.jpg)
តួតុកសិន រ៉ុន ជេមី ប្រឈមបទចោទសរុប ២៨ ករណី។ រូបថត AFP
ក្រុងឡូសអេនជឺលេស៖ តួកុនសិច រ៉ុន ជេមី ត្រូវបានចោទប្រកាន់ពីបទរំលោភបំពានផ្លូវភេទជាមួយកុមារីអាយុ ១៥ ឆ្នាំម្នាក់ និងនារីជាច្រើននាក់ផ្សេងទៀត។ នេះបើយោងតាមរដ្ឋអាជ្ញាក្រុងឡូសអេនជឺលេស បានឲ្យដឹងកាលពីចន្ទ។
តារាដ៏ចម្រូងចម្រាសក្នុងឧស្សាហកម្មភាពយន្ដក្ដៅសាច់រូបនេះ ដែលបានសម្ដែងជាង ១ ៧០០ រឿង ត្រូវបានចោទប្រកាន់កាលពីខែមិថុនា ជាមួយបទរំលោភស្ដ្រី ៣ នាក់ និងប្រទូសកេរ្ដិ៍នារីទី ៤។
ការចាប់ខ្លួននេះ និងសវនាការនៅតុលាការបានដាក់បន្ទុកកាន់តែខ្លាំងលើតារាវ័យ ៦៧ ឆ្នាំរូបនេះ។
លោក ជេមី ត្រូវបានបញ្ជូនពីមន្ទីរឃុំឃាំងទៅកាន់តុលាការសម្រាប់បទចោទចុងក្រោយកាលពីថ្ងៃចន្ទ ដើមសប្ដាហ៍នេះ និងត្រៀមស្នើទម្លាក់បទចោទចុងក្រោយនេះ។
បទចោទថ្មីៗចំនួន ២០ ករណី ត្រូវបានធ្វើឡើងតាំងពីឆ្នាំ ២០០៤ នៅពេលលោក ជេមី ត្រូវបានប្ដឹងពីបទប្រទូសកេរ្ដិ៍កុមារីម្នាក់នៅពិធីជប់លៀងក្នុងសាន់តាក្លារីតា ខាងក្រៅក្រុងឡូសអេនជឺលេស។
ជនរងគ្រោះមានអាយុចន្លោះពី ១៥ ទៅ ៥៤ ឆ្នាំ ហើយករណីបំពានចុងក្រោយ រួមមានការបំពានផ្លូវភេទក្រៅរង្វង់ឧស្សាកម្មកុនសិចនៅហូលីវូដ ចំថ្ងៃចូលឆ្នាំថ្មីនាឆ្នាំនេះ។
ការចោទប្រកាន់ចុងក្រោយ រួមមានការរំលោភ ៥ ករណី ការបង្ខំរួមសង្វាសដោយប្រើមាត់ ៣ ករណី ទង្វើបៀតបៀនកេរភេទ ៦ ករណី និងសម្ដែងអកប្បកិរិយាអាក្រាមជាមួយក្មេងស្រី ១ ករណី។
បើត្រូវបានកាត់ទោសជនសង្ស័យ ជាតួកុនសិច រ៉ុន ជេមី ដែលពេលនេះប្រឈមបទចោទសរុប ២៨ ករណី នោះអាចជាប់គុករហូតដល់ ២៥០ ឆ្នាំ៕ AFP/HR
