The Phnom Penh Post Search

Search form




Logo of Phnom Penh Post newspaper Phnom Penh Post - ទេពធីតា​ងប់​ស្រឡាញ់​ចៅ​គីង្គក់​ក៏​ព្រោះ​ជំនាញ​លើ​គ្រែ

ទេពធីតា​ងប់​ស្រឡាញ់​ចៅ​គីង្គក់​ក៏​ព្រោះ​ជំនាញ​លើ​គ្រែ

គូស្វាមីភរិយា​ទេពធីតា និង​ចៅ​គីង្គក់​​​បង្ហាញ​ភាព​ផ្អែម​ល្ហែម​ និង​ក្ដី​ស្រឡាញ់​ដោយ​មិន​ប្រកាន់​រូប​រាង​។
គូស្វាមីភរិយា​ទេពធីតា និង​ចៅ​គីង្គក់​​​បង្ហាញ​ភាព​ផ្អែម​ល្ហែម​ និង​ក្ដី​ស្រឡាញ់​ដោយ​មិន​ប្រកាន់​រូប​រាង​។

ទេពធីតា​ងប់​ស្រឡាញ់​ចៅ​គីង្គក់​ក៏​ព្រោះ​ជំនាញ​លើ​គ្រែ

ក្រុង​ឈីកាហ្គោ: គិត​ទៅ​​ ស្នេហា​ពិត​ជា​មិន​ប្រកាន់​វណ្ណៈ​ពណ៌​សម្បុរ​ និង​រូប​សម្រស់​អ្វី​ឡើយ។ ​ស្រ្តី​នៅ​រដ្ឋ​អារីហ្សូណា នាង មីនឌី គ្នីស បាន​សម្រេច​ចិត្ត​ជ្រើស​យក​បុរស​ខុស​ខ្នាត សន ស្តេហ្វិន​សុន ​កម្ពស់​​​៨តឹក​ ​ដែល​មើល​ទៅ​មិន​សម​សួន​នឹង​រូប​ដ៏​សោភា​របស់​នាង​ឡើយ។ ប៉ុន្តែ​នាង​បែរ​និយាយ​ថា បុរស​តឿ​​ខ្នង​គម ជិះ​តែ​រទេះ​រុញ​ថា គាត់​ជា​បុរស​ពូកែ​រឿង​លើ​គ្រែ។

មីនឌី គ្នីស បាន​ប្រាប់ Barcroft Media ថា៖ «កុំ​ឃើញ​​គាត់​មិន​ពេញ​លក្ខណៈ ថា​ គាត់​គ្មាន​សមត្ថ​ភាព​ខាង​ផ្លូវ​​ភេទ​ឲ្យ​សោះ។ ​បច្ចេកទេស​របស់​​គាត់​ មនុស្ស​ធម្មតា​ខ្លះ​សូម​​ខ្មាស់»។

គួរ​បញ្ជាក់​ថា គូ​ស្នេហ៍​ចៅ​គីង្គក់ និង​ទេព​ធីតា​សួគ៌​នេះ បាន​​រាប់​អាន​គ្នា​ត្រឹម​តែ​​ជា​មិត្ត​កាល​ឆ្នាំ​២០០៩ ខណៈ​ភ្លើង​​ស្នេហ៍​ឆាប​ឆេះ​ខ្លាំង​បាន​ជំរុញ​​ឲ្យ​​ពួក​គេ​សម្រេច​ចិត្ត​រៀប​ការ​នៅ​ឆ្នាំ​២០១២ បន្ទាប់​ពី​​មីនឌី គ្នីស រើ​ផ្ទះ​មក​​នៅ​ក្រុង​ឈីកាហ្គោ ដើម្បី​បាន​រស់​ក្បែរ​ប្រុស​កំពូល​ស្នេហ៍​ចៅ​គីង្គក់​នោះ។

ទោះ​បី​មាន​ពាក្យ​ចចាម​អារ៉ាម​ និង​ពាក្យ​ដុត​រុកកួន​ថា ​មីនឌី គ្នីស ស្រឡាញ់​បុរស​ខុស​ខ្នាត​ក៏​ព្រោះ​តែ​ទ្រព្យ​សម្បត្តិ​​យ៉ាង​ណា​​ក៏​​ដោយ ​​ពួក​គេ​ហាក់​ដូច​ជា​មិន​ខ្វល់​នឹង​ពាក្យ​​ពេប​ជ្រាយ​ទាំង​នោះ​ឡើយ។​

