The Phnom Penh Post Search

Search form




Logo of Phnom Penh Post newspaper Phnom Penh Post - តារារ៉េប​ល្បី Jay-Z លក់​ប្រ៊េន​​ស្រាសាំប៉ាញ​​របស់ខ្លួន​ ៥០ ភាគរយ ​ឱ្យ​ក្រុមហ៊ុន​ LVMH




តារារ៉េប​ល្បី Jay-Z លក់​ប្រ៊េន​​ស្រាសាំប៉ាញ​​របស់ខ្លួន​ ៥០ ភាគរយ ​ឱ្យ​ក្រុមហ៊ុន​ LVMH

Content image - Phnom Penh Post
ស្រាសាំប៉ាញ​របស់​តារា​ចម្រៀង Jay-Z ហៅ​ឈ្មោះ​កាត់ថា Ace of Spades (​អាត់ប៊ិក) ទទួល​បាន​ជោគជ័យ​ខ្លាំង​លើ​ទីផ្សារ។ AFP

តារារ៉េប​ល្បី Jay-Z លក់​ប្រ៊េន​​ស្រាសាំប៉ាញ​​របស់ខ្លួន​ ៥០ ភាគរយ ​ឱ្យ​ក្រុមហ៊ុន​ LVMH

ក្រុង​ប៉ារីស៖ ក្រុមហ៊ុន​​​ផលិតផល​ប្រណីត​ដ៏ល្បីល្បាញ​ក្នុងលោក LVMH បាន​ឱ្យ​ដឹង​ពី​ថ្ងៃ​ចន្ទ​ថា ខ្លួន​បាន​ព្រមព្រៀង​ទិញ​​ប៊្រេន​ Armand de Brignac ជា​ឈ្មោះ​ស្រាសាំប៉ាញ​ ក្រោម​ក​ម្មសិទ្ធិ​របស់​​តារា​រ៉េប និង​ជាផលិតករ​ចម្រៀង​ដ៏ល្បីល្បាញលោក​ Jay-Z។

ក្រុមហ៊ុន​​បាន​ឱ្យដឹងថា ការ​ទិញ​ភាគហ៊ុន ៥០​ ភាគរយ ក្នុង​តម្លៃ​មិន​ត្រូវ​បាន​ទម្លាយ​នេះ​ គឺ​ត្រូវបាន​ធ្វើឡើង​តាម​រយៈ​ក្រុមហ៊ុន​ Moet Hennessy ដែល​ជាប់ពាក់ព័ន្ធ​នឹង​ប្រតិបត្តិការ​ចែកចាយ និង​ភាពជាដៃគូ​រវាង​តារា​ចម្រៀង​ស្វាមី​ Beyonce និង​ក្រុមហ៊ុន​ LVMH។

ស្រាសាំប៉ាញ​របស់​តារា​ចម្រៀង Jay-Z ដែល​ត្រូវ​បានគេហៅ​ឈ្មោះ​កាត់ថា Ace of Spades (​អាត់ប៊ិក) ទទួល​បាន​ជោគជ័យ​ខ្លាំង​លើ​ទីផ្សារ។ នេះ​បោ​ហើង​តាម​សម្ដី​របស់​អគ្គនាយក​ក្រុមហ៊ុន Moet Hennessy លោក Philippe Schaus។

Content image - Phnom Penh Post
ស្រា​សាំប៉ាញ Armand de Brignac មាន​តម្លៃ​ជាទូទៅ ៨០០ដុល្លារ​ក្នុង​មួយដប និង​​ខ្ទង់ពាន់ដុល្លារ​សម្រាប់​កដប​មានការ​ផលិត​ពិសេស។ AFP

លោក​បាន​បញ្ជាក់​ទៀតថា៖ «Armand de Brignac បាន​ទម្លាយ​ឧបសគ្គ និង​​បង្ហាញ​ពីភាព​ជា​ផលិតផល​ប្រណីត​នៃ​សហសម័យ ខណៈ​វា​ក៏​បាន​ថែរក្សា​ប្រពៃណី​​ផលិត​ស្រា​នៃ​ទឹកដី​សាំប៉ាញផង​ដែរ»។

តារាចម្រៀង​វ័យ ៥១ ​ឆ្នាំ ដែល​មាន​ទ្រព្យ​សម្បត្តិ​សរុប​ខ្ទង់​មួយ​ពាន់​លានដុល្លាររូបនេះ ក៏​បាន​ចេញ​សេចក្ដី​ប្រកាស​ថា៖ «នេះ​គឺ​ជា​ការ​សហការ ដែល​យើង​ទទួល​បាន​អ្វី​ស្រប​គ្នា​ត​រហូត​មក»។

សេចក្ដី​ថ្លែង​ការ​នោះ​ក៏បាន​​បន្ត​ទៀត​ថា៖ «អំណាច​ដ៏​មាន​អានុភាព​​នៃការ​ចែកចាយ​ទូទាំង​សកល​លោក​របស់ក្រុមហ៊ុន Moet Hennessy គួបផ្សំ​នឹង​ភាព​ខ្លាំង និង​គ្រឹះ​ដ៏រាំង​មាំ​​ក្នុងការ​កសាង​​កំណត់ត្រា​ល្អ​ឥត​ខ្ចោះ​នៃ​ប៊្រេន​ផលិតផល​ប្រណីត នឹង​ធ្វើ​ឲ្យ​ស្រា​សាំប៉ាញ Armand de Brignac បង្កើន​អានុភាព​ពាណិជ្ជកម្ម​របស់ខ្លួន​ឲ្យ​កាន់តែ​រីក​ចម្រើនរុងរឿង»៕ AFP/HR

Content image - Phnom Penh Post
តារាចម្រៀង​រ៉េប​អាមេរិក Jay-Z អាយុ ៥១ ​ឆ្នាំ ដែល​​ជា​ម្ចាស់ប៊្រេន​ស្រា​សាំប៉ាញ Armand de Brignac។ AFP

អត្ថបទគួរចាប់អារម្មណ៍