​ខ្មែរមាន​ចំនួន ៣៧ រឿង​បាន​ដាក់​ពាក្យ​ប្រកួត​ ត្រូវបាន​ជ្រើស​ដំណាក់​កាល​ទីមួយចំនួន ២២ រឿង និង​សម្រិតសម្រាំង​បាន ​៧ រឿង​ចុង​ក្រោយ​រួមមាន​ដូចជារឿង Fistful of Pebbles​, Ambors​, AXS‑13, Butterfly School, DISTANT, Last Choice ​និង REVIVE ​បន្ដ​ទៅ​ប្រកួត​ផ្តាច់ព្រ័ត្ន​យករង្វាន់​ជយលាភី​នាថ្ងៃទី ៨ ខែ​វិច្ឆិកា កន្លង​មក​៕​

អត្ថបទគួរចាប់អារម្មណ៍

  • គម្រោង​ធំៗ​ជាច្រើន​អាច​នឹង​លេច​ឡើង​នៅ​តាម​មាត់ទន្លេ

    ក្រុមហ៊ុន​អភិវឌ្ឍន៍​ដ៏ធំ​មួយ​របស់​ចិន​មាន​ប្លង់​រចនា​ក្នុង​ការ​អភិវឌ្ឍ​នៅ​តាម​បណ្តោយ​ឆ្នេរ​ទន្លេ​ដែល​គម្រោង​នោះ​រួម​មាន​ខុនដូ​ប្រណីត អគារ​ការិយាល័យ ខណៈ​បច្ចុប្បន្ន​ទីតាំង​នោះ​ត្រូវ​បាន​គ្រប់គ្រង​ដោយ​កំពង់ផែ​ស្វយ័ត​រាជធានី​ភ្នំពេញ​។

  • ស្ថាបត្យកម្ម និង​វិចិត្រសិល្បៈ គឺ​មិន​អាច​ញែក​ដាច់​ពី​គ្នា​បាន​ឡើយ

    នៅក្នុង​បន្ទប់​សិក្សា​ក្នុង​ផ្ទះ​ធំ​មួយ​នៅ​តាម​មាត់ទន្លេ​ក្នុង​រាជធានី​ភ្នំពេញ លោក ថាង សុធា វ័យ​ ៣៥ ​ឆ្នាំ​កំពុង​ពិនិត្យ​មើល​ប្លង់​រចនា 3D របស់​បន្ទប់​គេង​នៃ​អាផាតមិន​មួយ​ដែល​ជា​ផ្នែក​នៃ​គម្រោង​កែលម្អ​ចុងក្រោយ​បំផុត​ដែល​លោក​បាន​ចូលរួម​ធ្វើ​កាលពី​ប៉ុន្មាន​ឆ្នាំ​មុន នៅ​លើ MacBook ដើម្បី​បំផុស​គំនិត​សម្រាប់​ការងារ​នាពេល​អនាគត​។

  • ត្រី​ចិញ្ចឹម​ប្រមាណ​ ១២ ​តោន​ងាប់​ដោយ​កម្ដៅ​ពេល​ទឹក​ស្រក

    កំពង់ឆ្នាំងៈ យ៉ាង​ហោចណាស់​ត្រី​ចិញ្ចឹម​តាម​ដង​ទន្លេ​ស្ថិត​ក្នុង​សង្កាត់​ខ្សាម និង​ផ្សារឆ្នាំង ខេត្ត​កំពង់ឆ្នាំង​ប្រមាណ​ជា​ ១២ ​ពាន់​គីឡួ​បាន​ងាប់​ក្នុង​រយៈពេល​ ៣ ​ថ្ងៃ ព្រោះ​តែ​ទឹក​បាន​ស្រក​ចុះ​ជា​គំហុក និង​ក្ដៅ​ខ្លាំង​។ នេះ​បើ​យោង​តាម​ការរៀបរាប់​របស់​ប្រជានេសាទ​ក្នុង​តំបន់​នោះ​ដែល​មាន​ប្រមាណ​ជា​ ៧០ ​គ្រួសារ​។

  • ព្រះរាជអាជ្ញា​ភ្ជាប់​រឿង​ហិង្សា​នៅ​ស្ពាន​នាគ​ជា​ចលនា​បដិវត្តន៍​ពណ៌

    ភ្នំពេញៈ សាលាឧទ្ធរណ៍​នៅ​ព្រឹក​ថ្ងៃ​ពុធ​ម្សិលមិញ​បាន​បញ្ចប់​សវនការ​ជំនុំជម្រះ​សំណុំ​រឿង​ហិង្សា​នៅ​ស្ពាន​នាគ​កាលពី​ខែ​កក្កដា ឆ្នាំ ២០១៤ ដោយ​ព្រះរាជអាជ្ញា និង​មេធាវី​ការពារ​ដើមបណ្ដឹង​សម្រេច​ភា្ជប់​ករណី​ហិង្សា​នោះ​ទៅ​នឹង​បដិវត្តន៍​ពណ៌ បន្ទាប់ពី​សវនការ​រយៈពេល​ ៣ ​ថ្ងៃ​ជាប់ៗ​គ្នា​។ ទោះ​ជា​យ៉ាងណា​ក៏ដោយ​ភាគី​ជនរងគ្រោះ​ថា​គ្មាន​អំពើ​កុបកម្ម​កើតឡើង​ទេ​ និង​ស្នើ​ដល់​តុលាការ​ឲ្យ​ដោះលែង​ពួកគេ​។