នាង​​ថា៖ «និយាយ​ឲ្យ​​ស្មោះ​ត្រង់​​ទៅ ​ដំបូង​​​ខ្ញុំ​​​មិន​ស្រឡាញ់​​គាត់​​​មែន។ តែ​​ពេល​បាន​សាក​ល្បង​រួម​រស់​មួយ​រយៈ​​មក​ឃើញ​ថា គាត់​មាន​សមត្ថ​ភាព​លើ​គ្រែ​​មិន​​​ចាញ់​​បុរស​មាន​កាយ​សម្បទា​​ល្អ​នោះ​ឡើយ។ ទោះ​ជា​អ្នក​ណា​និយាយ​អ្វី​ពី​ស្វាមី​ខ្ញុំ​ចំពោះ​​រឿង​ផ្លូវ​ភេទ​យ៉ាង​ណាក្តី ក៏​ខ្ញុំ​មិន​​ខ្វល់​​ឡើយ។ គាត់​ជាគូ​ស្នេហ៍​អមតៈ​របស់​ខ្ញុំ​ហើយ!»។​

នាង មីឌី គ្នីស ពេល​រៀប​ការជាមួយនឹង​លោក​ សន ស្ដេហ្វិនសុន​។
នាង មីឌី គ្នីស ពេល​រៀប​ការជាមួយនឹង​លោក​ សន ស្ដេហ្វិនសុន​។

នាង​ងឿង​ឆ្ងល់​ដែរ​ថា ​តើ​ហេតុ​គាត់​មាន​ថាម​ពល​ពិសេស​ចម្លែក​ចំពោះ​រឿងលើ​គ្រែ​ខ្លាំង​ម្ល៉េះ​? សន ​ថា៖ «​ប្រហែល​ជា​ព្រះ​ប្រទាន​ថាមពល​សិច​​មក​​ខ្ញុំ​ក្នុង​សភាព​មាន​​រាង​កាយ​បែប​នេះ​​ហើយ​មើល​ទៅ»។ ​

​ភរិយា​វ័យ​៣៥​ឆ្នាំ​នោះ​ ​បាន​បញ្ជាក់​ថា៖ «បើ​និយាយ​រឿង​សិច​វិញ ពិត​ជា​មិន​អាច​កំណត់​បាន​​ឡើយ​សម្រាប់​សម្ព័ន្ធភាព​សិច​របស់​យើង។ ​ខ្ញុំ​​​មិន​សូវ​ខ្វាយ​ខ្វល់​រឿង​នេះទេ​​»។

បុរស​​ខុស​ខ្នាត​ចៅ​គីង្គក់​​នេះ​ត្រូវ​បាន​សារ​ព័ត៌មាន​ Barcroft Media បង្ហើប​ឲ្យ​ដឹង​ថា​កើត​​​​ជំងឺ​ពុក​ឆ្អឹង​​។​

កាល​​ពេល​ សន ​មាន​វ័យ​១៨​​ឆ្នាំ ​​គាត់​បាន​បាក់​​ឆ្អឹង​ជា​ច្រើន​បំណែក​ ​ដូច​ជា ​នៅ​ត្រង់​ ឆ្អឹង​ជើង ឆ្អឹងក​ដៃ ​​ដង​កាំបិត ក​ជើង​ ​ភ្លៅ និង​​ច្រមុះ​ជា​ដើម។ ​ ក្រុម​​គ្រូ​ពេទ្យ​បាន​ជួយ​ព្យាបាល​​ផ្នែក​នានា​នៃ​​ឆ្អឹង​រាង​កាយ​របស់​គេ​ភ្លាម​ដែរ​ដើម្បី​​ការ​ពារ​កុំ​ឲ្យ​រាល​ដាល ​ដូច​ជា​ ឆ្អឹង​លលាដ៍​ក្បាល ​ឆ្អឹង​កែង​​ជើង ​ឆ្អឹង​​ជង្គង់ ​ឆ្អឹង​​ភ្លៅ​ និង​​ឆ្អឹង​​ចង្កេះ។​

គូ​ស្នេហ៍​​មើល​មិន​សម​ភ្នែក​​​នេះ​បាន​​បន្ត​នូវ​ឆន្ទៈ និង​បង្កើត​ភាព​ស្និទ្ធស្នាល​ថែម​ទៀត​ដើម្បី​​ជម្នះ​នូវ​ពាក្យ​និន្ទា​នានា​។

មីនឌី គ្នីស បន្ថែម​ថា​៖​«ខ្ញុំ​គិត​ថា​ មនុស្ស​យើង​មិន​គួរ​គិត​ឲ្យ​តម្លៃ​មនុស្ស​​ត្រឹម​​សម្បក​ទេ។ ​​មនុស្ស​ពិការ​ក៏​មាន​សមត្ថ​ភាព​ផ្លូវ​ភេទ​ដូច​មនុស្ស​ធម្មតា​ដែរ​។ ​​ខ្ញុំ​សូម​ផ្តែ​ផ្តាំ​មនុស្ស​គ្រប់​រូប​ថា ​សុំ​​កុំ​​មានមោទ​ន​ភាព​ចំពោះ​រាង​កាយ​ខ្លួន​ឯង​​​ពេក​»៕​PR

អត្ថបទគួរចាប់អារម្មណ៍