The Phnom Penh Post Search

Search form




Logo of Phnom Penh Post newspaper Phnom Penh Post - ទារិកា​ភ្លោះ​ដ៏កម្រ​កាន់​ដៃ​គ្នា​ជាប់​ពេល​ប្រសូត​ពី​ផ្ទៃ​មាតា

ទារិកា​ភ្លោះ​ដ៏កម្រ​កាន់​ដៃ​គ្នា​ជាប់​ពេល​ប្រសូត​ពី​ផ្ទៃ​មាតា

ទារិកា ​ចេនណា​ និង ​ជីលៀន​ កាន់ដៃ​គ្នា​ពេល​ប្រសូត​ចេញ​ពី​ផ្ទៃ​ម្ដាយ​របស់​ពួកគេ។
ទារិកា ​ចេនណា​ និង ​ជីលៀន​ កាន់ដៃ​គ្នា​ពេល​ប្រសូត​ចេញ​ពី​ផ្ទៃ​ម្ដាយ​របស់​ពួកគេ។

ទារិកា​ភ្លោះ​ដ៏កម្រ​កាន់​ដៃ​គ្នា​ជាប់​ពេល​ប្រសូត​ពី​ផ្ទៃ​មាតា

ក្រុងអ័ករ៉ុនៈ ទារិកា​ភ្លោះ​ដ៏កម្រ​បាន​កាន់​ដៃ​គ្នា​ជាប់​ខណៈ​ពេល​ប្រសូត​ចេញ​ពី​ផ្ទៃ ម្តាយ​នៅ​រដ្ឋ​អូហៃយ៉ូ សហរដ្ឋអាមេរិក​នៅ​ថ្ងៃ​អាទិត្យ​កន្លង​ទៅ​នេះ​ចំ​ថ្ងៃ​បុណ្យ​អ្នកម្តាយ​តែ ម្ដង។

ស្រ្តី​ជា​ម្ដាយ​វ័យ​៣២​ឆ្នាំ​ឈ្មោះ សារ៉ាធីសលេតវៃត៍ បាន​និយាយ​ថា៖ «កូន​ខ្ញុំ​កើត​មក​កាន់​ដៃ​គ្នា​យ៉ាង​ស្អិតល្មួត​។ វា​ពិតជា​អស្ចារ្យ​ខ្លាំង​ណាស់»។

ទារិកា​ភ្លោះ​មួយ​គូ​នេះ​ដូច​គ្នា​បេះបិទ ហើយ​ពេល​នៅក្នុង​ផ្ទៃ​ពួកគេ​ស្ថិត​នៅក្នុង​ស្រោម និង​បឺត​ជីវជាតិ​ពី​សុក​តែ​មួយ។ កូនភ្លោះ​ប្រភេទ​នេះ​ពិតជា​កម្រ​ណាស់ ពោល​គឺ​អត្រា​កំណើត​ប្រមាណ​១​ក្នុង​ចំណោម​ការ​ពពោះ​១​ម៉ឺន​នាក់។ ការ​ពពោះ​កូនភ្លោះ​ប្រភេទ​នេះ​ក៏​ប្រឈម​នឹង​គ្រោះថ្នាក់​ខ្ពស់​ដែរ។ ដោយឡែក​ទារិកា​ភ្លោះ​ខាង​លើ​បាន​កាន់ដៃ​គ្នា​ចេញ​ពី​ផ្ទៃ​មាតា​ដោយ សុវត្ថិភាព​នៅ​មន្ទីរពេទ្យ​ក្រុង​អ័ករ៉ុន​។

ទារិកា​ទី​មួយ​ឈ្មោះ ចេនណា មាន​ទម្ងន់​១,៨៧​គីឡូក្រាម​មាន​ប្រវែង​៤៣​សង់ទីម៉ែត្រ រីឯ​ទារិកា​ទី​ពីរ​ឈ្មោះ​ជីលៀន កើត​ក្រោយ​គ្នា​៤៨​វិនាទី​មាន​ទម្ងន់​១,៧​គីឡូក្រាម និង​មាន​ប្រវែង​៤៤,៤៥ សង់ទីម៉ែត្រ៕

អត្ថបទគួរចាប់អារម្មណ៍