The Phnom Penh Post Search

Search form

ឈិត សុជាតា លា​សិល្បៈ ដើម្បី​ថែ​កូន​ភ្លោះ

Content image - Phnom Penh Post
អ្នកនាង ឈិត សុជាតា និង​កូន​ភ្លោះ​​ប្រុសស្រី​វ័យ​ប្រមាណ ៥ ខែ​។ អីុនស្តាក្រាម

ឈិត សុជាតា លា​សិល្បៈ ដើម្បី​ថែ​កូន​ភ្លោះ

ភ្នំពេញៈ បន្ទាប់ពី​បាត់មុខ​មួយរយៈ​ចុងក្រោយ តារា​សម្តែង​ស្រី​សាច់​សខ្ចី ជំនួញ​ក្ដាប់​ពេញដៃ​អ្នកនាង ឈិត សុជាតា បាន​បង្កើត​កូនភ្លោះ​ប្រុស​មួយ និង​ស្រីមួយ ដ៏គួរ​ឲ្យ​ស្រឡាញ់​ជាមួយ​ស្វាមី​ស្របច្បាប់​បានចុះ​អេតាស៊ីវិល​ជាមួយ​គ្នា ៥ ឆ្នាំតែ​មិនមាន​ពិធី​រៀបការ​ប្រពៃណី។

បន្ថែម​ពីនេះ​អ្នកនាង ឈិត សុជាតា ក៏បាន​បង្ហើប​ព័ត៌មាន​លម្អិត​ពីស្ថានភាព​នៃការ​សម្រាល​បុត្រាបុត្រី​ភ្លោះ​នាង​ប្រាប់ ភ្នំពេញ ប៉ុស្តិ៍ ថា៖ «ចាស​បង!នាងខ្ញុំ​ពិតជា​សម្រាល​បានកូន​ភ្លោះ​មែន គឺកូន​ប្រុស​មួយ និង​កូនស្រី​មួយ ខណៈ​គិត​មកដល់​ពេល​នេះ​ពួកគេ​បាន​ជិត​ប្រាំខែ​ហើយ។ កូនប្រុស​បង​ឈ្មោះ មេត្តា មហា​សម្បត្តិ ហៅ​ក្រៅថា Boy ខណៈ​កូនស្រី​ឈ្មោះ មេត្តា តាធីតា ហៅ​ក្រៅថា Apple។ កូនប្រុស​គ្រូពេទ្យ​ប្រាប់ថា​មាន​សុខភាព​ខ្សោយ​បន្តិច ដោយសារ​នាងខ្ញុំ​សម្រាល​កូន​ភ្លោះ​គឺអ៊ីចឹង​ហើយ ខណៈ​ត្រូវតែ​កូនបង​មាន​សុខភាព​រាង​ខ្សោយ​ជាងកូន​ប្អូន។ ដូច្នេះ​ហើយ​ពេលនេះ​នាងខ្ញុំ​ត្រូវតែ​មើល​ថែទាំ​ពួកគាត់​ដោយ​ផ្ទាល់​រហូត​ពេល​ពួកគាត់​ចេះ​អង្គុយ ទើប​រកអ្នក​មើល​ថែទាំ ហើយ​នាងខ្ញុំ​ក៏ត្រូវ​ត្រឡប់​ទៅធ្វើ​ការងារ​វិញ​ផងដែរ»។

ទោះជា​ទទូច​សុំលាក់​អត្តសញ្ញាណ​ឪពុក​ក្មេង ក៏​អ្នកនាង ឈិត សុជាតា ឆ្លៀត​ឲ្យ​ដឹងថា ស្វាមី​អ្នកនាង​មានវ័យ​ជិត ៤០ ឆ្នាំ និង​ជាមន្ត្រី​រាជការ។ តារា​ស្រី​សាច់​សខ្ចី​ដ៏ជោគជ័យ​លើ​ជំនួញ​រូបនេះ​រៀបរាប់​ទៀតថា៖ «កាល​សម្រាល​ពួកគាត់ គឺនាង​ខ្ញុំ​ទើបតែ​ពពោះ​បាន​ត្រឹម ៦ ខែ​ប៉ុណ្ណោះ ក៏បែក​ទឹកភ្លោះ ហើយ​ត្រូវទៅ​វះកាត់​នៅ​មន្ទីរពេទ្យ​ឯកជន​មួយ​នៅក្នុង​ទីក្រុង​បាងកក ប្រទេស​ថៃ ហើយ​សម្រាប់​ប្តីប្រពន្ធ​ខ្ញុំវិញ​ពួកយើង​មិនបាន​រៀបការ​ទេ តែពួក​យើង​បាន​ទៅចុះ​អេតាស៊ីវិល​បាន​រយៈពេល ៥ ឆ្នាំ​មក​ហើយ ទើបបាន​សម្រេច​យកកូន​នៅពេល​នេះ»។

