The Phnom Penh Post Search

Search form




Logo of Phnom Penh Post newspaper Phnom Penh Post - ដើម​ ២០២០ ឆាយ វីរៈយុទ្ធ បោះទុន​វិនិយោគ​ជិត ៣ លាន​ដុល្លារ

ដើម​ ២០២០ ឆាយ វីរៈយុទ្ធ បោះទុន​វិនិយោគ​ជិត ៣ លាន​ដុល្លារ

Content image - Phnom Penh Post

ដើម​ ២០២០ ឆាយ វីរៈយុទ្ធ បោះទុន​វិនិយោគ​ជិត ៣ លាន​ដុល្លារ

ភ្នំពេញ : ស្ងាត់ៗស្រាប់តែពេលនេះគេបានដឹងថា តារាចម្រៀងជួរមុខ លោក ឆាយ វីរៈយុទ្ធ បាននិងកំពុងបោះទុនវិនិយោគ ប្រមាណ ២ លាន ៦ សែន ដុល្លារ លើ​អាជីវកម្ម​មួយ ដែល​ធ្វើ​ឲ្យ​មហាជន​ផ្ទុះ​ការ​កោត​សរសើរ​ថា តារា​ចម្រៀង​រូបនេះ​ជោគជ័យ​ទាំង​សិល្បៈ និង​មុខ​ជំនួញ។

នៅ​ពេល​ផ្តើម​និយាយ​ដល់​ការ​បោះទុន​វិនិយោគ​ដ៏​គួរ​ឲ្យ​ភ្ញាក់​ផ្អើល​នេះ មហាជន​មាន​ការ​ងឿង​ឆ្ងល់​មិន​តិច​ទេ​ថា តើ​តារា​ចម្រៀង​រូប​នេះ​វិនិយោគ​រក​ស៊ី​អ្វី​បាន​ជា​ប្រើ​ប្រាស់​ដើម​ទុន​ធំ​សម្បើម​ម្ល៉េះ?

យ៉ាង​ណា​ចម្ងល់​នេះ​ត្រូវ​បាន​បក​ស្រាយ​នៅ​ព្រឹក​ថ្ងៃទី ១១ ខែ​ មករា ២០២០ ដោយ​តារា​រូប​នេះ​បាន​ទម្លាយ​ពី​ការប្រើប្រាស់​ដើម​ទុន​វិនិយោគ​លើ​គម្រោង មីនីវីឡា ដែល​មាន​ទីតាំង​នៅ​ភូមិ​ថ្នល់បន្ទាយ សង្កាត់​ពន្សាំង ខណ្ឌ​ព្រែកព្នៅ រាជធានីភ្នំពេញ។

Content image - Phnom Penh Post

ចំពោះ​ព័ត៌មាន​នៃ​ការ​បោះទុន​ដ៏ធំ​សម្បើម​នា​ដើម​ឆ្នាំ ២០២០ នេះ លោក ឆាយ វីរៈយុទ្ធ បាន​ឲ្យ​ដឹង​ថា៖ «តាម​ពិត​ទៅគម្រោង​វិនិយោគ​នេះ​ពិត​ជា​ចំណាយ​ជិត ៣ លាន​ដុល្លារ មែន»។

ប៉ុន្តែ​លោក​បញ្ជាក់​ថា នេះ​ជា​ការ​ចាប់​ដៃ​គ្នា​វិនិយោគ​រវាង​រូប​លោក និង​លោក​ម៉េន កានី ដោយ​រូប​លោក​ផ្ទាល់​មាន​ទុន ២៥ ភាគរយ រីឯ​លោក ម៉េន កានី មាន​ដើម​ទុន​ធំ​រហូត ៧៥ ភាគរយ។

លោក​ មេន កានី ប្រធាន​ក្រុមហ៊ុន ជី អឹម ត្រេឌីង ក៏​បាន​បញ្ជាក់​ផង​ដែរ​ថា រូប​លោក​ពិត​ជា​ជឿជាក់​ចំពោះ​ការ​វិនិយោគ​រួមគ្នា​ជាមួយ​នឹង​លោក ឆាយ វីរៈយុទ្ធ ហើយ​គិតថា គម្រោង Style Mini Villa GM Residence Baseth នឹង​ទទួល​បាន​ជោគជ័យ​ខ្ពស់ ដោយសារ​គម្រោង​ស្ថិត​នៅ​លើ​ទីតាំង​ល្អ ហើយ​ប្រកប​ដោយ​សោភ័ណភាព​ខ្ពស់៕

Content image - Phnom Penh Post

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។