The Phnom Penh Post Search

Search form




Logo of Phnom Penh Post newspaper Phnom Penh Post - ទឹម រដ្ឋា បដិសេធ​រឿង​ក្លាយ​ជា​ថៅ​កែស្រី​ហាង​ប្រេស៊ីល​




ទឹម រដ្ឋា បដិសេធ​រឿង​ក្លាយ​ជា​ថៅ​កែស្រី​ហាង​ប្រេស៊ីល​

Content image - Phnom Penh Post
សារ​អរគុណ​ភ្ញៀវ​អ្នក​សិល្បៈ​ដែល​មក​ហាងសាំបា​។ ហ្វេសប៊ុក

ទឹម រដ្ឋា បដិសេធ​រឿង​ក្លាយ​ជា​ថៅ​កែស្រី​ហាង​ប្រេស៊ីល​

ភ្នំពេញៈ ពាក្យ​ចចាម​អារ៉ាម​លេច​ចេញ​ពី​ភាព​ស្និទ្ធស្នាល​របស់​តារា​សម្តែងស្រី ទឹម រដ្ឋា ជាមួយ​នឹង​បុរស​ប្រេស៊ីល​ថៅកែ​ហាង​សាំបា នៅ​តែជា​ប្រធាន​បទ​មួយ​ដ៏​ក្តៅ​គគុកថា នាង​កំពុង​តែ​បង្កាត់ភ្លើង​ស្នេហ៍​ជា​មួយ​កន្លង់​បរ​ទេស​នោះ។

រឹតតែបង្ក​ឲ្យ​មានការ​សង្ស័យ​ពី​ចំណង​ស្នេហ៍​ឆ្លង​ទ្វីប​ដ៏​​អាថ៌កំបាំង​នេះ កាលពីចុង​សប្ដាហ៍​ស្រីស្រស់​​ចាយរាង ទឹម រដ្ឋា ថែម​ទាំង​បាន​អញ្ជើញ​មិត្តភក្ដិ​សិល្បៈ​​ជាច្រើន​គ្រប់ជំនាន់​ទៅ​ជប់​លៀង​អបអរ​ការ​បើក​ហាង​ថ្មីសាំបា អេលីត​ នៅម្ដុំទួល​គោក ហាក់បីដូច​ជា​នាង​ជា​ថៅកែ​ស្រី​អ៊ីចឹង។​

ប៉ុន្តែ​នាង​នៅ​​តែ​អះអាង​ថា បេះ​ដូង​នាង​នៅ​ទំនេរ​ស្អាត ហើយ​មិនមាន​ពាក់ព័ន្ធ​នឹងការ​បើកភោជនីយ​ដ្ឋាន​លំដាប់​ខ្ពស់​មួយនោះ​ឡើយ។

មួយ​រយៈ​ចុង​ក្រោយ​នេះ តារា​សម្ដែង​ស្រី​ ទឹម រដ្ឋា ​តែងតែ​រង​នូវ​ពាក្យ​ខ្សឹប​ខ្សៀវ​ពី​រឿង​ស្នេហា​​ជា​រឿយៗ ក្រោយពី​នាង​បាន​ប្រកាស​ចែក​ផ្លូវ​ពី​បុរស​ប៉ាគីស្ថាន​ឈ្មោះ​​ ហ្សាក់គី ក្រោម​ហេតុផល​ប្រចណ្ឌ​មិន​ចុះសម្រុងគ្នា ទោះអតីត​ស្នេហ៍​ឆ្លង​ទ្វីប​នោះ​ត្រូវ​បានម្ដាយ​ខាង​ប្រុស​ឯនាយ​សមុទ្រ​គាំទ្រ​​ក្ដី។