ក្រោយពី​សម្រាល​បានកូន​ភ្លោះ​សមក្តី​បំណង​ទាំង​ខ្លួនឯង និង​ស្វាមី​ក៏ពេញ​ចិត្ត​ផង​នោះ មើលទៅ​ការងារ​សិល្បៈ​ប្រហែល​ជាមាន​ការ​រយាល​បន្តិច​ហើយ ដោយ​ត្រូវ​ចំណាយ​ពេល​ថែទាំ​កូន​ផង និងត្រូវ​មើល​ការខុសត្រូវ​លើ​អាជីវកម្ម​ក្រុមហ៊ុន​ផង​នោះ។

តារាស្រី និង​ពិធីការិនី​រូប​ស្រស់​សាច់សខ្ចី​អ្នកនាង ឈិត សុជាតា បញ្ជាក់​យ៉ាង​ច្បាស់​ថា៖ «ចាប់​ពីពេលនេះ​ទៅ រឿង​សិល្បៈ​នាងខ្ញុំ អាច​និយាយ​បានថា គឺ​នាង​ខ្ញុំឈប់​វិល​ទៅវិញ​ហើយ ដោយសារ​ត្រូវបំពេញ​កិច្ចការ​ជាម្តាយ និង​មើលការ​នៅ​ក្រុមហ៊ុន។ ដូច្នេះ​នាងខ្ញុំ​មិនអាច​មាន​ពេល​ទៅកាន់​ការងារ​សិល្បៈ​ទេ»៕

អត្ថបទគួរចាប់អារម្មណ៍

  • Qatar Airways នៅ​តែ​បន្ត​ពង្រីក​អាជីវកម្ម

    ក្រុងដូហាៈ ក្រុមហ៊ុន Qatar Airways នឹង​បន្ត​ពង្រីក​អាជីវកម្ម បើ​ទោះ​ជា​ក្រុមហ៊ុន​នេះ​ត្រៀម​ខ្លួន​ប្រកាស​ពី​ការខាតបង់​ប្រចាំ​ឆ្នាំ «​ដ៏ច្រើន​» ដោយសារ​ការហាមឃាត់​មិន​ឲ្យ​ប្រើប្រាស់​ដែនអាកាស​របស់​ប្រទេស​ជិត​ខាង​ក្តី​។ នេះ​បើ​យោង​តាម​នាយក​ប្រតិបត្តិ​របស់​ក្រុមហ៊ុន​អាកាសចរណ៍​មួយ​នេះ​កាលពី​ថ្ងៃ​ចន្ទ​។

  • អ្នកភូមិ​ចង់​បណ្តេញ​ជនបរទេស​ ១ ​គ្រួសារ​ដែល​កំពុង​រស់នៅ​ការពារ​ព្រៃ​អភិរក្ស

    ព្រះវិហារៈ គ្រួសារ​បរទេស​មួយ​ដែល​បាន​បង្កើត​គម្រោង​អភិរក្ស និង​តំបន់​អេកូ​ទេសចរណ៍​នៅ​ដែនជម្រក​សត្វព្រៃ​ភ្នំ​ត្នោត​កំពុង​តែ​ត្រូវ​អ្នកភូមិ​នាំ​គ្នា​ផ្តិត​មេដៃ បង្ខំ​ឲ្យ​ចាកចេញ​ដោយសារ​តែ​ទំនាស់​រឿង​ព្រៃឈើ និង​សត្វព្រៃ​នៅ​ក្នុង​តំបន់​អភិរក្ស​ដែល​កំពុង​ប្រឈម​នឹង​ការកាប់​ទន្ទ្រាន​យក​ដី​។

  • ចំណូល​អាជីវកម្ម​តន្ត្រី​ឌីជីថល​កើន​ខ្ពស់

    ក្រុងញូវយ៉កៈ អាជីវកម្ម​ផ្នែក​ឧស្សាហកម្ម​តន្រី្ដ​របស់​ពិភពលោក​បាន​កើនឡើង​ខ្ពស់​បំផុត​រហូត​ដល់​ ៨,១ ​ភាគរយ​កាលពី​ឆ្នាំ​ ២០១៧ ខណៈ​ការលក់​តាម​ឌីជីថល​លើក​ដំបូង​រក​បាន​ប្រាក់ចំណេញ​ភាគច្រើន​ដោយសារ​តែ​កំណើន​ការចាក់​ផ្សាយ​ចម្រៀង​។

  • ក្រុម G7 រក្សា​គោលជំហរ​រឹងមាំ​លើ​បញ្ហា​រុស្ស៊ី​និង​រក្សា​តុល្យភាព​ចំពោះ​កិច្ច​ព្រម​ព្រៀង​អ៊ីរ៉ង់

    ក្រុងតូរ៉ុនតូ: ក្រុម​រដ្ឋមន្ត្រី​ការបរទេស​មកពី​ក្រុម​ប្រទេស​មហាអំណាច​ឧស្សាហកម្ម​ទាំង ៧ ហៅ​កាត់ (G7) បាន​ប្តេជ្ញា​ការពារ «លទ្ធិ​ប្រជាធិប​តេយ្យ» របស់​ពួកគេ​ប្រឆាំង​ការ​វាយ​ប្រហារ​ពី​រុស្ស៊ី​របស់​លោក​វ្ល៉ាឌីមៀរ ពូទីន កាល​ពី​ថ្ងៃ​