The Phnom Penh Post Search

Search form




Logo of Phnom Penh Post newspaper Phnom Penh Post - គ្រឿង​ទេស​ស្បូន​ផ្កា ​ជា​មាស​ក្រហម​អាហ្វហ្គានីស្ថាន ​ជួយ​ជីវភាព​ពលរដ្ឋ​​ព្រំដែន​

គ្រឿង​ទេស​ស្បូន​ផ្កា ​ជា​មាស​ក្រហម​អាហ្វហ្គានីស្ថាន ​ជួយ​ជីវភាព​ពលរដ្ឋ​​ព្រំដែន​

Content image - Phnom Penh Post
គ្រឿងទេស​ដែលធ្វើ​ពី​ស្បូនផ្កា​នេះ ​ត្រូវបានគេ​ចាត់ទុកជាមាស​ក្រហម។ រូបថត AFP

គ្រឿង​ទេស​ស្បូន​ផ្កា ​ជា​មាស​ក្រហម​អាហ្វហ្គានីស្ថាន ​ជួយ​ជីវភាព​ពលរដ្ឋ​​ព្រំដែន​

ក្រុងកាប៊ុល៖ ផ្ដើម​ពី​ពេល​មុន​ថ្ងៃ​រះ ក្រុម​អ្នក​បេះ​ស្បូន​​ផ្កា​ជា​ច្រើន​របស់​អាហ្វហ្គានីស្ថាន​នាំ​គ្នា​អង្គុយ​បេះ​​បណ្ដូរ​ផ្កា​តាម​រង​នីមួយៗ​នៅ​ក្រោម​កម្ដៅ​ថ្ងៃ​ ដែល​ជា​ផលិតផល​ផ្ដល់​ចំណូល​ដល់​កសិករ​អាហ្វហ្គានីស្ថាន​។

ស្បូន​ផ្កា​ប្រណីត​ត្រូវ​បាន​ប្រើ​ជា​គ្រឿង​ទេស​អស់​រយៈពេល​ជា​ច្រើន​សតវត្សរ៍​នៅ​ជុំវិញ​ពិភព​លោក​ ហើយ​ដោយសារ​តែ​តម្លៃ​ដ៏​ខ្ពស់​កប់​ពពក​ វា​ត្រូវ​បាន​ហៅ​ថា «​មាស​ក្រហម​» ដោយ​អ្នក​ដែល​អាស្រ័យ​លើ​វា​។

Joma Khan ជា​កម្មករ​តាម​រដូវ​ម្នាក់​ចំណោម​ ១៥៦ ០០០ នាក់​ ដែល​ជួយ​ប្រមូល​ផល​គ្រឿង​ទេស​ប្រណីត​នេះ ដោយ​អាច​រក​ចំណូល​បាន​ប្រមាណ ១ ដុល្លារ ១ ​ម៉ោង​។

កុមារ​អាយុ ១៦ ឆ្នាំ​រូប​នេះ​បាន​និយាយ​ថា​៖ «​យើង​ចាប់​ផ្ដើម​ការងារ​លើ​ចម្ការ​ផ្កា​ នៅ​មុន​ថ្ងៃ​រះ ហើយ​យើង​ម្នាក់ៗ​អាច​ប្រមូល​ផល​ស្បូន​ផ្កា​ចន្លោះ​ពី ៤ ទៅ ៥ គីឡូក្រាម​ក្នុង ១ ថ្ងៃ​»។

Content image - Phnom Penh Post
ស្ត្រីអាហ្វហ្គានីស្ថាន​ប្រមូល​ផល​ស្បូន​ផ្កា Saffron នៅ​ខេត្ដ​ហេរ៉ាត។ រូបថត AFP

យោង​តាម​អ្នក​នាំពាក្យ​ក្រសួង​កសិកម្ម​ Akbar Rostami បាន​ឲ្យ​ដឹង​ថា ការ​ប្រមូល​ផល​ស្បូន​ផ្កា​បាន​កើន​ដល់ ១៣ តោន​ក្នុង​ឆ្នាំ​នេះ។

គ្រឿង​ទេស​ប្រណីត​ត្រូវ​បាន​នាំចេញ​ទៅ​កាន់​ ១៧ ប្រទេស តាមរយៈ​ផ្លូវ​អាកាស​ ភាគ​ច្រើន​ ​ចិន ឥណ្ឌា និង​ប្រទេស​នៅ​តំបន់​ឈូក​សមុទ្រ​ពែរ្ស៍ និង​តិចតួច​ទៅ​កាន់​សហភាព​អឺរ៉ុប​ និង​អាមេរិក​ខាង​ជើង។

តួលេខ​ផ្លូវ​ការ​បាន​បង្ហាញ​ថា ការ​ប្រមូល​ផល​ស្បូន​ផ្កា​បាន​បង្កើន​ការ​ដាំដុះ​លើ​ផ្ទៃដី ៦ ២០០ ហិកតា ​ក្នុង​ឆ្នាំ ​២០១៨​ រហូត​ដល់​ ២១ ភាគរយ ​កាល​ពី​ឆ្នាំ​មុន​។

លោក Abdul Shukoor Ahrari នាយក​Tila-e-Surkh Afghan (មាស​ក្រហម​អាហ្វហ្គានីស្ថាន​) ជា​តំបន់​កែច្នៃ​ដ៏​ចម្បង​មួយ​របស់​ប្រទេស បាន​និយាយ​ថា​៖ «​​ស្បូន​ផ្កា​អាហ្វហ្គានីស្ថាន អាស្រ័យ​លើ​ធម្មជាតិ​សរីរាង្គ​របស់​វា វា​ល្អ​ជាង​ស្បូន​ផ្កា​ដទៃ​ទៀត​ក្នុង​លោក»៕ AFP/HR

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។