.jpg)
តារាម៉ូដែលស្រីកូនកាត់ខ្មែរ-បារាំងកញ្ញា ម៉េលីយ៉ា កុងស្តង់តាំង សម្រស់ស្អាតបែបធម្មជាតិ។ រូបថត ហ្វេសប៊ុក, កញ្ញា ម៉េលីយ៉ា កាន់តែហ៊ានសម្ញែងភាពសិចស៊ីក្នុងពេលថតម៉ូដែល និងថតស្ប៉ត។ អីុនស្តាក្រាម
ភ្នំពេញ៖ ដោយសាររូបសម្រស់ផូរផង់បែបធម្មជាតិ និងមានឈាមជ័រជាកូនកាត់ខ្មែរ-បារាំង ដែលអាចចំណេញរឿងភាសាមួយរួចទៅហើយនោះ កញ្ញា ម៉េលីយ៉ា កុងស្តង់តាំង ក៏ត្រូវបានមហាជនធ្លាប់ស្នើនាងឲ្យចូលរួមធ្វើជាតំណាងកញ្ញាឯកចក្កវាឡកម្ពុជា កាលពីឆ្នាំ ២០១៩ កន្លងមកដែរ តែត្រូវកញ្ញាបដិសេធព្រោះតែខុសចំណង់ចំណូលចិត្តរបស់នាង។
កញ្ញា ម៉េលីយ៉ា កុងស្តង់តាំង នៅតែក្លាយជាចំណុចនៃការចាប់អារម្មណ៍របស់មហាជនដដែល ដោយគេងាកមកតាមដានពីការរក្សាសម្រស់់ និងរូបរាងបានសមសួន មិនប្រែប្រួល ស័ក្តិសមជាតារាម៉ូដែល នាពេលប្រមាណ ២-៣ ឆ្នាំចុងក្រោយមកនេះ។ ជាក់ស្តែងពេលថ្មីនេះ កញ្ញា ម៉េលីយ៉ា ឧស្សាហ៍បង្ហាញ និងបង្ហោះបណ្តុំរូបថតនៃការថតស្ប៉តជារឿយៗ ហើយក៏សម្បូររូបថតបែបសិចស៊ីផងដែរ។
បណ្តុំរូបថតបែបសិចស៊ីទាំងនោះ ត្រូវបានមជ្ឈដ្ឋានតាមដានពីការវិវឌ្ឍរូបសម្ផស្សរបស់នាង ក៏បានលាន់មាត់សរសើរត្រង់ថា៖ «អីយ៉ា! ម៉េលីយ៉ា ឥឡូវនេះ លេងម៉ាអស់ដៃហ្មង! កាលពេលថតនៅឆ្នាំដំបូង ហាក់ដូចជាមិនសូវឃើញមានរូបដែលបង្ហាញភាពសិចស៊ីគួរឲ្យចាប់អារម្មណ៍សោះ! តែនៅពេលនេះ សម្រស់នាងមិនត្រឹមតែស្រស់ឡើងៗនោះទេ ហើយថែមទាំងមានចិត្តល្អហ៊ានថតបង្ហាញភាពសិចស៊ីគួរឲ្យទាក់ទាញទៀតផង»។
ទន្ទឹមនឹងមានពាក្យសរសើរពីរូបសម្រស់កញ្ញា ម៉េលីយ៉ា ក៏មានអ្នកសម្តែងការបារម្ភ ចំពោះភាពសិចស៊ីតារាម៉ូដែលស្រីស្រស់កូនកាត់អាស៊ី-អឺរ៉ុប មានម្តាយជាតិខ្មែរ និងប៉ាជាជនជាតិបារាំងផងដែរ ដោយបង្ហើបថា៖ «ទោះបីជាភាពសិចស៊ី ស្ថិតក្នុងការងារសិល្បៈម៉ូដែលក្តី ក៏ទាមទារឲ្យកញ្ញា ម៉េលីយ៉ា គិតគូរពីផលប៉ះពាល់តម្លៃស្រ្តីខ្មែរ ក្នុងវប្បធម៌ខ្មែរផងដែរ ព្រោះថាតារាស្រីខ្មែរ ដែលចូលចិត្តបង្ហាញនូវភាពសិចស៊ីភាគច្រើននោះក៏តែងត្រូវរងការរិះគន់ជារឿយៗពីមហាជន កាលណាភាពសិចស៊ីនោះមានលក្ខណៈហួសហេតុខុសគន្លងប្រពៃណីខ្មែរ»។ យ៉ាងណាចំពោះការលើកឡើង ដែលជាក្តីបារម្ភរឿងហ៊ានបង្ហាញភាពសិចស៊ីរបស់យុវតីជាតារាម៉ូដែលកូនកាត់ខ្មែរ-បារាំង កញ្ញា ម៉េលីយ៉ា មិនអាចបញ្ជាក់ប្រាប់ភ្នំពេញប៉ុស្តិ៍បានឡើយ ដោយសារប្រព័ន្ធទូរស័ព្ទរបស់នាងមិនអាចទំនាក់ទំនងបាន។
គួរបញ្ជាក់ដែរថាតារាម៉ូដែលស្រីវ័យក្មេង ជាកូនកាត់រូបនេះ ទើបតែបានចូលប្រឡូកនៅក្នុងវិស័យម៉ូដែលរយៈពេលខ្លីប៉ុណ្ណោះ ប៉ុន្តែកញ្ញាទទួលបាននូវភាពជោគជ័យគួរឲ្យកត់សម្គាល់រហូតអាចសម្រេចបំណងប្រាថ្នាក្នុងការចូលប្រឡូកវិស័យនេះ នៅក្នុងវ័យ ១៧ ឆ្នាំ ខណៈពេលនាងចាប់ផ្ដើមជាតារាម៉ូដែលលើកដំបូងនៅឆ្នាំ ២០១៧ ហើយបន្តមករហូតដល់បច្ចុប្បន្ន និងតែងតែមានគម្រោងថ្មីៗជាបន្តបន្ទាប់ផងដែរ ក្នុងនាមជាតារាម៉ូដែលស្រីឯករាជ្យមិនចង់ក្រោមសម្ពាធ៕
