The Phnom Penh Post Search

Search form




Logo of Phnom Penh Post newspaper Phnom Penh Post - តូ​តា អង្គាសប្រាក់​បាន​ជាង $ ៣ ពាន់ ជួយ​កុមារី​កើត​ជំងឺ​ទឹក​នោម​ប្រៃ

តូ​តា អង្គាសប្រាក់​បាន​ជាង $ ៣ ពាន់ ជួយ​កុមារី​កើត​ជំងឺ​ទឹក​នោម​ប្រៃ

Content image - Phnom Penh Post
កុមារី​ ស្រីតី កើតជំងឺទឹកនោមប្រៃធ្ងន់ធ្ងរដែល​ត្រូវ​កញ្ញា តូតា អង្គាសប្រាក់​ជួយ​។ ហ្វេសប៊ុក​

តូ​តា អង្គាសប្រាក់​បាន​ជាង $ ៣ ពាន់ ជួយ​កុមារី​កើត​ជំងឺ​ទឹក​នោម​ប្រៃ

ភ្នំពេញៈ ដោយ​ក្តី​អាណិតអាសូរ​ខ្លាំង​ចំពោះ​កុមារី ធ្លាប់​រស់​នៅ​ឯ​មណ្ឌល​កុមារ​កំព្រា ដែល​កំពុង​តែ​មាន​ជំងឺ​ទឹក​នោម​ប្រៃ​កម្រិត​ធ្ងន់ ហើយ​ខ្វះខាត​ប្រាក់​សម្រាប់​ព្យាបាល​នៅ​ឯ​ប្រទេស​ថៃ ក្រោយ​ពី​មន្ទីរពេទ្យ​គន្ធបុប្ផា​អស់​លទ្ធភាព​ព្យាបាល​នោះ ទើប​តារា​សម្តែង​ស្រី​រូប​ស្រស់​កញ្ញា តូតា និង​គូស្នេហ៍​ក៏បាន​ផ្តើម​កៀរគរ​រក​សប្បុរស​ជន​ពី​គ្រប់​មជ្ឈដ្ឋាន​បាន​ប្រាក់​ជាង ៣ ពាន់​ដុល្លារ​ទៅ​ជួយ​ដល់​ក្មេង​ស្រី​មាន​ឈ្មោះ​ថា ស្រី​តី នោះ​កាល​ពី​រសៀល​ថ្ងៃ​ម្សិលមិញ។

ទង្វើ​ល្អ​ដែល​ចេះ​ជួយ​ដល់​ជន​ក្រខ្សត់ ជាពិសេស​កុមារកំព្រា​បែបនេះ ត្រូវបាន​មហាជន និង​អ្នក​សិល្បៈ​នានា​មើល​ឃើញ និង​លាន់​មាត់​សរសើរ​តារា​សម្តែង​ស្រី​ស្អាត ដែល​ជា​ថៅកែ​អាហា​រដ្ឋាន​ឈ្មោះ «ផែ​សមុទ្រ» កញ្ញា តូតា ភ្លាមៗ​ថា៖ «ស្អាត​ហើយ​ចិត្ត​ល្អ​ទៀត! តូតា ប្រមូល​ថវិកា​បាន​ជាង ៣ពាន់​ដុល្លារ ទៅ​ជួយ​ក្មេង​ស្រី​ដ៏​គួរ​ឲ្យ​អាណិត​កើត​ជំងឺ​ទឹក​នោម​ប្រៃ​ធ្ងន់ធ្ងរ»។

ខណៈ​តារា​សម្តែង​ប្រុស​ជើងចាស់​ដែល​ឧស្សាហ៍​មាន​សកម្មភាព​សប្បុរស​ដែរ​គឺ​លោក សាវិន ហ្វីលីព ក៏​បន្ទរ​សារ​កោត​សរសើរ​ដល់​ទឹក​ចិត្ត​កញ្ញា តូតា ផង​ដែរ​ថា៖ «អរគុណ​ដល់​ទឹក​ចិត្ត កញ្ញា តូតា ដែល​កំពុង​ជួយ​រៃ​អង្គាស​ថវិកា​ជួយ​ក្មេង​ម្នាក់​នេះ​ពី​ក្រុម​តារា​សម្ដែង​រឿង កូន​ពស់​កេង​កង​របស់​លោក ហ្វៃ សំអាង។ អរគុណ ដែល​អនុញ្ញាត​ឲ្យ​បង​បាន​ចូលរួម​បរិច្ចាគ​ថវិកា​ផ្ទាល់​ខ្លួន​តិចតួច​ជួយ​ដល់​ក្មេង​កម្សត់​នេះ​ផង​ដែរ។ តោះ​!រួមគ្នា​ជួយ​ក្មេង​ម្នាក់​នេះ​ទាំង​អស់​គ្នា​តាមរយៈ​តារា​ស្រី​ល្បី​ឈ្មោះ តូតា!!»។

