.jpg)
រូបថតលែងខ្លួនល្វែងលើដ៏កម្របានបែកធ្លាយតាមបណ្តាញសង្គមរបស់កញ្ញា ម៉ៃយ៉ា។ អុីនស្តាក្រាម
ភ្នំពេញៈ ថ្មីៗនេះមានការភ្ញាក់ផ្អើលយ៉ាងខ្លាំងដោយសារការបែកធ្លាយរូបលែងខ្លួនល្វែងលើដ៏កម្ររបស់តារាសម្តែងស្រី និងពិធីការិនីរូបស្រស់ កូនកាត់អាស៊ី-អឺរ៉ុប វ័យ ២២ ឆ្នាំ គឺកញ្ញា ខាហ្គឺម៉ៃយ៉ា សូរ៉ៃយ៉ាម៉ាថា ហៅ ម៉ៃយ៉ា បានក្លាយជាប្រធានបទសួរដេញដោលគ្នាយ៉ាងពុះកញ្ជ្រោលនៅតាមបណ្តាញសង្គម។
ជាមួយរូបឈរចំហៀងខ្លួន ទម្លាក់សក់ប្រះស្មា បែរមុខចំ បង្ហាញសាច់ស្មាសខ្ចី យកផ្កាកុលាបធ្វើរនាំងបិទបាំងតំបន់កូនភ្នំទាំងគូ ក្នុងទឹកមុខបែបស្លុងអារម្មណ៍នោះ ក៏ត្រូវបានខាងមជ្ឈដ្ឋានមហាជនលាន់មាត់សរសើរបែបភ្ញាក់ផ្អើលថា៖ «អីយ៉ា!ឥឡូវនេះ កញ្ញា ម៉ៃយ៉ា ហ៊ានថតឈុតបែបលែងខ្លួនល្វែងលើទៀតហ្ន!តើនាងកំពុងតែថតដាក់ទស្សនាវដ្តីណាមួយទេដឹង? ឬក៏ជាការសម្តែងក្នុងឈុតឆាកមានលក្ខណៈបែបពិសេសអ្វីមួយទេដឹង?»។
តារាស្រីដែលកំពុងតែមានរាសីឡើងក្រឺតៗ បន្ទាប់ពីនាងក្តាប់បានតំណែងជាតួឯកស្រីក្នុងកុនភាគរឿង «ហង្សបាក់ស្លាប» ក្រោយមកតំណែងជាតួឯកស្រីកុនដុំថ្មីរឿង «ទាយាទអាគម» និងកុនភាគរឿង «កញ្ញាអម្ពិលផ្អែម» និងការថតស្ប៉តពាណិជ្ជកម្ម និងសម្អាងការផងដែរនោះ នាងបានបកស្រាយប្រាប់ភ្នំពេញប៉ុស្តិ៍អំពីរូបថតខាងលើថា៖ «អូ!រូបនោះ គឺគ្រាន់តែការថតបែបលេងស្ទីលជា Fashion ធម្មតាដូចជាតារាម៉ូដែលបរទេស ដែលនាងខ្ញុំថតដើម្បីរក្សាទុកផ្ទាល់ខ្លួននាងខ្ញុំទេបង! មិនមែនជាការថតបែបពិសេស ឬការថតដាក់ទស្សនាវដ្តីអ្វីដែរ»។
តារាស្រីស្រស់កញ្ញា ម៉ៃយ៉ា ក៏ជាពិធីការិនីរូបសម្ផស្សកាន់តែផូរផង់នៅទូរ-ទស្សន៍ CNC ដែលជាតារាសម្តែងទើបតែបានរះថ្មីលើវិថីសិល្បៈភាពយន្តបានរយៈពេលប្រមាណជា ២-៣ ឆ្នាំរូបនេះបានបន្តឲ្យដឹងថា៖ «រូបនេះ គឺនាងខ្ញុំថត បន្ទាប់ពីចូលរួមកម្មវិធីសិល្បៈមួយ ហើយក៏ចង់ថតលេងស្ទីលនោះតែម្តងទុកសម្រាប់ខ្លួនឯង។ ហើយប្រសិនបើជាក់ស្តែងនៅក្នុងវិស័យសិល្បៈវិញនោះ ការថតបែបលេងស្ទីលសិចស៊ីហួសហេតុ ឬសម្តែងជាតួស្រីបញ្ចេញនូវភាពសិចស៊ីខ្លាំងនោះ គឺថានាងខ្ញុំមិនទទួលថតជាដាច់ខាត»។
នៅពេលថ្មីៗមុននេះបន្តិចតារាសម្តែងស្រីជាកូនកាត់ ២ សាសន៍គឺខ្មែរ និងជាតិអាល្លឺម៉ង់ ដែលកំពុងតែមានទីផ្សារសិល្បៈស្ទុះឡើងគួរឲ្យកត់សម្គាល់ បើទោះបីជារូបនាងជាតារាស្រីរលកក្រោយក៏ដោយ ក៏ទើបតែបានជម្រះរឿងមន្ទិលដល់មហាជនចំពោះរឿងលេចឮថានាងចង់លាឈប់ពីសិល្បៈដើម្បីទៅរស់នៅជួបជុំគ្រួសារនៅអាល្លឺម៉ង់ ដែលជាស្រុកកំណើតឪពុក ភ្ជាប់ជាមួយសារបង្ហោះតាមបណ្តាញសង្គមហ្វេសប៊ុកថា៖ «បន្តិចទៀតនេះ លាសិល្បៈស្រុកខ្មែរដែរ! នាងខ្ញុំស្រឡាញ់ណាស់អាល្លឺម៉ង់ជួបគ្នាឆាប់»៕
