ក្រុងសេអ៊ូលៈ ក្រោយត្រូវលុបឈ្មោះចេញពីក្រុមចម្រៀង Girls Generation កាលពីចុងខែកញ្ញា ឆ្នាំមុន តារាចម្រៀង ជេស៊ីកា ជុង ហាក់មិនធីបឆាកតន្ត្រី ហើយបែរមកផ្ដោតលើការងារច្នៃម៉ូដឲ្យក្រុមហ៊ុនផ្ទាល់ខ្លួនយីហោ BLANC & ECLARE វិញ។
កាលពីថ្ងៃទី១០ កុម្ភៈកន្លងមកនេះ សារព័ត៌មានចិន បានសម្ភាសតារាស្រីវ័យ២៥ឆ្នាំរូបនេះពីការត្រឡប់មកកាន់ក្បាលមេក្រូវិញ ដោយសហការជាមួយប្អូនស្រីនាងឈ្មោះ គ្រីស្តាល់ ជុង ជាតារាស្រីក្រុម f(x) ព្រោះអ្នកទាំងពីរក៏ធ្លាប់ថតចម្រៀងជាមួយគ្នាកន្លងមកដែរ។
នាង ចេស៊ីកា ជុង បានឆ្លើយតបវិញថា៖ «បានធ្វើការជាមួយប្អូនស្រីខ្ញុំពិតជាអស្ចារ្យហើយ។ វាអាចទៅរួចនៅថ្ងៃអនាគត។ គ្មានហេតុផលអ្វីដែលថាខ្ញុំមិនអាចសហការជាមួយប្អូនស្រីរបស់នាងនោះទេ»៕ PR
