បាត់ដំបងៈ មើល​ទៅ​ពិតជា​គួរ​ឲ្យ​អនិច្ចា​ខ្លាំង​ណាស់​ចំពោះ​ឆាក​ជីវិតរបស់​ដូនចាស់​វ័យ ៨៣ ឆ្នាំ​ សួន តូច ដែល​ខំ​ត្រដរ​រស់​នៅ​ក្នុង​ខ្ទមតូច​មួយ​ប្រក់​ស្លឹកត្នោត​ មាន​ជញ្ជាំង​ស័ង្ក​សី​ចាស់ច្រេះ​ចាប់ធ្លុះ​ធ្លាយ​ និង​យក​ផ្ទាំង​ក្រណាត់​ចងបិទ​បាំង​ការពារខ្យល់​ និង​​ទឹក​ភ្លៀង​ ​​គ្មាន​សាច់​ញាតិ​កូន​ចៅ​មើលថែទាំ​សម្រាប់​ដំណើរ​ជីវិត​ចុង​ក្រោយ ​ប្រៀប​ដូចជា​ដើម​ចក​ដែល​អណ្តែត​រសាត់​កណ្តាល​​មហា​សាគរ។