ក្រោយ​ពី​ផ្ដាច់​ចំណង​ស្នេហ៍​​បេះដូង​នៅ​ទំនេរ តារា​ស្រីឆ្វាក់​កន្លង់​បរទេស​​រូប​នេះ​ស្រាប់តែ​រង​នូវពាក្យចចាម​អារ៉ាម​ថា​ នាង​រក​ឃើញ​ម្ចាស់​បេះដូង​ថ្មីជា​បុរស​ប្រេស៊ីល ដោយសារ​តែ​នាង​ឧស្សាហ៍​លេច​មុខ​ចេញ​ចូល​ភោជនីយដ្ឋាន​បុរស​នោះ​ជា​ញឹកញយ។

មុននោះ​ក៏មាន​ប្រភព​ជិត​ដិត​ទម្លាយ​ឲ្យ​ដឹង​ថា ​ទឹម ​រដ្ឋា៖ ​«បានជួប​ស្នេ​ហ៍​ពិត​ជា​បុរស​បរទេស​ទៀត ហើយក៏​នាំគ្នាទៅ​សាង​អនុស្សាវ​រីយ៍​​ នៃ​​ដំណើរ​កម្សាន្ដ​ប្រទេស​ម៉ាឡេ​ស៊ី​​មួយ​ស​ប្តាហ៍​ជា​មួយ​​នឹង​គ្នា»។

សូម្បីតែ​នៅ​ក្នុងអ៊ីន​ស្តាក្រាម​របស់​នាង​ ទឹម រដ្ឋា ក៏​មាន​រូបថត​អង្គុយញ៉ាំ​អាហារ​យ៉ាង​រីក​រាយ​ជាមួយ​បុរស​បរទេស​ដែល​​គេល្បី​ជាម្ចាស់​ស្នេហ៍​ថ្មី​របស់​នាង​​ អម​នឹង​សារថា៖ «អរគុណ​សំណព្វ​ចិត្ត​ស​ម្រា​ប់​​ថ្ងៃសុក្រ​ដ៏មានន័​យ»។

ជាងនេះ​ទៅទៀត រូបភាព​ជួបជុំ​អ្នកសិល្បៈ​ដែល​នាង​អញ្ជើញ​​ទៅ​ជប់លៀង​សម្ពោធ​ហាង​សាំបា អេលីត នោះ​រឹត​តែ​ធ្វើ​ឲ្យគេសង្ស័យថា តើ​នាង​ជា​ថៅកែ​ស្រី​ប្រចាំ​ហាង​ឬ​បាន​ជា​នាង​និយាយ​អរគុណ​ភ្ញៀវ​គ្រប់ៗ​គ្នា​មកចូលរួមនោះ​?

ថ្លែង​ប្រាប់ ​ភ្នំពេញ ប៉ុស្ដិ៍​ ល្ងាច​ម្សិលមិញ​នេះ កញ្ញា ទឹម​រដ្ឋា បាន​បដិសេធ​យ៉ាង​ញាប់​ថា៖ «ចាស ខ្ញុំ​ហ្នឹង​បើកហាង​ស្រាថ្មី​ហ្អ​?​ ទេ!ទេ!បង!មិន​មែន​​ទេ! នោះ​គឺជា​ហាង​របស់​លោកសាំបា ទេតើ! ប្រហែល​​ជា​មានការ​យល់​ច្រឡំ​ហើយ! រូប​ថត​ជួប​ជុំ​គ្នា​រវាង​មិត្ត​ភក្តិសិល្បករ​សិល្បការិនី​ជា​ច្រើន​នោះ ​គឺ​ការ​ចូល​រួមជប់លៀង​ ​Soft Opening ​(ការ​​បើក​សម្ពោធ) ធម្មតា​ប៉ុណ្ណោះ»។

តារាសម្ដែង​​ល្បី​ឆ្វាក់​​កន្លង់​បរទេស​រូបនេះ​​ប្រកែក​ថា៖ «អ្វី​ទៀត​ហើយ​! ខាងណា​គេ​ថា​ខ្ញុំមានស្នេហ៍​ទៀត​ហើយ? ខ្ញុំ​ដូច​ជា​នឿយ​ណាយមែន​នឹង​ស្នេហា​ហ្នឹងណាស់​»៕

អត្ថបទគួរចាប់អារម្មណ៍