The Phnom Penh Post Search

Search form




Logo of Phnom Penh Post newspaper Phnom Penh Post - ចាន់ដេវីត ត្រៀម​ចេញ​បទថ្មី​ជាមួយ បូព្រឹក្ស ក្រោយ​ចេញពី​ហង្សមាស

ចាន់ដេវីត ត្រៀម​ចេញ​បទថ្មី​ជាមួយ បូព្រឹក្ស ក្រោយ​ចេញពី​ហង្សមាស

Content image - Phnom Penh Post
តារាចម្រៀង​ស្រី​កំពុង​តែ​មាន​ភាពប្រែប្រួល​រូបកាយ​ខ្លាំង​កញ្ញា ទេព បូព្រឹក្ស​។ ឈុត ងួន ចាន់ដេវីត និង​បូព្រឹក្ស​ថត​បទចម្រៀង​ថ្មី​រួម​គ្នា​ក្រោយ​លោក​ចេញ​ពី​ហង្សមាស​។ រូបថត ហ្វេសប៊ុក

ចាន់ដេវីត ត្រៀម​ចេញ​បទថ្មី​ជាមួយ បូព្រឹក្ស ក្រោយ​ចេញពី​ហង្សមាស

ភ្នំពេញៈ ហាក់​ជា​ចេតនា​មួយ​ចង់​ប្រាប់​ថា ខ្លួន​នៅ​តែ​មាន​ទេពកោសល្យ និង​សមត្ថភាព​ក្នុង​ការតែង​និពន្ធ​បទចម្រៀង​ថ្មីៗ​បាន​ជា​ហូរហែ​ជាពិសេស​នោះ​គឺ​កំពុង​តែ​ត្រៀម​បទចម្រៀង​ថ្មី ជាមួយ​ម្ចាស់​ចិត្ត​ទៀត​ពី​សំណាក់​តារាចម្រៀង​រ៉េប​ប្រុស​រាង​ខ្ពស់ស្រឡះ​លោក ងួន ចាន់ដេវីត ក្រោយពី​បាន​ចាកចេញ​ពី​ផលិតកម្ម​ហង្សមាស​ប្រមាណ​ជិត ១ ​ឆ្នាំ​មក​នោះ​។

ថ្មីៗ​នេះ​ក៏​មាន​ការបង្ហោះ​រូបថត​ ១ ​សន្លឹក​រួម​គ្នា​នៅក្នុង​ឈុត​តុបតែង​យ៉ាង​ស្អាត និង​កាលីប​កប់ៗ​ដោយ​កញ្ញា ទេព បូព្រឹក្ស ស្លៀក​ឈុត​រ៉ូប​ពណ៌​ក្រហម​ដែល​មើល​ទៅ​មាន​ស្ទីល​តែង​ខ្លួន​កាន់តែ​ដូច​នឹង​តារាចម្រៀង​ស្រី​កូរ៉េ​កញ្ញា CL ខណៈ​លោក ងួន ចាន់ដេវីត វិញ​លេង​ឈុត​ពណ៌​ខ្មៅ​ស្រដៀង​គ្នា​ទៅ​នឹង​ស្ទីល​របស់​តារាចម្រៀង​កូរ៉េ​ប្រុស​លោក G-Dragon នោះ​។ អម​ទៅ​នឹង​រូប​មួយ​សន្លឹក​នេះ​លោក ងួន ចាន់ដេវីត បាន​បង្ហើរ​សារ​មួយ​ឃ្លា​ថា​៖ «​ទម្រាំ​តែ​បាន​អង្គុយ​បែប​នេះ តើ​បងប្អូន​ដឹង​ទេ​ថា​យើង​ត្រូវ​ឆ្លងកាត់​អ្វី​ខ្លះ​?»​។

មួយ​រំពេច​មក​ក៏​មាន​អ្នកគាំទ្រ​ចូល​ទៅ​ចុច​ Like និង Comment ជា​ហូរហែ និង​មាន​អ្នក​លើក​ឡើង​ថា​៖ «​ប្រាកដ​ជា​ដឹង​ហើយ​យល់​! គ្រប់​យ៉ាង​សុទ្ធតែ​កើត​ចេញ​ពី​ការខិតខំ​របស់​បង​ទាំង ២ និង​ក្រុម​ការងារ​ហេតុផល​ក៏​ព្រោះ​តែ​ស្រឡាញ់​ចង់​ធ្វើឲ្យ​ល្អ​»​។

