ភ្នំពេញៈ ប្រជា​ពល​រដ្ឋទាំង​ចាស់​ទាំង​ក្មេង​នាំគ្នា​ផ្អើល​ឈូឆរ​តាម​មើល ក្រុម​មនុស្ស​ដែល​ផាត់​មុខមាត់ និង​តុបតែង​កាយ​ចម្លែកៗ​បែប​ជាមនុស្ស​ព្រៃ សត្វ​​ និងតួ​អង្គ​អមនុស្ស​ជាព្រាយ​ខ្មោច ឬ​ម្រេញ​គង្វាល​ ព្រមទាំង​ក្រុមបុរស​ដែល​មាន​ស្លៀកឈុត​ជាមេទ័ព​កាន់​ព្រះ​ខ័នរាជ​ ដើរ​នាំមុ​ខគេ​ បាន​ចេញដង្ហែ​ក្បួនតាម​ផ្លូវចេញ​ពី​ទីតាំង​នៃ​សាលា​បឋម​សិក្សា​ពញាពន់​ ក្បែរ​ផ្សារ​ត្រពាំង​ព្រាយ​ មកកាន់​តំបន់​វាល​ស្រែនៃ​ទីដីទួល​អ្នកតា​ព្រីងក្អែក ឬ​អ្នកតា​កាហ៊េ​ ស្ថិតនៅ​ក្នុង​ភូមិបឹង​ សង្កាត់​ពញាពន់ ខណ្ឌ​ព្រែកព្នៅ​ នៃ​តំបន់​ជាយ​រាជធានី​ភ្នំពេញ​ បង្កការ​ចាប់អារម្មណ៍​ និង​ទស្សនា​ពី​សំណាក់​ប្រជាជន​ខ្មែរ​ទាំង​នៅក្នុង​តំបន់ និង​ក្រៅ​តំបន់​ជាច្រើន​ពាន់​នាក់​ កាលពី​ព្រឹក​ថ្ងៃ​ព្រហស្បតិ៍​ ទី ៩ ខែមិថុនា​ ឆ្នាំ ២០១៦ កន្លង​មកនេះ។​