The Phnom Penh Post Search

Search form




Logo of Phnom Penh Post newspaper Phnom Penh Post - ដុំ​ថ្ម​មូល​ដូច​បាល់​រាយ​ប៉ាយ​លើ​ឆ្នេរ​នៅ​នូវែល​សេឡង់

ដុំ​ថ្ម​មូល​ដូច​បាល់​រាយ​ប៉ាយ​លើ​ឆ្នេរ​នៅ​នូវែល​សេឡង់

បាល់​ថ្ម​សណ្ឋាន​ស្នូក​អណ្ដើកនៅ​ឆ្នេរ​ម៉ូរ៉ាគី​ ប្រទេស​នូវែលសេឡង់។
បាល់​ថ្ម​សណ្ឋាន​ស្នូក​អណ្ដើកនៅ​ឆ្នេរ​ម៉ូរ៉ាគី​ ប្រទេស​នូវែលសេឡង់។

ដុំ​ថ្ម​មូល​ដូច​បាល់​រាយ​ប៉ាយ​លើ​ឆ្នេរ​នៅ​នូវែល​សេឡង់

នូវែលសេឡង់: ភូមិ​នេសាទ​តូច​មួយ​លើ​ឆ្នេរ​អៅម៉ារុ​ភាគ​ខាង​ត្បូង​បាន​ទទួល​ការ​ពេញ​និយម​ខ្លាំង​ចំពោះ​ភាព​អស្ចារ្យ​នៃ​ភូមិ​សាស្ត្រ​លើ​ឆ្នេរ​ខ្សាច់​ដែល​បក់បោក​ដោយ​ខ្យល់​។

ម៉ូរ៉ាគី គឺជា​បាល់​ថ្ម​ធំៗ​ដែល​ពង្រាយ​ពាសពេញ​លើ​ឆ្នេរ​ខ្សាច់។​ ប៉ុន្ដែ​ ពួក​វា​មាន​សណ្ឋាន​មិន​ដូច​ដុំ​ថ្ម​មូល​ធម្មតា​នោះ​ទេ ដោយ​សារ​វា​ត្រូវ​បង្កើត​ជា​រូប​រាង​ដោយ​រលក​សមុទ្រ​។ បាល់​ថ្ម​ទាំង​នេះ​ត្រូវ​បាន​ចាត់​ជា​ប្រភេទ​ថ្ម​សណ្ឋាន​ស្នូក​អណ្ដើក​ និង​ត្រូវ​កកើត​លើ​ខ្សាច់​បាត​សមុទ្រ​តាំង​ពី​យូរ​លង់​មក​ហើយ​។ ពួក​វា​ត្រូវ​បាន​បង្កើត​ឡើង​ដោយ​ដំណើរ​ការ​​វិវត្ដន៍​ស្រដៀង​នឹង​ការ​បង្កើត​គ្រាប់​គជ់​ក្នុង​គ្រំ​សមុទ្រ ឬ​អយស្ទ័រ​ ដែល​កម្ទេច​កម្ទី​នានា​បាន​ហើរ​មក​ពូន​ផ្ដុំ​ព័ទ្ធ​ក្នុង​សម្បក​វា។

ចំពោះ​អយ​ស្ទ័រ​ គ្រាប់​គជ់​ដែល​កកើត​នោះ​ដើម​ឡើយ​គឺជា​គ្រាប់​ខ្សាច់​​ និង​ផេះ​ផង់​ឥត​បាន​ការ​ប៉ុណ្ណោះ។​

ប៉ុន្ដែ​ សម្រាប់​បាល់​ថ្ម វា​គឺជា​សម្បក​ហ្វូស៊ីល​ បំណែក​ឆ្អឹង ឬ​បំណែក​ឈើ​។ កំបោរ​នៅ​ក្នុង​សមុទ្រ​បាន​​ជួយ​បង្កើន​ទំហំ​ស្នូរ​បន្ដិច​ម្ដង​ៗ​ ហើយ​សាច់​ថ្ម​ចាប់​ផ្ដើម​ពូន​ឡើង​ជា​រាង​មូល​រហូត​ដល់​អង្កត់​ផ្ចិត​៣​ម៉ែត្រ​។

ថ្ម​ភក់​នៅ​បាត​សមុទ្រ​បាន​ខ្ពស់​ឡើង​បន្ដិច​ម្ដងៗ​បង្កើត​ជា​ច្រាំង​ថ្ម​។ សំណឹក​ច្រាំង​ថ្ម​បាន​​ផ្ដុំ​គ្នា​ជា​បាល់​ថ្ម​ទម្ងន់ ​៣​ តោន​ដែល​បច្ចុប្បន្ន​ស្ថិត​នៅ​រប៉ាត់​រប៉ាយ​ឥត​សណ្ដាប់​ធ្នាប់​លើ​ឆ្នេរ​។ សំណឹក​ថ្ម​ក្នុង​បរិយាកាស​​បាន​លេច​ឡើង​ជា​បណ្ដាញ​សរសៃ​ ដែល​បង្កើត​ជា​ក្រឡា​ស្នូក​អណ្ដើក​លើ​បាល់​ថ្ម​។

បាតុ​ភូត​ធម្មជាតិ​បង្កើត​ជា​បាល់​ថ្ម​ស្រដៀង​គ្នា​នេះ​បាន​កើន​ឡើង​នៅ​ឆ្នេរ Shag Point និង​ឆ្នេរ​ហែ​ទឹក​កម្សាន្ដ​ កាទីគី​ ក្បែរ​នោះ​ផង​ដែរ។ អ្នក​វិទ្យា​សាស្ដ្រ​បាន​រក​ឃើញ​ថា ស្នូកនៃ​បាល់​ថ្ម​ផ្ទុក​ទៅ​ដោយ​ឆ្អឹង​សត្វ​អណ្ដើក​អភិរក្ស ខ្យង​សមុទ្រ និង​សត្វ​ល្មូន​ដាច់​ពូជ ដូចជា ប្លេសិនស័រ​ជាដើម​។

រឿង​ព្រេង​បុរាណ​របស់​អ្នក​ស្រុក​ជា​ច្រើន​បាន​តំណាល​តៗគ្នា​ថា បាល់​ថ្ម​ទាំង​នោះ​គឺជា​សំណល់​នៃ​ទ្រូ​ដាក់​អន្ទង់​ ​ឃ្លោក​ និង​ដំឡូង​គូម៉ារ៉ា​ ដែល​បាន​អណ្ដែត​មក​ទើ​រលើ​ឆ្នេរ​។ រឿង​ព្រេង​នេះ​បាន​រៀប​រាប់​ពី​ជំនួប​បាល់​ថ្ម​នេះ​ដែល​លាត​សន្ធឹង​ទៅ​កណ្ដាល​សមុទ្រ​ពី​ឆ្នេរ Shag Point។

ឆ្នេរ​​ម៉ូរ៉ាគី ជា​ទស្សនីយភាព​ដ៏​ស្រស់​ស្អាត​មួយ​ទាំង​ទិដ្ឋភាព​ឆ្នេរ​ដ៏​ត្រកាល និង​បាតុភូត​ភូមិសាស្ដ្រ​ដ៏គួរ​ឲ្យ​ចង់​ស្រាវជ្រាវ​លើ​ឆ្នេរ​នេះ៕ HR

អត្ថបទគួរចាប់អារម្មណ៍