កន្លង​មក​តារាចម្រៀង​ប្រុស​មាន​រាង​ខ្ពស់ស្រឡះ​ដែល​ចេះ​និពន្ធ​ទាំង​ទំនុកច្រៀង និង​ទំនុកភ្លេង​លោក​ ងួន ចាន់ដេវីត បាន​ប្រកាស​លាឈប់​ពី​ទ្រនំ​ហង្សមាស​បង្កើត​ចម្ងល់​មហាជន​មួយ​ប្រាវ​ក៏​ស្រាប់តែ​ក្រោយ​មក​ទៀត​លេចឮ​រហៀងៗ​ថា ដៃគូ​ចម្រៀង​ស្រី​ពូកែ​ខាង​ចាក់​ក្បាច់​រាំ​គឺ​កញ្ញា ទេព បូព្រឹក្ស ក៏​ទំនង​លាឈប់​ពី​ហង្សមាស​ម្នាក់​ទៀត​ដែរ​។

តែ​កញ្ញា ទេព បូព្រឹក្ស ក៏​ប្រាប់​ពី​មន្ទិល​ចេញ​ពី​ហង្សមាស​ដែរ​ថា​៖ «​ខ្ញុំ​នៅ​មាន​កុងត្រា​យូរ​ទៀត​ជាមួយ​ហង្សមាស​មិន​បាន​ឈប់​ទេ​គឺ​មាន​តែ Devith ទេ​ដែល​ឈប់ ខណៈ​ពេល​នេះ​គាត់​ច្រៀង និង​ធ្វើ​បទ​ឲ្យ​ក្រុមហ៊ុន​ស្មាត​»​។

លើស​ពី​នេះ​ភ្នំពេញ​ប៉ុស្តិ៍​ក៏​ពុំ​ទទួល​បាន​ការបកស្រាយ​ពី​រឿង​ត្រៀម​ចេញ​បទចម្រៀង​ថ្មី​របស់​អ្នក​ទាំង​ ២ ​កំពុង​ថត​នោះ​ដែរ ដោយសារ​ប្រព័ន្ធ​ទូរស័ព្ទ​របស់​លោក ងួន ចាន់ដេវីត និង កញ្ញា ទេព បូព្រឹក្ស គឺ​មិន​អាច​ទាក់ទង​បាន​។

គួរបញ្ជាក់​ថា​តារាចម្រៀង ១ ​គូ​ជា​សំណព្វចិត្ត​យុវវ័យ​សម័យ​នេះ​ដែល​បាន​ចាប់​ដៃគូ​ចម្រៀង​ជាមួយ​គ្នា​ត្រឹម​តែ​ប្រមាណ ២ ​ឆ្នាំ​តែ​ប៉ុណ្ណោះ ហើយ​ប្រិយមិត្ត​គាំទ្រ​អ្នក​ទាំង ២ ក៏​បាន​ធ្វើការ​ប្រដូច​ពួកគេ​ទៅ​នឹង​គូ​របស់​តារា​កូរ៉េ​ខាង​ត្បូង​ផង​ដែរ​គឺ​ទេព បូព្រឹក្ស ត្រូវ​មហាជន​ខ្មែរ​ហៅថា​នាង CL ខ្មែរ ហើយ G-Devith ត្រូវគេ​ហៅថា G-Dragon ខ្មែរ​៕

