The Phnom Penh Post Search

Search form




Logo of Phnom Penh Post newspaper Phnom Penh Post - ឆ្នាំ​ថ្មី​ ទឹម រដ្ឋា បាន​កាដូ​រថយន្ត​ទំនើប​ម៉ាក MG ពី​​ម្ចាស់​បេះដូង​




ឆ្នាំ​ថ្មី​ ទឹម រដ្ឋា បាន​កាដូ​រថយន្ត​ទំនើប​ម៉ាក MG ពី​​ម្ចាស់​បេះដូង​

Content image - Phnom Penh Post
ដើម​​ឆ្នាំ​ថ្មី ស្រីស្រស់ ទឹម រដ្ឋា ក៏​ទទួល​កាដូ​​រថយន្ត​ទំនើប​ម៉ាក MG ពណ៌​​ខ្មៅ​ថ្មី​សន្លាង​ពី​ម្ចាស់​ចិត្ត​ រឹត​បន្តឹង​ចំណងស្នេហ៍​​​។ រូប អុីនស្តាក្រាម, តារាសម្តែង និង​ម៉ូដែល​​ស្រីកញ្ញា ទឹម រដ្ឋា​​។ រូបថត ហុង មិនា​

ឆ្នាំ​ថ្មី​ ទឹម រដ្ឋា បាន​កាដូ​រថយន្ត​ទំនើប​ម៉ាក MG ពី​​ម្ចាស់​បេះដូង​

ភ្នំពេញ៖ ​គ្រាន់​តែ​ឈាន​ចូល​ឆ្នាំ​ថ្មី​ឆ្នាំ ​២០២១​ ភ្លាម ​​តារា​​​ស្រី​ និងម៉ូដែល​រូប​ស្រស់ ​រាង​ស្ល៊ីម​​ កញ្ញា ទឹម រដ្ឋា​​ ក៏​​ទទួល​​បាន​កាដូ​​រថយន្ត​ទំនើប​ថ្មី​​សន្លាង​ ១ គ្រឿង​​ពី​ម្ចាស់​បេះដូង​​​ ដើម្បី​រឹត​បន្តឹង​​ចំណង​ស្នេហ៍​ ខណៈ​មុន​បន្តិច​កញ្ញា​​ទើប​​តែ​​សក​ដាក់​​ឱ្យ​អ្នក​​ជម្រេញ​​ជជីក​សួរ​​នាំពី​​រឿង​សម្ព័ន្ធ​ស្នេហ៍​នាង ជាមួយ​​បុរស​​​ជាតិ​អាមេរិក​នៅ​​​មិន​ទាន់​​រក​វេលា​ចូល​​រោងការ​។

ជាមួយ​​​​រូប​​​ឈរ​ញញឹម​ជិត​​ម្ចាស់​ស្នេហ៍​​​ ចូវ៉ានី អេនតូនីញ៉ូ និង​​បុរស​​​ពាក់​អាវ​យឺត​ទាហាន​ ដែល​​​ជា​​ឪពុក​កញ្ញា​ នៅ​​ពី​មុខ​​​រថយន្ត​​ម៉ាក​ MG ​មិន​ទាន់​កាត់​ខ្សែ​​​​បូ​​ក្រហម​ផង​នោះ ក៏​ធ្វើ​ឱ្យ​មហាជន​លាន់​មាត់​សរសើរ​ថា​៖ ​«​អីយ៉ា! ​​ឆ្នាំ​ថ្មី​ភ្លាម ស្រីស្រស់ ទឹម​ រដ្ឋា​ បាន​កាដូ​ថ្មី​ភ្លែត​ តែ​ម្តង​ពី​ម្ចាស់​​ចិត្ត ដើម្បី​រឹត​បន្តឹង​ស្នេហ៍​​! ចង់​ដឹង​ណាស់​​ថា រថយន្ត​ថ្មី​​សន្លាង​​នេះ ​១ គ្រឿង​ តម្លៃ​ប៉ុន្មាន​ទៅ​ហ្ន!»។​

