The Phnom Penh Post Search

Search form




Logo of Phnom Penh Post newspaper Phnom Penh Post - ថ្ងៃ​សុក្រ​ ទី១៣ ជា​ថ្ងៃ​ស៊យ?

ថ្ងៃ​សុក្រ​ ទី១៣ ជា​ថ្ងៃ​ស៊យ?

ប្រតិទិន​​បង្ហាញ​ពី​សុក្រ​ ទី​១៣ ដែល​គ្រិស្ដសាសនិកពីដើម​​ជឿ​ថា​ជា​ថ្ងៃ​ស៊យ​​បំផុត​។
ប្រតិទិន​​បង្ហាញ​ពី​សុក្រ​ ទី​១៣ ដែល​គ្រិស្ដសាសនិកពីដើម​​ជឿ​ថា​ជា​ថ្ងៃ​ស៊យ​​បំផុត​។

ថ្ងៃ​សុក្រ​ ទី១៣ ជា​ថ្ងៃ​ស៊យ?

អាមេរិក: ប្រតិទិន​ឆ្នាំ​២០១៥​នេះ បង្ហាញ​ថា មាន​ថ្ងៃ​សុក្រ ​ទី១៣ ​ចំនួន​៣​ដង​ឯ​ណោះ។ ដោយ​ឡែក​ខែ​កុម្ភៈ​នេះ​ក៏​មាន​ថ្ងៃ​សុក្រ​ ទី១៣ ផង​ដែរ។

បើ​តាម​ទម្លាប់​មនុស្ស​គ្រប់​រូប ​បាន​ដឹង​ថា ថ្ងៃ​សុក្រ​ ទី​១៣​ ​នៃ​ខែ​ណា​មួយ​នោះ ជា​ថ្ងៃ​ស៊យ​ នាំ​​គ្រោះ​​អាក្រក់​។ ចុះ​ហេតុ​អ្វី​បាន​ជា​ថ្ងៃ​នេះ​មិន​ល្អ?

មៃ​ឃើល បៃលី សាស្រ្តាចារ្យ​ប្រវត្តិសាស្រ្ត​នៅ​សាកល​វិទ្យាល័យ​អាយវ៉ា ឲ្យ​ដឹង​ថា៖ «ថ្ងៃ​សុក្រ​ជា​ថ្ងៃ​ព្រះ​យេស៊ូ ត្រូវ​គេ​យក​ទៅ​ចង​នឹង​ឈើ​ឆ្កាង»។

លោក​បាន​បន្ដ​ថា បើ​ជំនឿ​នៅ​យុគសម័យ​កណ្តាល​វិញ ពិធី​មង្គលការ​មិន​ត្រូវ​បាន​រៀបចំ​នៅ​ថ្ងៃ​សុក្រ​ឡើយ។ ដូច្នេះ​បាន​សម័យ​ក្រោយៗ​មក​នាំ​គ្នា​ចៀស​ប្រារព្ធ​ពិធី​នៅ​សុក្រ​នោះ។

ស្ទូត វីសេ សាស្ដ្រាចារ្យ​ផ្នែក​ចិត្ត​វិទ្យា​នៅ​សាកលវិទ្យាល័យ​ខុនណិកធីខាត់ ពន្យល់​ថា៖ «វា​ជា​ថ្ងៃ​ស៊យ​ដោយ​សារ​គេ​កំណត់​ជា​ថ្ងៃ​ពិឃាត​មនុស្ស»។

ចំណែក​រឿង​អបិយ​ជំនឿ​លើ​លេខ​១៣ ជា​លេខ​ស៊យ​ សាស្រ្តាចារ្យ​ចិត្ត​សាស្រ្ត​រូប​នេះ​បន្ត​ថា មនុស្ស​១៣​នាក់​អង្គុយ​រួម​តុ​តែ​មួយ​ក៏​ត្រូវ​បាន​ចាត់​ជា​ក្បួន​នាំ​គ្រោះ​ដែរ ដោយ​សារ​តែ Judas Iscariot ជា​សាវ័ក​ដែល​ក្បត់​នឹង​ព្រះយេស៊ូគ្រិស្ដ ត្រូវ​បាន​គេ​ជឿ​ថា ជា​ភ្ញៀវ​ទី១៣ នៅ​ក្នុង​ពិធី​ជួប​ជុំ​ទទួល​ទាន​អាហារ Last Supper៕ PR

អត្ថបទគួរចាប់អារម្មណ៍