ក្រុងប៉ារីស៖ តុលាការបារាំងបានសម្រេចឲ្យហ្វូងទានៅនិរតីប្រទេសអាចបន្ដស្រែកកាបៗ ក្រោយមានការប្ដឹងផ្ដល់ពីអ្នកជិតខាងចំពោះសម្រែកសំឡេងរបស់ពួកវា ដោយយ៉ាងហោចណាស់ត្រូវរង់ចាំការស៊ើបអង្កេតពីការធ្វើតេស្ដកម្រិតសំឡេងរំខានសិន។
ករណីហ្វូងទាដ៏រំខាននៅភាគនិរតីនៃតំបន់ Landes គឺជារឿងរ៉ាវចុងក្រោយបំផុតក្នុងប្រទេស ដែលយោគយល់ដល់ធម្មជាតិនៃទីជនបទ។
សម្រែកមាន់គករងាវនៅភាគខាងលិចប្រទេស បារាំង រំខានដល់អ្នកជិតខាង នាំជម្លោះប្ដឹងផ្ដល់ចំពោះ ១៦៥ ដុល្លារ ក្នុង ១ ថ្ងៃ បូកទាំងថ្លៃចំណាយខូចខាត ៣ ៨៧០ ដុល្លារ និងថ្លៃឯកសារផ្លូវច្បាប់នានា ២ ២០០ ដុល្លារ។
ប្ដីប្រពន្ធដែលទិញផ្ទះក្បែរខាងនោះកាលពីឆ្នាំមុន បានប្ដឹងអំពីសំឡេងរំខានពីហ្វូងទា និងក្ងានប្រមាណ ៥០ ក្បាល ដែលត្រូវបានចិញ្ចឹមក្នុងសួនទីធ្លាផ្ទះអ្នកស្រី Dominique Douthe អាយុ ៦៧ ឆ្នាំ រស់នៅក្នុងក្រុង Soustons។
មេធាវីរបស់អ្នកស្រី ហ្វីលីព ឡាឡាន បាននិយាយថា៖ «គ្មានអ្វីខុសច្បាប់ ឬគ្មានអ្វីអប្រក្រតីផង»។
លោកបានបន្ថែមថា ចៅក្រមបានបង្គាប់ឲ្យប្រើឧបករណ៍តេស្ដពីកម្រិតសំឡេងរំខាន ដែលនឹងត្រូវបានចាប់ផ្ដើមនៅត្រីមាសទី ១ ឆ្នាំក្រោយ។
វាជាករណីមួយក្នុងចំណោមបណ្ដឹងតទល់នឹងសំឡេងធម្មជាតិរបស់សត្វនៅទូទាំងតំបន់ជនបទនៃប្រទេស បារាំង។ តុលាការកាលពីដើមខែកញ្ញា កាត់ក្ដីឲ្យមាន់គកឈ្នះដោយអាចបន្ដស្រែករងាវ ជាអ្វីដែលហៅថា ជាអត្ដសញ្ញាណអ្នកជនបទបារាំង៕ AFP/HR