The Phnom Penh Post Search

Search form




Logo of Phnom Penh Post newspaper Phnom Penh Post - ចំណាយ​តែ ៨ ពាន់​រៀល​ទស្សនា​ភាពយន្ត​ខ្មែរ​ល្បីៗ​ ដើម្បី​រួម​ចំណែក​ជួយ​មន្ទីរពេទ្យ​គន្ធរបុប្ផា




ចំណាយ​តែ ៨ ពាន់​រៀល​ទស្សនា​ភាពយន្ត​ខ្មែរ​ល្បីៗ​ ដើម្បី​រួម​ចំណែក​ជួយ​មន្ទីរពេទ្យ​គន្ធរបុប្ផា

Content image - Phnom Penh Post

ចំណាយ​តែ ៨ ពាន់​រៀល​ទស្សនា​ភាពយន្ត​ខ្មែរ​ល្បីៗ​ ដើម្បី​រួម​ចំណែក​ជួយ​មន្ទីរពេទ្យ​គន្ធរបុប្ផា

ភ្នំពេញ : រោងភាពយន្ត​ មេជើរ ស៊ីនេផ្លិច បាយ សែលកាត បាន​រៀបចំ​កម្មវិធី​មហោស្រព​ភាពយន្ត​ដើម្បី​សប្បុរសធម៌ ដោយ​លើក​យក​ខ្សែ​ភាពយន្ត​ខ្មែរ​ល្បីៗ​ចំនួន ៧ មក​ចាក់​បញ្ចាំង​ជូន​ទស្សនិកជន​ក្នុង​តម្លៃ​ពិសេស​គឺ ​ត្រឹម​តែ ៨០០០ រៀល​ប៉ុណ្ណោះ។

ខ្សែ​ភាពយន្ត​ដែរ​យក​មក​ចាក់​បញ្ចាំង​មាន​ដូចជា រឿង​ ព្រះធិន្នវង្ស​នាងពៅ រឿង ស្រកា​មាស ភាពយន្ត​ឯកសា​រឿង វាលពិឃាត វេជ្ជ. ហ៊ាំង ង៉ោ រឿង សិស្ស​ប្អូន​សំណព្វ​ចិត្ត រឿង ប៉ុបពី​ទៅ​ហូលីវ៉ូដ រឿង​ សតិ​ជាប់​ទ្រុង និង​ រឿង ទឹកចិត្ត​ម្តាយ​សម័យ​ថ្មី។

ថវិកា​ដែល​រក​បាន​ពី​ការ​ចាក់​បញ្ចាំង​ទាំងអស់ និង​ត្រូវ​បរិច្ចាគ​ដល់​មន្ទីរពេទ្យ គន្ធរបុប្ឆា និង​អង្គការ​ស្នាមញញឹម​នៃ​កុមារ ។

អ្នក​គ្រប់គ្រង​ទូទៅ​នៃ​រោង​ភាពយន្ត មេជើរ ស៊ីនេផ្លិច បាយសែលកាត លោក សុខនី បាន​បញ្ចាក់​ថា៖ «រោងភាពយន្ត មេជើរ ស៊ីនេភ្លិច បាយសែលកាត មាន​គោលដៅ​ និង​ផែនការ​ច្បាស់លាស់​ទាក់ទង​ និង​ការងារ​សង្គម ពោល​គឺ​រោងភាពយន្ត មេជើរ ស៊ីនេភ្លិច បាយសែលកាត មាន​កញ្ចប់​ថវិការ​មួយ​កញ្ចប់ សម្រាប់​ចូលរួម​លើក​កម្ពស់​វិស័យ​អប់រំ និង​សុខាភិបាល»​។

សម្រាប់​មហោស្រព​ភាពយន្ត​ដើម្បី​សប្បុរសធម៌​នេះ និង​ចាប់ផ្តើម​បញ្ចាំង​ចាប់​ពី​ថ្ងៃ​ទី ២៧ ខែ​កញ្ញា រហូត​ដល់​ថ្ងៃ​ទី ១ ខែ​តុលា ឆ្នាំ ២០១៧ ខាង​មុខ​នេះ។

សម្រាប់​ថ្ងៃ​ទី ២៧ ខែ​កញ្ញា ​និង​បញ្ចាំង​រឿង ស្រកាមាស រឿង​ព្រះធិន្នវង្ស​នាងពៅ រឿង វាលពិឃាត វេជ្ជ វេជ្ជ. ហ៊ាំង ង៉ោ រឿង សិស្ស​ប្អូន​សំណប់​ចិត្ត។

ថ្ងៃ​ព្រហស្បហ៍​ទី ២៨ រឿង ប៉ុបពី​ទៅ​ហូលីវូដ និង​ រឿង សតិ​ជាប់​ទ្រុង។

ថ្ងៃ​សុក្រ​ទី ២៩ រឿង ស្រកាមាស និង រឿង ​សិស្ស​ប្អូន​សំណប់​ចិត្ត។

ថ្ងៃ​សៅរ៍​ទី ៣០ ទឹកចិត្ត​ម្តាយ​សម័យ​ថ្មី និង រឿង ប៉ុបពី​ទៅ​ហូលីវូដ។

ថ្ងៃ​អាទិត្យ​ទី ១ ខែ​តុលា រឿង ​សតិ​ជាប់​ទ្រុង និង​រឿង ទឹកចិត្ត​ម្តាយ​សម័យ​ថ្មី៕

Content image - Phnom Penh Post

អត្ថបទគួរចាប់អារម្មណ៍