.jpg)
«សាហ្សែ សាន» (Sazae-san) ជាគំនូរជីវចល ដែលផ្ដើមចាក់ផ្សាយដំបូងក្នុងឆ្នាំ ១៩៦៩។ រូបថត AFP
ក្រុងតូក្យូ : ផលិតកម្មគំនូរជីវចលដំណើរការមកទាំងពីយូរយារជាងកេក្នុងលោក និងជាកម្មវិធីសំខាន់នៅចុងសប្ដាហ៍ត្រូវបានរំខានដោយវីរុសកូរ៉ូណា ដោយបង្ខំចាក់ផ្សាយវគ្គចាស់ៗជាលើកដំបូងរយៈពេលជាច្រើនទសវត្សរ៍។
«សាហ្សែ សាន» (Sazae-san) ដែលចាក់ផ្សាយដំបូងក្នុងឆ្នាំ១៩៦៩ រៀបរាប់អំពីជីវិត អ្នកស្រី សាហ្សែ ជាមនុស្សរស់រាយ តែជាស្ដ្រីមេផ្ទះពេញម៉ោងដ៏មមាញឹក ដែលរស់នៅជាមួយឪពុកម្ដាយ ស្វាមី កូនប្រុស និងបងប្អូនប្រុសស្រី។
គំនូរជីវចល ៣០ នាទីក្នុងមួយភាគ ដែលបានចាក់ផ្សាយរាល់រាត្រីថ្ងៃអាទិត្យ ពិតជាមានការពេញនិយម ហើយពលរដ្ឋជប៉ុនជាច្រើននៅតែឆ្លៀតពេលចុងសប្ដាហ៍រង់ចាំទស្សនា។
បណ្ដាញទូរទស្សន៍ហ៊្វូជិ បានផ្សាយថា ប៉ុន្ដែគំនូរជីវចល ដែលទទួលស្គាល់ជាភាពយន្ដភាគគំនូរជីវចលដ៏វែងបំផុតដោយកំណត់ត្រាហ្គីនណេសពិភពលោក ត្រូវបានរំខានដោយសារផ្ទុះវីរុសកូរ៉ូណា ដោយក្រុមផលិតផលត្រូវឈប់សម្រាកក្រោមហេតុផលសុវត្ថិភាពជាចម្បង។
បណ្ដាញទូរទស្សន៍បានប្រកាសថា៖ «យើងផ្អាកការចាក់ផ្សាយវគ្គថ្មី «Sazae-san» ចាប់ពីថ្ងៃទី ១៧ (ខែឧសភា) ដោយជំនួសការចាក់ផ្សាយវគ្គចាស់ៗឡើងវិញ»។
ប្រភពដដែលបានបន្ដថា ការចាក់ផ្សព្វផ្សាយនាពេលខាងមុខនេះគឺជាវគ្គផលិតតាំងពី ២ ឆ្នាំមុន ដោយបានបន្ថែមថា ខ្លួននឹងប្រកាសការបរិច្ចេទចំពោះការផ្សាយវគ្គថ្មីបន្ដនៅពេលពេលវេលាសមស្រប។
វាជាលើកដំបូងដែលបណ្ដាញទូរទស្សន៍បង្ខំចិត្ដចាក់ផ្សាយវគ្គចាស់ៗតាំងពីឆ្នាំ១៩៧៥ នៅពេលសេដ្ឋកិច្ចដាំក្បាលចុះផ្សាយតែវិបត្ដិប្រេង។
ជប៉ុននៅមានចំនួនឆ្លងជំងឺកូវិដ-១៩ តិចតួចជាមួយអត្រាជាង ១៦០០០ នាក់ និងស្លាប់ជាង ៨០០ នាក់។
ប្រទេសស្ថិតក្រោមការប្រកាសអាសន្ន ដែលត្រូវពន្យាទៅដល់បំណាច់ខែឧសភា ទោះបីជារដ្ឋាភិបាលពិចារណាបកវិធានការនេះខ្លះៗយ៉ាងណាក៏ដោយ៕ AFP/HR
