The Phnom Penh Post Search

Search form




Logo of Phnom Penh Post newspaper Phnom Penh Post - ទីផ្សារ​បុប្ផា​នៅលើ​ចាន​អាហារ​ និង​បង្អែម​នៅ​ទុយនីស៊ី​ កំពុង​តែរីក​ស្គុស​ស្គាយ​អំឡុង​ពេល​វិបត្ដិ​កូវីដ​




ទីផ្សារ​បុប្ផា​នៅលើ​ចាន​អាហារ​ និង​បង្អែម​នៅ​ទុយនីស៊ី​ កំពុង​តែរីក​ស្គុស​ស្គាយ​អំឡុង​ពេល​វិបត្ដិ​កូវីដ​

Content image - Phnom Penh Post
អ្នកស្រី សូនីញ៉ា អប៊ីឌី ជា​អ្នក​កាសែត​អាយុ ៤២​ឆ្នាំ មានចំណូលចិត្ត​ដាំ​ផ្កា​សម្រាប់ទទួលទាន។ AFP

ទីផ្សារ​បុប្ផា​នៅលើ​ចាន​អាហារ​ និង​បង្អែម​នៅ​ទុយនីស៊ី​ កំពុង​តែរីក​ស្គុស​ស្គាយ​អំឡុង​ពេល​វិបត្ដិ​កូវីដ​

ក្រុង​ទុយនីស៖ សហគ្រិន​ទុយនីស៊ី​ម្នាក់​បាន​ដាំ​ផ្កា​សម្រាប់​ជា​អាហារបាន​និយាយថា ខ្លួន​មាន​ការ​ភ្ញាក់​ផ្អើល​ចំពោះ​អាហារ​ផ្កា​ដែល​ដាំ​នៅ​ចម្ការ​ឯ​ផ្ទះ​នៅ​ប្រទេស​អា​ហ្វ្រិក​​ខាង​ជើង​នេះ និង​រំពឹង​បាន​ឃើញ​ផ្ការីក​​​ចេញ​ជា «​វប្បធម៌​​ម្ហូប​បែប​ថ្មី»។

អ្នកស្រី សូនីញ៉ា អប៊ីឌី ជា​អ្នក​កាសែត​អាយុ ៤២​ ឆ្នាំ បាន​ងាក​មក​បង្កើត​ដំណាំ​​សរីរាង្គ​តិចតួច តែ​ជា​ផលិត «​ចេញ​ពី​សេចក្ដី​ស្រឡាញ់» ដ៏​មាន​តម្រូវការ​ខ្ពស់។

ក្នុង​ចំណោម​ផ្កា​ដែលអ្នក​ស្រី​ដាំ​ មាន​ប្រភេទ ផ្កាបូរ៉ាក ជា​ផ្កា​រូប​​ដួង​តារាពណ៌​ខៀវ​ ដែល​មាន​រសជាតិ​ស្រដៀង​ត្រសក់ ផ្កាឈីវ ពណ៌ស្វាយ​រសជាតិ​ប្រហាក់​ប្រហែល​ខ្ទឹម​បារាំង និង​​ផ្កា​ណាស្ទើធុម ដែលមាន​ពណ៌ចាប់​ពី​​លឿង​ខ្ចី​រហូត​ដល់​ទឹក​ក្រូច​ ជាមួយ​រសជាតិ​ដូច​ឆៃថាវ។

ក្រោយ​​នាំ​ចួល​ពូជ​ផ្កា​ចម្រុះ ៤២​ ប្រភេទ ​​ពី​ប្រទេស​បារាំង អ្នកស្រី អុីប៊ីឌី ចាប់​ផ្ដើម​ដាំ​ពូជ​មួយ​ចំនួន។ អ្នកស្រីបាន​និយាយ​ទាំង​មោទន​ថា​៖ «​ខ្ញុំ​ធ្វើ​អ្វី​ដែល​ខ្ញុំ​ស្រឡាញ់​ចូលចិត្ដ​ ដែល​បង្កើត​ភាព​ស្រស់​ស្អាត និង​ចម្រុះ​ពណ៌​»។

