ភ្នំពេញ: វត្ត​មាន​ក្មេង​ស្រី ​ព្រាត់ម្ដាយ​ ដែល​រំពៃ​រក​មើល​អ្នកមាន​គុណ​ទាំង​​ទឹក​ភ្នែក​រលីង​​រលោង​នៅលើ​ផែន​ថ្ពាល់​ ក្រោយ​ពិធីការិនី ពេជ្រ សេរីរត្ន ប្រកាស​ក្ដែងៗ​ថា នាង​នឹង​បាន​ជួប​មាតា​បង្កើត នៅ​ក្នុង​កម្មវិធី «ពេញ​ចិត្ត​អត់» តែ​បែរ​ជា​​លេច​នូវ​មុខ​តារា​កំប្លែង រ៉ូលីន ជំនួស​ទៅ​វិញ​នោះ បាន​ធ្វើ​ឲ្យ​មហាជន​ប្រតិកម្ម​យ៉ាង​ខ្លាំង​ថា​ នេះ​ជា​ទង្វើ​មិន​សមរម្យ​​ហាក់​បីដូច​ជា​យក​​អារម្មណ៍​សោក​សៅ​របស់​ក្មេង​ស្រីខ្វះ​ភាព​កក់​ក្ដៅ​ម្នាក់​មក​លេង​សើច​។