អត្ថបទគួរចាប់អារម្មណ៍

  • អ៊ីរ៉ង់​រកឃើញ​អណ្តូងរ៉ែ​ថ្មី​មាន​ឧស្ម័ន​ ៥៣៨ ​ពាន់​លាន​ម៉ែត្រគុប

    ក្រុងតេអេរ៉ង់ៈ ប្រទេស​អ៊ីរ៉ង់​បាន​រកឃើញ​អណ្តូង​ឧស្ម័ន​មួយ​នៅ​ជិត​ឈូង​សមុទ្រ​ពែរ្ស៍ ដែល​មាន​កំណប់​ឧស្ម័ន​គ្រប់គ្រាន់​សម្រាប់​ការផ្គត់ផ្គង់​ដល់​ទីក្រុង​នេះ​រយៈពេល ១៦ ឆ្នាំ​។ នេះ​បើ​យោង​តាម​សេចក្តី​រាយការណ៍​របស់​ប្រព័ន្ធ​ផ្សព្វផ្សាយ​រដ្ឋ​អ៊ីរ៉ង់​កាលពី​ថ្ងៃ​អាទិត្យ​។

  • ប៉ូឡូញ និង​រុស្ស៊ី ​ឡើង​វគ្គ​បន្ត ខណៈ​អាល្លឺម៉ង់​ចាំ​អ៊ុត​សិន

    ក្រុង​ប៉ារីស៖ ជម្រើស​ជាតិ​ប៉ូឡូញ​ និង​រុស្ស៊ី​បាន​កក់​កៅអី​របស់​​​ខ្លួន​នៃ​​​ព្រឹត្តិការណ៍​ Euro ​២០២០ ក្រោយ​ពី​​ក្រុម​ប៉ូឡូញ​បាន​ឈ្នះ​​ជម្រើស​ជាតិ​ម៉ាសេដ្វាន​ខាង​ជើង​ ហើយ​ក្រុម​រុស្ស៊ី​បាន​ឈ្នះ​ជម្រើស​ជាតិ​​ស៊ីប​ ​ពី​ថ្ងៃ​អាទិត្យ​ ខណៈ​ជម្រើស​ជាតិ​អាល្លឺម៉ង់​ និង​ហូឡង់​

  • អ៊ីមរ៉ាន ខាន់​ ធ្វើ​ទស្សនកិច្ច​​​នៅ​​អ៊ីរ៉ង់​ ខណៈ​​ភាព​តានតឹង​កើន​ឡើង​នៅ​ឈូង​សមុទ្រ​

    ក្រុង​តេអេរ៉ង់៖ ​នាយក​រដ្ឋមន្ត្រី​ប៉ាគីស្ថាន​លោក​ អ៊ីមរ៉ាន ខាន់ ​បាន​ទស្សនកិច្ច​ទៅ​កាន់​ប្រទេស ​អ៊ីរ៉ង់ ​កាល​ពី​ថ្ងៃ​អាទិត្យ​ បន្ទាប់​ពី​មាន​ការ​ស្នើសុំ​មួយ​ចេញ​ពី​អាមេរិក ​និង​អារ៉ាប៊ី សាអ៊ូឌីត​ ដើម្បី​ឲ្យ​លោក​ជួយ​បន្ធូរបន្ថយ​ភាព​តានតឹង​កាន់​តែ​ខ្លាំង​ឡើង​នៅ​ឈូង​សមុទ្រ​មាន​ជម្លោះ​។​

  • ធនាគារ​កណ្តាល​សិង្ហបុរី​ បន្ធូរ​គោលនយោបាយ​រូបិយវត្ថុ

    ក្រុងសិង្ហបុរីៈ ប្រទេស​សិង្ហបុរី​កាលពី​ថ្ងៃ​ចន្ទ​បាន​បន្ធូរបន្ថយ​គោលនយោបាយ​រូបិយវត្ថុ​ជា​លើកដំបូង​ក្នុង​រយៈពេល​ជាង ៣ ​ឆ្នាំ ខណៈ​សង្គ្រាម​ពាណិជ្ជកម្ម​រវាង​អាមេរិក និង​ចិន​បញ្ចេញ​ឥទ្ធិពល ស្រប​ពេល​ដែល​ប្រទេស​មាន​សេដ្ឋកិច្ច​ពឹងផ្អែក​លើ​ការនាំចេញ​មួយ​នេះ​បាន​គេច​ផុតពី​ការដើរ​ថយក្រោយ​នៃ​សេដ្ឋកិច្ច​នៅ​ត្រីមាស​ទី​ ៣​។