The Phnom Penh Post Search

Search form




Logo of Phnom Penh Post newspaper Phnom Penh Post - ទិវា​ជិះ​រថភ្លើង​ក្រោម​ដី​គ្មាន​ខោ​វិល​វិញ​ជា​ថ្មី​ ជាមួយ​ប្រជាប្រិយភាព​កាន់​តែ​ខ្ពស់​

ទិវា​ជិះ​រថភ្លើង​ក្រោម​ដី​គ្មាន​ខោ​វិល​វិញ​ជា​ថ្មី​ ជាមួយ​ប្រជាប្រិយភាព​កាន់​តែ​ខ្ពស់​

Content image - Phnom Penh Post
អ្នកចូលរួម​ទិវា​ជិះ​រថភ្លើង​ក្រោម​ដី​គ្មាន​ខោវែង​បំណង​បង្កើន​ភាពរីករាយ​។ រូបថត AFP

ទិវា​ជិះ​រថភ្លើង​ក្រោម​ដី​គ្មាន​ខោ​វិល​វិញ​ជា​ថ្មី​ ជាមួយ​ប្រជាប្រិយភាព​កាន់​តែ​ខ្ពស់​

ក្រុង​ញូវយ៉ក៖ ចាប់​ពី​ប៊ែរឡាំង​ ដល់​បូស្ដុន មែលប៊ន ដល់​ម៉ុងរ៉េអាល់ ពិភព​លោក​​​នៅ​សល់​តែ​ខោ​ទ្រនាប់​នា​ថ្ងៃ​អាទិត្យ​សម្រាប់​ព្រឹត្ដិការណ៍​ជិះ​រថភ្លើង​ក្រោម​ដី​គ្មាន​ខោ​ប្រចាំ​ឆ្នាំ​​​ទី ១៩។

ការ​លេង​សើច​ដ៏​ពេញ​និយម​​​ ដែល​​ចាប់​ផ្ដើម​ពី​ទីក្រុង​ញូវយ៉ក​ដោយ​ក្រុម​មិត្ដភក្ដិ​ ៧ នាក់ ​នៃ​ក្រុម​សិល្បៈ Improv Everywhere បាន​កើន​ប្រជាប្រិយភាព​ឥត​ឈប់​ឈរ​ដល់​ឆាក​អន្ដរជាតិ​ ដោយ​ទីក្រុង​យ៉ាង​តិច ១៩ បាន​ប្រារឰ​ពិធី​នេះ​។

តាម​វេបសាយ Improv Everywhere ​​បង្ហាញ​ថា​៖ «​គំនិត​ផ្ដួចផ្ដើម​ក្នុង​ការ​ប្រារឰ​ពិធី​នេះ​ពិត​ជា​សាមញ្ញ​ ដោយ​អ្នក​ដំណើរ​​​ជិះ​រថភ្លើង​ក្រោម​ដី​នៅ​ពាក់​កណ្ដាល​រដូវ​រងា​​​អត់​ស្លៀក​ខោ​វែង​។ អ្នក​ចូលរួម​ធ្វើ​ខ្លួន​ដូចជា​ពួក​គេ​អត់​ស្គាល់​គ្នា​ ហើយ​ពួក​គេ​សុទ្ធ​តែ​ពាក់​​អាវ​រងា​ មួក កន្សែង​រុំ និង​ស្រោម​ដៃ​។ អ្វី​ដែល​ខុស​ទំនង​នោះ ​គឺ​ពួក​គេ​អត់​ស្លៀក​ខោ​ ឬ​សំពត់​វែង​ឡើយ​»។

Improv Everywhere ជា​បណ្ដុំ​សកម្មភាព​លេង​សើច​មូលដ្ឋាន​នៅ​​ក្រុង​ញូវយ៉ក តែងតែ​បង្កើត​សកម្មភាព​ចលាចល​ និង​លេង​សើច​នៅ​តាម​ទី​សាធារណៈ​។ ​​ពួក​គេ​មាន​​បំណង​តែ ​២ គត់ ​គឺ​ធ្វើ​ឲ្យ​អ្នក​សើច​ និង​រីករាយ​។

ស្ថាបនិក​ Charlie Todd បាន​ហៅ​ពិធី​បុណ្យ No Pants Subway Ride ជា​ឱកាស​ដ៏​ឆ្កួត​លេលា​។ ក្រុម​អ្នក​ចូលរួម​ត្រូវ​បាន​ស្នើ​ឲ្យ​ជួប​ជុំ​គ្នា​នៅ Foley Square សង្កាត់​មហាតាន់ វេលា​ម៉ោង ៣ រសៀល​ រួច​ធ្វើ​ដំណើរ​ទៅ​កាន់ Union Square នៅ​ម៉ោង ៤ រសៀល​។ បន្ទាប់​មក ​​ជប់​លៀង​នៅ​បារ៍​ទី ១៣ ដែល​ជា​ឱកាស​លេង​សប្បាយ​គគ្រឹក​គគ្រេង​។

Mother Nature ហាក់​​​ផ្ដល់​អំណោយ​​ផល​នា​​​ឆ្នាំ​នេះ​ជាមួយ​អាកាសធាតុ​ខ្មៅ​ល្មម​។ ​​កុំ​ច្រឡំ​ព្រឹត្ដិការណ៍​នេះ​ និង​ទិវា​គ្មាន​ខោ​វែង​ ​ខែ​ឧសភា​​៕ AFP/HR

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។