យ៉ាង​ណា​​រឿង​​រថយន្ត​ ១​ គ្រឿង​​ម៉ាក MG ពណ៌​ខ្មៅ​ថា ​តើ​ជា​កាដូ​ពី​ម្ចាស់​ចិត្ត​មែន​​ឬ​យ៉ាង​ណា​? ភ្នំពេញ ​ប៉ុស្តិ៍​ ​មិន​ទទួល​បាន​ការ​បកស្រាយ​ពី​កញ្ញា ទឹម រដ្ឋា​ ឡើយ​ដោយសារ​​ប្រព័ន្ធ​ទូរស័ព្ទ​តេ​ចូល តែ​គ្មាន​​​​អ្នក​លើក​ទទួល​។ តែ​បើ​តាម​​សារ​បង្ហើរ​ក្នុង​បណ្តាញ​​អ៊ីនស្តាក្រាម​​​នោះ កញ្ញា ទឹម រដ្ឋា បាន​​សរសេរ​បញ្ជាក់​ថា៖ «កាដូ​ធំ​ និង​​ពិសេស សម្រាប់​ថ្ងៃ​ខួប​កំណើត​​របស់​ខ្ញុំ​ឆ្នាំ​នេះ [ឆ្នាំ ​២០២១​]​ ពី​លោក​ប៉ា និង​​ Corazon ​[ឈ្មោះ​​ហៅ​ក្រៅ​ម្ចាស់​ស្នេហ៍​​​រូប​​សង្ហា​ ចូវ៉ានី អេនតូនីញ៉ូ]។ អរគុណ​ម្ចាស់​ជីវិត​ទាំង ​២​ របស់​ខ្ញុំ»។​

កាល​​ពី​ចុង​ឆ្នាំ ​២០២០ ដោយសារ​​​​​ឧស្សាហ៍​ឃើញ​បណ្តើរ​​​សង្សារ​​អាមេរិក​រូប​​សង្ហា ​ចូវ៉ានី ​ អេនតូនីញ៉ូ ទៅ​ចូលរួម​​​ក្នុង​​​កម្មវិធី​ផ្លូវ​​ការ ឬ​កម្មវិធី​សង្គម​​នានា​​ ដោយ​​​បើក​ចំហ និង​មាន​រយៈ​ពេល​យូរ​ក្រែល​​នោះ​​ ទើប​​​​​នាពេល​​ថ្មីៗ​នេះ ស្រាប់​តែ​​តារា​សម្តែង​​​​ស្រី​ និង​ម៉ូដែល​រូប​ស្រស់​កញ្ញា ទឹម រដ្ឋា ហាក់​​សម្តែង​​​​​​នូវ​ភាព​​ជម្រេញ​ខ្លាំង​នឹង​សំណួរ​ជជីក​សួរ​​នាំ​ពី​​រឿង​សម្ព័ន្ធ​ស្នេហ៍​នាង​ជាមួយ​បុរស​​ជាតិ​​អាមេរិក ដែល​នៅ​​មិន​​ទាន់​​​កំណត់​វេលា​ចូល​រោងការ​​នៅ​​ឡើយ​។

ប្រហែល​​​ទ្រាំលែង​បាន​ហើយ​មើល​ទៅ​​ ទើប​​​​តារា​​​សម្តែង​​សិច​ស៊ី ឬ​ស៊ី​វិល័យ​កញ្ញា ទឹម រដ្ឋា បន្លឺ​​ជាសារ​តប​​​វិញ​ភ្លាមៗ​ ទៅ​​នឹង​​អ្នក​តាម​សួរ​នាំ​រឿង​​នាង​ដូច្នេះ​​​ថា៖ «​មាន​​​សំណួរ​ជា​ច្រើន​ហើយ​​ជា​សំណួរ​ដដែលៗ​​ ដែល​​សួរ​មក​កាន់​ពួក​​យើង​​ទាំង​ ២។ ចម្លើយ​​​​ គឺ​សូម​​រង់ចាំ​​ទស្សនា​​ភាគ​បន្ត​អរគុណ​​​​សម្រាប់​ការ​ស្រឡាញ់ ​និង​គាំទ្រ ខ្វល់ខ្វាយ​​មក​​កាន់​យើង​ទាំង ២ តាំង​ពី​ដើម​រហូត​​​​​ដល់​ឥឡូវ»។​​

កញ្ញា ទឹម រដ្ឋា ក៏​​​ធ្លាប់​បង្ហើប​ប្រាប់ ​ភ្នំពេញ ​ប៉ុស្តិ៍ ដែរ​​ថា៖ «​សម្រាប់​​រឿង​​រៀបការ ​នាង​ខ្ញុំ​​មិន​ទាន់​បរិយាយ​យ៉ាង​ណា​នោះ​​ទេ តែ​សុំ​ទុក​ពេល​​វេលា​មួយ​រយៈ​​ទៀត​សិន ដើម្បី​ស្វែងយល់​ចិត្ត​គ្នា។ នាង​​​​ខ្ញុំ​ក៏​សុំ​មិន​​​ទាន់​កំណត់​ថា នៅ​ពេល​ណា​​នឹង​ត្រូវ​​​ដល់​ពេល​ត្រូវ​ចាត់​ចែង​រឿង​នោះ ព្រោះ​​ថា​ ពេលវេលា​ទៅ​ថ្ងៃ​ខាង​មុខ​​​នោះ យើង​​​ពិត​ជា​មើល​មិន​ឃើញ​ដែរ»៕​​

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