.jpg)
តារាចម្រៀង និងសម្តែងស្រីមេម៉ាយកូន ១ ឆ័យលី ដាឡែន បង្ហើរសារប្រាប់រឿងខ្លួនវិលទៅច្រៀងវិញ។ រូបថត ហ្វេសប៊ុក
ភ្នំពេញ៖ មួយរយៈចុងក្រោយនេះ មជ្ឈដ្ឋានមហាជនតែងសង្កេតឃើញថា តារាចម្រៀង និងសម្តែងស្រី ធ្លាប់ល្បីដោយសារការបញ្ចេញភាពសិចស៊ីខ្លាំង អ្នកនាង ឆ័យលី ដាឡែន ឧស្សាហ៍បង្ហោះសារពីស្ថានភាពខ្លួនក្នុងការខំតស៊ូរស់នៅដោយខ្លួនឯង ជាពិសេសរឿងវិលត្រឡប់ទៅរកឆ្នាំងបាយចាស់វិញ ជាតារាចម្រៀងដូចកាលនៅលីវ ក្រោយពីលែងលះស្វាមីថ្មីថ្មោងមកនោះ។
តារាចម្រៀងស្រីយេយេ ឆ័យលី ដាឡែន និងស្វាមី បានបញ្ចប់ផ្លូវស្នេហាជាប្តីប្រពន្ធ ក្រោមហេតុផលរស់នៅមិនចុះសម្រុងគ្នា ចំណែកឯកូនប្រុសពួកគេវិញ គឺមានសិទ្ធិមើលថែរួមគ្នា តែត្រូវសា្វមីនាងលោក រិទ្ធី ឧត្តមស៊ីដារ៉ា ជាអ្នកទទួលបន្ទុកមើលផ្ទាល់។
តារាស្រីសាច់ទ្រលុកទ្រលន់ អ្នកនាង ឆ័យលី ដាឡែន បង្ហោះសារតាមហ្វេសប៊ុកថា៖ «កូនហ្នឹងចូលចិត្ត ប្លង់ក្នុងបន្ទប់ទឹក! ទោះឈឺ ក៏មកធ្វើការ ដែលព្រោះតែ..! អរគុណ The drum pub ផ្តល់ការងារឲ្យអូនមានមកលេងអូនផងចា៎ នៅលើដងផ្លូវ ជា សុផារ៉ា ទល់មុខស្នងការនគរបាល។ អរគុណ សោភ័ណ្ឌផាណា សាឡន ផាត់មុខធ្វើសក់ឲ្យជាម៉ូដសក់ ពីបិសាចសក់ពស់លើថ្ងាស So Phana»។
ទោះជាយ៉ាងណា ភ្នំពេញប៉ុស្តិ៍ ក៏មិនបានការបកស្រាយលម្អិតជុំវិញ រឿងការវិលត្រឡប់ទៅប្រឡូកនៅក្នុងពិភពចម្រៀងវិញរបស់អ្នកមេម៉ាយសាច់ខ្ចី សម្រស់់នៅតែស្អាត ឆ័យលី ដាឡែន ឡើយដោយសារតែប្រព័ន្ធទូរស័ព្ទរបស់នាងធ្លាប់ទំនាក់ទំនងពីមុន ខណៈនាពេលនេះមិនអាចទាក់ទងបាន។
ចំពោះសម្ព័ន្ធភាពប្តី និងប្រពន្ធ ដែលបន្សល់ទុកចំណងស្នេហ៍កូនប្រុសមួយបានមកដល់ផ្លូវបំបែករវាងតារាចម្រៀង និងសម្តែងស្រីអ្នកនាង ឆ័យលី ដាឡែន ក៏ទម្លាយឲ្យដឹងពេលថ្មីៗនេះ ក្រោមហេតុផលរស់នៅមិនចុះសម្រុងនឹងគ្នា ជាមួយស្វាមីដែលមានវ័យក្មេងជាងខ្លួន។
នៅក្នុងកម្មវិធី Lovely Night ការហែហមខុសពីទម្លាប់នោះ ក៏ត្រូវក្រុមអ្នកសារព័ត៌មានបានសួរនាំ ហើយក៏ត្រូវបានតារាចម្រៀងស្រីទម្លាយថា ស្នេហារវាងនាង និងស្វាមី សម្រេចចិត្តចែកផ្លូវដើរផ្សេងគ្នា គឺចេញពីការព្រមព្រៀងរវាងភាគីទាំង ២។ អ្នកនាង ឆ័យលី ដាឡែន ធ្លាប់បង្ហើបឲ្យដឹងថា៖ «រវាងពួកខ្ញុំ គឺអត់មានអ្នកណា បែកចិត្តមានថ្មី មានអ្នកចាស់អីនោះទេ ហើយក៏អត់ឈ្លោះទាស់ទែងគ្នាអីដែរ។ តែអាចនិយាយបានថា ដោយសារអស់និស្ស័យជាប្ដីប្រពន្ធទើបបានសម្រេចចិត្តចែកផ្លូវគ្នា»។
ឆ័យលី ដាឡែន ធ្លាប់បង្ហើបតាមហ្វេសប៊ុកថា៖ «ខ្ជិលនិយាយច្រើន ទោះបីនិយាយទៀតក៏គ្មានប្រយោជន៍! មនុស្សធំៗអស់ហើយ គួរតែយល់ថាអ្វីល្អ អ្វីអាក្រក់ អ្វីដែលគួរធ្វើ អ្វីដែលមិនគួរធ្វើ។ អ្នកណាៗ ក៏មានរឿងដូចគ្នា អ្វីសំខាន់ខ្លួនឯង ត្រូវតែរឹងមាំ ហើយដើរទៅមុខទៀត មិនថាពិបាកប៉ុនណា។ ត្រូវស៊ូទ្រាំដើម្បីឲ្យជីវិតខ្លួនឯង។ ទោះបីជាអត់មនុស្សម្នាក់ហ្នឹង ក៏នៅមានមនុស្សជុំវិញខ្លួនជាច្រើន ចាំផ្តល់កម្លាំងចិត្តដល់យើងដែរ»៕