Content image - Phnom Penh Post
ចុងភៅ​នៅ​ហាង​លំដាប់ខ្ពស់ រៀបចំ​អាហារ​​ផ្សំពី​ផ្កា​ចម្រុះពណ៌។ AFP

អ្នកស្រី​និយាយថា អ្នកស្រី​សង្ឃឹម​ថា ផ្កា​ទាំង​នេះ​នឹង​បង្កើត​ជា ​«​វប្បធម៌​ម្ហូប​ថ្មី​សម្រាប់​ប្រទេស​»។ ផ្កា​ស្រស់​ៗ​ ដែ​លអាច​ប្រើ​សម្រាប់​ជា​គ្រឿង​ផ្សំ​អាហារ​ចាប់​ពី​ស៊ុប​រហូត​ដល់​ញាំ​ ព្រម​ទាំង​ទឹកតែ​ សុទ្ធតែ​ជា​របក​គំហើញ​ថ្មី។

ក្នុង​សណ្ឋាគារ​ប្រណីត​មួយ​នៅ Gammarth ជាយ​ក្រុង​ទុយនីស មេចុងភៅ បាសេម ប៊ីហ្ស៊ិដ បាន​ប្រើ​ផ្កា​ណាស្ទើធុម ជាល្បាយ​ក្នុង​ម្ហូប​ត្រី​បំពង​នំប៉ុ័ង​ក្រៀម​ និង​ជាល្បើយ​មុខ​ម្ហូប​ដទៃ​ជាមួយ​ញាំ​ស្លឹក​ផ្កា ឬ​គ្រឿង​តុបតែង​លើ​ការ៉េម​ដោយ​ប្រើ​ផ្កា​ពណ៌​ស្វាយ។

លោក​និយាយ​ថា​៖ «​អតិថិជន​ពិត​ជា​ពេញ​ចិត្ដ​ចំពោះ​របក​គំហើញ​ថ្មី​នេះ​»។

Content image - Phnom Penh Post
​ផ្កា​ចម្រុះពណ៌ សុទ្ធសឹង​តែ​អាចចម្អិន នឹង​ធ្វើជា​គ្រឿងផ្សំ​សម្រាប់ទទួលទាន​យ៉ាង​ឆ្ងាញ់ពិសា។ AFP

មេចុងភៅ​សណ្ឋាគារ ជនជាតិ​អុីតាលី អាឡេសសាន់​ដ្រូ ហ្វុងតាណេស៊ី បាន​និយាយ​ថា អំឡុង​ពេល​វិបត្ដិ​កូរ៉ូណា​សកល ផ្កា​មាន​អត្ថ​ប្រយោជន៍​លើសពី​ការ​បញ្ចេញ​សម្រស់​ ជាមួយ​គ្រឿង​តុបតែង​ថ្មី និងបង្កើន​​រសជាតិ​អាហារ​ផង​ដែរ។

អ្នកស្រីបច្ចុប្បន្នបានបង់​ប្រាក់​ជូន​រដ្ឋ​ប្រមាណ ៥២០​ ដុល្លារ​ ក្នុង​មួយ​ឆ្នាំ​ ដើម្បី​ជួល​ដី ៥ ​ហិកតា។

អ្នកស្រី​និយាយ​ថា​៖ «​ផ្កា​របស់​ខ្ញុំ​បាន​ក្លាយជា​ពិភព​ថ្មី​របស់​ខ្ញុំ។ ខ្ញុំ​នឹង​ខិត​ខំ​ប្រឹង​ប្រែង​សម្រាប់​គម្រោង​នេះ​»៕ AFP/HR

Content image - Phnom Penh Post
អ្នកស្រី សូនីញ៉ា អប៊ីឌី ជា​អ្នក​កាសែត​អាយុ ៤២​ឆ្នាំ មានចំណូលចិត្ត​ដាំ​ផ្កា​សម្រាប់ទទួលទាន។ AFP

អត្ថបទគួរចាប់អារម្មណ៍