The Phnom Penh Post Search

Search form

ជីជី ជូន​បាច់​ផ្កា​ និង​អបអរសាទរ​ឪពុក​ដែល​ត្រូវ​បាន​តម្លើង​ឋានន្ដរស័ក្ដិ

Content image - Phnom Penh Post
តារាសម្ដែង និង​ពិធីការិនី កញ្ញា ពេជ្រ សូលីដា ហៅ ជីជី។ វុទ្ធី

ជីជី ជូន​បាច់​ផ្កា​ និង​អបអរសាទរ​ឪពុក​ដែល​ត្រូវ​បាន​តម្លើង​ឋានន្ដរស័ក្ដិ

ភ្នំពេញ : ចាប់​តាំងពី​កញ្ញា​ ពេជ្រ សូលីដា ហៅ ជីជី ចូល​ប្រឡូក​ក្នុង​វិស័យ​សិល្បៈ​នាង​មិន​ដែល​និយាយ​រឿង​អ្វី​ទាក់ទង​ឪពុក​របស់​នាង​ទេ​សូម្បី​តែ​ម្តាយ​នាង​បាន​រៀបការ​មាន​ស្វាមី​ថ្មី​ក៏ដោយ ក៏​នាង​មិន​ដែល​និយាយ​បង្ហើប​ពី​ឪពុក​ដែរ​។

ថ្មីៗ​នេះ​ពិធីការនី​ដ៏ល្បី​ប្រចាំ​ស្ថានីយ​ទូរទស្សន៍​កញ្ញា ជីជី បាន​បង្ហោះ​សារ​អបអរសាទរ​ឪពុក​ខ្លួន​លើ​បណ្តាញ​សង្គម​ហ្វេសប៊ុក​ជា​ភាសា​អង់គ្លេស​ថា «Congratulations dad, has been promoted» មាន​ន័យ​ថា «ចូលរួម​អបអរសាទរ​ប៉ាប៉ា​ដែល​ត្រូវ​បាន​តម្លើង​​ឋានន្តរសក្តិ»។

ក្នុង​ឱកាស​ដ៏សប្បាយ​រីករាយ​ប្រកប​ដោយ​កិត្តិយស​នេះ​តារាសម្តែង និង​ពិធីការនី​កញ្ញា ជីជី បាន​ជូន​បាច់​ផ្កា​យ៉ាង​ស្រស់​ស្អាត​ដល់​ឪពុក​ក្នុង​ន័យ​សម្តែង​ទឹកចិត្ត​កូនស្រី​ស្រលាញ់​ឪពុក​។ ចំណែកឯ​តំណែង​អ្វី​នៅ​ក្រសួង​ស្ថាប័ន​ណា​មួយ​នោះ​មិន​ទាន់​មាន​ការ​ស្រាយ​បំភ្លឺ​ពី​សាមី​ខ្លួន​ក៏​ដូចជា​កញ្ញា​ ជីជី នៅ​ឡើយ​ទេ​៕

អត្ថបទគួរចាប់អារម្មណ៍