The Phnom Penh Post Search

Search form

គំនូរ​នារី​អាក្រាត​របស់ មូឌីកលៀនី លក់​តម្លៃ ១៥៧ លាន​ដុល្លារ ខ្ពស់​លំដាប់​ទី ៤

Content image - Phnom Penh Post
​គំនូរ​នារី​អាក្រាត​​មួយ​សតវត្សរ៍​មុន​លក់​តម្លៃ ១៥៧,២ លាន​ដុល្លារ។ AFP

គំនូរ​នារី​អាក្រាត​របស់ មូឌីកលៀនី លក់​តម្លៃ ១៥៧ លាន​ដុល្លារ ខ្ពស់​លំដាប់​ទី ៤

ក្រុងញូវយ៉ក: រូបភាព​អាក្រាត​ដ៏​ស្អាត​ដែលជា​គំនូរ​ធំ​បំផុត​ផលិតឡើង​ដោយ​វិចិត្រករ​អ៊ីតាលី អេមេដេអូ មូឌីកលៀនី បាន​លក់​ក្នុង​តម្លៃ ១៥៧,២ លាន​ដុល្លារ​ក្នុង​ក្រុង​ញូវយ៉ក​កាល​ពី​ថ្ងៃ​ចន្ទ ដោយ​ក្លាយជា​ស្នាដៃ​សិល្បៈ​ថ្លៃ​បំផុត​លំដាប់​ទី ៤ ត្រូវ​បាន​លក់​ដេញ​ថ្លៃ។

ដោយ​គូរ​ទាំង​ពីមួយ​សតវត្សរ៍​មុន គំនូរ​សិល្បៈ​លោក អេ​មេដេអូ មូឌីកលៀនី «Nu couche (sur le cote gauche)» មាន​តម្លៃ​ខ្ពស់​បំផុត​ក្នុង​ប្រវត្ដិសាស្ដ្រ​ដេញ​ថ្លៃ​របស់​ក្រុមហ៊ុន Sotheby និង​ជា​តារា​ឯក​ប្រចាំ​រដូវ​ដេញ​ថ្លៃ​ក្នុង​ខែ​ឧសភា​នេះ​នៅ​ទីក្រុង​ញូវយ៉ក។

លោក មូ​ឌី​កលៀ​នី បាន​ដើរ​តាម​វិថី ឡេ​អូ​ណា​ដូ ដា វីន​ស៊ី និង ផាប​ឡូ ពី​កាសសូ ជា​វិចិត្រករ​លក់​ស្នាដៃ​បាន​ខ្ពស់​បំផុត។ ការ​លក់​កាល​ពី​ថ្ងៃ​ចន្ទ នៅ​ចាញ់​តម្លៃ​គំនូរ​អាក្រាត​មួយ​ទៀត​របស់​លោក មូឌីកលៀនី ដែល​លក់ ១៧០,៤ លាន​ដុល្លារ​នៅ​ក្រុមហ៊ុន Christie's ក្នុង​ឆ្នាំ ២០១៥។

ទទឹង ១៤៧ សង់ទីម៉ែត្រ គំនូរ​អាក្រាត​នេះ​មាន​ភាពលេច​ធ្លោ​ជាងគេ​នៅ​ពិព័រណ៍​ក្នុង​វិចិត្រសាល Tate Modern ឯ​ទីក្រុង​ឡុងដ៍។ លោក កែច្នៃ​គំនូរ​អាក្រាត​ចាស់​ឲ្យ​សម​នឹង​យុគ​សម័យ​ទំនើប ហើយ​ពេល​គំនូរ​ជាច្រើន​ត្រូវ​បាន​ដាក់​តាំង​ដំបូង​ក្នុង​ឆ្នាំ ១៩១៧ វា​ធ្វើ​ឲ្យ​មហាជន​ស្រឡាំង​កាំង​រហូត​ដល់​ប៉ូលិស​ចុះ​បិទ​ពិព័រណ៍​ក្នុង​ក្រុង​ប៉ារីស៕

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។