The Phnom Penh Post Search

Search form

ទូរទស្សន៍​ប្រហុក ផលិត​រឿង​ភាគខ្លី Caffe Latte

Content image - Phnom Penh Post
ក្រុម​ការងារ​ផលិត​ខ្សែ​ភាពយន្ដ​ខ្លីរឿង Cafe Latte រយៈពេល ១០ នាទី​ដែល​មាន​ចំនួន ៣០ ភាគ។ ផា លីណា

ទូរទស្សន៍​ប្រហុក ផលិត​រឿង​ភាគខ្លី Caffe Latte

ភ្នំពេញ: ក្នុង​រយៈពេល​ប្រាំ​មួយខែ​នេះ ទូរទស្សន៍​ប្រហុក តាម Youtube បាន​ផលិត​ខ្សែ​ភាពយន្តខ្លី​រយៈពេល ១០ នាទី សរុប​ទាំងអស់​សាមសិប​ភាគ ដើម្បី​បម្រើ​ទស្សនីយភាព​ដល់​ប្រជាជន​កម្ពុជា​នៅ​ដើមខែ​កុម្ភៈនេះ។

កាលពី​ពាក់កណ្តាល​ឆ្នាំ ២០១៦ ក្រុមអ្នក​ផលិត​ទូរទស្សន៍​ដែលមាន​ឈ្មោះថា «ទូរទស្សន៍​ប្រហុក» បាន​បង្កើត​ខ្សែភាពយន្ត​ខ្លី​កំប្លែង​រួមផ្សំ​នឹង​ការអប់រំ​អំពី​បញ្ហា​ទាក់ទង​នឹងបញ្ហា​សង្គម​ទូទៅ ដែល​កម្មវិធី​ទូរទស្សន៍​មិនដែល​បាន​ផលិត​ពីមុនៗ​មក។

អ្នកនិពន្ធ​ក៏ដូចជា​អ្នកសរសេរ​សាច់រឿងខ្លី​លោក សុខ ហេង បាន​បង្ហើបឲ្យ​ដឹងថា៖ «កម្មវិធី​ទូរទស្សន៍​ខ្មែរ​ភាគច្រើន​មិនបាន​គិតពី​គុណភាព​ភាពយន្ត​ឡើយ «គុណភាព​ស្តង់ដារ​នៃ​គំនិត និង​ដំណើរការ​ផលិតកម្ម​នៃការផលិត​ខ្សែភាពយន្ត​ខ្លីគួរតែ​ផ្តល់​គុណភាព និង​តម្លៃដល់​ទស្សនិកជន​ដែលជា​អ្នកគាំទ្រ»។

ក្នុងវគ្គ​ចាប់ផ្តើម​ដំបូង​នៃ​សាច់រឿង អ្នកនិពន្ធ​បានបង្ហាញ​ពី​បុគ្គលិក​លក្ខណៈ​តួអង្គ​ម្ចាស់​ហាង​កាហ្វេ​ក្នុង​អារម្មណ៍​សប្បាយរីករាយ ហើយអ្នក​បញ្ចូល​សំឡេង​បាន​រៀបរាប់ពី «អ្វី​ទៅជា​កាហ្វេ? តើ​កាហ្វេមាន​ប៉ុន្មាន​ប្រភេទ? តើប្រទេស​ណា​ដែល​ផលិតកាហ្វេ​ដែលមាន​គុណភាព? អ្នក​គួរតែ​សាកល្បង​ប្រភេទ​កាហ្វេ​ដែលអ្នក​មិនធ្លាប់​បានសាក»។

ប៉ុន្តែ​កាហ្វេ​មិនមែនជា​ប្រធានបទ​សម្រាប់​ខ្សែភាពយន្ត​ភាគ​ខ្លីនេះ​ទេ។ គ្រប់វគ្គ​ទាំងអស់​តែងមាន​ឈុតឆាក​នៅក្នុង​ហាង​កាហ្វេ​ពីដើម​ដល់ចប់។ លោកហេង​បាន​បង្ហើប​ឲ្យ​ដឹងថា៖ «ខ្ញុំ​មិនចេះ​ញ៉ាំ​កាហ្វេ ប៉ុន្តែ​ខ្ញុំព្យាយាម​បង្កើត​អត្ថន័យ​នៃហាង​កាហ្វេ​ដែលជា​កន្លែង​បណ្តុំ​នៃព័ត៌មាន»។

នៅក្នុង​សាច់រឿង ម្ចាស់​ហាង ដែល​នៅក្នុង​ហាងកាហ្វេ​ជាប្រចាំ បាន​ចូលរួម​សម្តែង​ដោយ​លោក ប៊ឺរី ប៊ឺរី ធ្វើ​តួអង្គ​ទេវតា ដែលមាន​មហិទ្ធិឫទ្ធិ​ហើយ​បាន​សម្រេចចិត្ត​ចុះមក​ឋាន​មនុស្ស​លោក ក្នុងការ​ដោះស្រាយ​បញ្ហា​បុគ្គលម្នាក់ៗ​ដោយ​ផ្តល់នូវ​កាហ្វេ​សំណាង​របស់​លោក។

សាច់រឿង​ខ្លីនេះ​មានការ​បញ្ចូល​នូវឈុត​វេទមន្ត សន្ទនា បទ​ភ្លេង បញ្ហា​ជាក់ស្តែង ហើយក្នុង​អត្ថន័យ​នៃឈុត​នីមួយៗ​បង្កប់​នូវ​គំនិត​នៃការ​ស្គាល់​ពីបុគ្គល​ខ្លួនឯង បន្ថយភាព​លោភលន់ ការបើក​ចិត្តឲ្យ​ទូលាយ អធ្យាស្រ័យ​គ្នា និង​សីលធម៌​នៅក្នុង​សង្គម។

ខ្សែភាព​យន្តខ្លី​ទាំង ៣០ ភាគនេះ​ត្រូវបាន​ចូលរួម​ផលិត​ដោយ​មនុស្ស ៧ នាក់ ដែល​មិនមែនជា​ផលិតករ អ្នក​សរសេរ ឬអ្នក​សម្តែង​ដែលល្បីៗ​នោះទេ តែ​លោក ហេង បញ្ជាក់ថា៖ «ពួកយើង​មាន​ឆន្ទៈក្នុង​ការចូលរួម​ផលិត​ខ្សែភាពយន្ត​ដែលមាន​ស្តង់ដារ​គុណភាព និងជា​គំរូ​ក្នុងការ​កែប្រែ​វិស័យ​ភាពយន្ត​ក្នុងប្រទេស​កម្ពុជា»។

ខ្សែភាពយន្ត​ខ្លីរឿង Caffe Latte គ្រោងនឹង​ផ្សាយតាម Youtube រៀង រាល់ថ្ងៃ​ព្រហស្បតិ៍ និងថ្ងៃ​សុក្រ ដោយ​ចាប់ផ្តើម​នៅ​ដើមខែ​កុម្ភៈ៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។