Content image - Phnom Penh Post
តារាស្រីស្អាត​​បបូរ​មាត់​សិចស៊ីកញ្ញា​តូតា។ ហេង ជីវ័ន

ដោយសារតែ​ខ្លា​ចរង​នូវ​ការរិះគន់ ឬ​ចោទប្រកាន់​ដោយ​ប្រការ​ណាមួយ​អាច​ភាន់​ច្រឡំ​ថា ប្រាក់​ជួយ​កុមារី​មាន​ជំងឺ​ទឹក​នោម​ប្រៃ​នោះ តែ​រូប​នាង និង​គូ​ស្នេហ៍​គឺ​លោក ប៉ុល វិបូ នោះ ទើប​កញ្ញា តូតា បញ្ជាក់​ប្រាប់​ភ្នំពេញ​ប៉ុស្តិ៍​ថា៖ «តាម​ពិត​ទៅ​សម្រាប់​ទឹក​ប្រាក់​ចំនួន​ជាង ៣ ពាន់​ដុល្លារ នោះ គឺ​មិន​មែន​មាន​តែ​នាង​ខ្ញុំ និង​លោក ប៉ុល វិបូ ទេ​គឺ​មាន​ការ​ជួយ​ពី​បង​ប្អូន​សប្បុរស​ជន​ជាច្រើន​ទៀត។

ក្រៅពី​បងប្អូន​អ្នកសិល្បៈ​នានា​រួមមាន​កញ្ញា គង់ វង្ស​យ៉ា​ទី បងស្រី ពៅ លីដា កញ្ញា ឌុ​ច លីដា កញ្ញា បេប៊ី បង​សក្កដា បង​ញ៉ែម សុគន្ធ បង​សាវិន ហ្វីលីព បង​ឌួង ម៉ានិច បង​ទូច ស្រី​លក្ខណ៍ កញ្ញា យ៉ែម ស្រី​ពេជ្រ ក៏មាន​បង​ប្អូន​ផ្សេងៗ​ទៀត​ផង​ដែរ​គឺ​សរុប​ទៅ​ដូចជា​ប្រហែល​មាន ៣០ ឬ ៤០ នាក់​ឯណោះ»។

ចំពោះ​ទឹកប្រាក់​ដែល​បាន​ពី​ការ​រៃអង្គាស​ពី​សប្បុរសជន​ទាំងអស់នោះ ក៏ត្រូវ​បាន​កញ្ញា តូតា បញ្ជាក់​ឲ្យ​ដឹង​ពី​ចំនួន​ទឹក​ប្រាក់​ពិត​ប្រាកដ​ថា៖ «ឥឡូវ​នេះ នាង​ខ្ញុំ​បាន​យក​ថវិកា​របស់​សប្បុរ​សជន​ចំនួន ៣២៨០, ៥ ដុល្លារ (បី​ពាន់​ពីរ​រយ​ប៉ែតសិប និង​ហាសិប​សេន) មក​ជូន​ដល់​ដៃ​កុមារ​កំព្រា​ដែល​កំពុង​តែ​មាន​ជំងឺ​ទឹក​នោម​ប្រៃ​កម្រិត​ធ្ងន់។ សូម​ជូនពរ​ឲ្យ​សប្បុរស​ជន​ទាំង​អស់​ទទួល​បាន​នូវ​ជ័យ​ជម្នះ សុខភាព​បវរ ហើយ​ក៏​សូម​ឲ្យ​បាន​កុសល ពី​ការ​ផ្តល់​ទាន​នេះ ទាំង​អស់​គ្នា​ផង!»។

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។