ភ្នំពេញ : ស្រា ស្កុតវីស្គីគឺជាស្រាមានប្រវត្ដិរាប់រយឆ្នាំមកហើយតាម ប្រពៃណីរបស់ប្រជាជនស្កុតឡែន។ ស្រាប្រភេទនេះមានដើមកំណើតមកពីតំបន់ជនបទដ៏ស្រស់បំព្រងមួយ នៃប្រទេសក្នុងទ្វីបអឺរ៉ុបមួយនេះ។
បង្កើតឡើង ដោយក្រុមហ៊ុនឈីវ៉ាស ប្រាដ័រស៍ (Chivas Brothers) ស្រាស្កុតវីស្គីនេះបានបង្កើតកេរ្តិ៍ឈ្មោះល្បីល្បាញនៅទូទាំង ពិភពលោក និងទទួលបាននូវមេដាយរាល់ឆ្នាំ។
នៅឆ្នាំ២០១៣កន្លងទៅ ថ្មីៗនេះ ក្នុងការប្រកួតលំដាប់ពិភពលោកនៅទីក្រុងសាន់ ហ្វ្រាន់ស៊ីស្កូ ស្រាឈីវ៉ាស រីហ្គលប្រភេទ ១៨, ២១ និង២៥ឆ្នាំបានឈ្នះមេដាយមាសស្ទួន។
ក្រុមហ៊ុនឈីវ៉ាស ប្រាដ័រស៍ បានបង្កើតឡើងនៅក្នុងឆ្នាំ១៨០១ដោយបងប្អូនពីរនាក់ឈ្មោះ ចន និង ជេមស៍ ឈីវ៉ាស មានដើមកំណើតនៅក្នុងហាងលក់គ្រឿងទេសមួយនៅក្នុងទីក្រុង អាប៊ឺឌីន ភាគខាងជើងនៃប្រទេសស្កុតឡែន។ បងប្អូនប្រុសទាំងពីរមានភាពល្បីល្បាញក្នុងការផ្ដល់នូវទំនិញ ល្អបំផុតនៅក្នុងសម័យកាលនោះ។ ដោយហេតុហើយពួកគេបានទទួលនូវព្រះរាជសារពីព្រះបរមរាជវាង ឲ្យធ្វើការផ្គត់ផ្គង់ស្បៀងផ្សេងៗដល់ក្រុមគ្រួសាររាជវង្សនៅ វិមានបាល់ម៉ូរ៉ល។ ភាពស្និទ្ធស្នាល និងទំនាក់ទំនងជាបានធ្វើឲ្យស្រាឈីវ៉ាសត្រូវបានទទួល ស្គាល់ពីសាច់ញាតិរាជវង្សានុវង្សនៃចក្រភពអង់គ្លេស។
នៅដើម សតវត្សរ៍ទី២០ដោយមើលឃើញសក្ដានុពលនៃការពង្រីកទីផ្សារ បងប្អូនឈីវ៉ាសបាននាំផលិតផលខ្លួនទៅលក់ឲ្យជនជាតិអាមេរិកដែលកំពុងកាក់កបនឹងអាជីវកម្មរ៉ែមាស។ ស្រាឈីវ៉ាស រីហ្គល ២៥ឆ្នាំបានក្លាយជាស្រាវីស្គីលំដាប់ខ្ពស់ដ៏ពេញនិយមក្នុង សង្គមអភិជនអាមេរិក។
ភាពជោគជ័យបានបន្ដទៅដើមសតវត្សរ៍ទី២០ ទៀត ជាពិសេសគឺបន្ទាប់ពីសង្គ្រាមលោកលើកទី២ បានបញ្ចប់នៅពេលដែលជនជាតិអាមេរិកកំពុងរីករាយជាមួយទ្រព្យធន និងជីវិតដ៏សម្បូរសប្បាយរបស់ពួកគេ។ ស្រារីហ្គល១២ឆ្នាំបានក្លាយជានិមិត្ដរូបនៃភាពរីកចម្រើន និងមានប្រជាប្រិយភាពខ្លាំងនៅក្នុងសម័យនោះ។
ក្រុមហ៊ុនបានរីក លូតលាស់យ៉ាងឆាប់រហ័សដោយសារភាពជោគជ័យនេះ និងបានក្លាយជាក្រុមហ៊ុនឈានមុខគេនៅក្នុងឧស្សាហកម្មស្រាវីស្គី តាំងពីពេលនោះមកដោយមានអ្នកជំនាញលាយស្រាលោក ខូលីន ស្កុត និងបានបង្កើតនូវស្រាឈីវ៉ាស រីហ្គល ១៨ឆ្នាំ ប្រភេទ Old Gold Signature នៅក្នុងឆ្នាំ១៩៩៧ តាមរយៈការផ្សំរវាងស្រាល្អបំផុតជាង២០ប្រភេទ សុទ្ធសឹងជាស្រាវីស្គីដ៏ចំណាស់ដែលត្រូវបានយកចេញពីឃ្លាំង ស្ដុកដ៏ធំក្នុងប្រទេសស្កុតឡែនក្រោយពីរក្សាទុកអស់យ៉ាងតិច១៨ ឆ្នាំដើម្បីបង្កើតបានជាស្រាថ្មីមួយរសជាតិប្លែកស្រទន់ ត្រូវនឹងរសនិយមមនុស្សទូទៅ។
ពន្យល់ពីភាពខុសគ្នានៃប្រភេទស្រា ឈីវ៉ាស លោក បាន តារា ផ្នែកទីផ្សារប្រចាំក្រុមហ៊ុនស្រាឈីវ៉ាសនៅកម្ពុជាបានឲ្យដឹងថា ៖ «សម្រាប់ស្រាឈីវ៉ាស១៨ឆ្នាំខុសគ្នាពីស្រាឈីវ៉ាស១២ឆ្នាំ ត្រង់ថា ឈីវ៉ាស១៨ឆ្នាំមានរយៈពេលទុកហ្នឹងយូរជាង ហើយគុណភាពវិញគឺរិតតែល្អជាង ជាពិសេសក្លិនរបស់វាឈ្ងុយហើយមិនសូវឈួល រីឯពណ៌ស្រាវិញគឺមានពណ៌ក្រហមដិតជាងឈីវ៉ាស១២ឆ្នាំ»។
លោក បានបន្ថែមទៀតថា ក្នុងឆ្នាំថ្មីនេះការជាវស្រាឈីវ៉ាស១៨ឆ្នាំចំនួន៦០ដប ចំណុះ៧៥សង់ទីលីត្រ និងថែមជូនស្រាឈីវ៉ាស១៨ឆ្នាំចំណុះ៧៥សង់ទីលីត្រចំនួន២ ដប អ្នកចាប់ទឹកកកពីក្រុមហ៊ុនសេរីមង្គល១០នាក់ សេវាកម្មអ្នកពិនិត្យមើលស្ទីកគ័រសុវត្ថិភាពស្រាពីរនាក់ ការផ្តិតរូបដាក់ក្នុងស៊ុមកូរ៉េទំហំ៩០គុណនឹង១២០សង់ទីម៉ែត្រ ចំនួន២ផ្ទាំង និងការផ្តិតរូបថតឌីជីថល១ផ្ទាំងដាក់លើក្បាលដំណេកផងដែរ។ ជារៀងរាល់ខែក៏មានការចាប់ឆ្នោតស្វែងរកអ្នកឈ្នះចំនួន២គូ ដើម្បីទៅកម្សាន្តនៅប្រទេសសិង្ហបុរីចំនួន២យប់៣ថ្ងៃផងដែរ៕
