The Phnom Penh Post Search

Search form




Logo of Phnom Penh Post newspaper Phnom Penh Post - ទោះបី​មាន​កូន ១ ក៏​ស្រីស្រស់ សិទ្ធី នីកា នៅ​តែ​មាន​រាង​ឃ្យូត




ទោះបី​មាន​កូន ១ ក៏​ស្រីស្រស់ សិទ្ធី នីកា នៅ​តែ​មាន​រាង​ឃ្យូត

Content image - Phnom Penh Post
តារាសម្តែង​​ស្រី​ សិទ្ធី នីកា នៅ​តែ​មាន​រូប​រាង​ឃ្យូតៗ​ទោះបីជាមាន​កូន ១​។ តារា​សម្តែង​ស្រី រាង​តូចច្រឡឹង សម្រស់​ស្រស់ ​ស្អាត​​អ្នកនាង សិទ្ធី នីកា​ ដែលជា​ក្មួយស្រី​តារា​សម្តែងជើងចាស់ ព្រំ រដ្ឋា​។ រូបថត ហ្វេសប៊ុក

ទោះបី​មាន​កូន ១ ក៏​ស្រីស្រស់ សិទ្ធី នីកា នៅ​តែ​មាន​រាង​ឃ្យូត

ភ្នំពេញ៖ ក្រោយ​ពី​បាន​សម្រាល​បុត្រា និង​វិល​ត្រឡប់​មក​កាន់​ពិភព​សម្តែង​សិល្បៈ​វិញ នា​រយៈពេល​ប៉ុន្មាន​ខែ​ចុង​ក្រោយ​នេះ មជ្ឈដ្ឋាន​មហាជន​រមែង​សង្កេត​ឃើញ​ថា តារា​ស្រី​ស្រស់ អ្នកនាង សិទ្ធី នីកា ដែល​ជា​ក្មួយ​ស្រី​អ្នកនាង ព្រំ រដ្ឋា ឧស្សាហ៍​បង្ហោះ​រូបថត​ឃ្យូតៗ​របស់​ខ្លួន​ដែល​បង្កើត​នូវ​ភាព​ភ្ញាក់​ផ្អើល​សាជាថ្មី។

សូម្បី​តែ​សាមី​ខ្លួន​ក៏​ហាក់​មាន​ភាព​ចម្លែក​ក្នុង​អារម្មណ៍​ផង​ដែរ សម្រាប់​ការ​បង្ហោះ​រូបថត​ឃ្យូតៗ​ទាំង​នោះ ដោយ​បាន​បង្ហើរ​សារ​បញ្ជាក់​ថា៖ «យើង​មាន​កូន​ក៏​ពិត​មែន តែ​ធ្វើ​ម៉េច​ទេ បើ mommy ចង់​នៅ cute ចឹង!»។ លើស​ពី​នេះ ក៏​មាន​សារ​បង្ហើរ​អារម្មណ៍​ចម្លែក សម្រាប់​រូបថត ២ ប៉ុស្តិ៍ នៅ​ក្នុង​ឈុត​ខោអាវ​ហាត់​ប្រាណ​ថា៖ «មក​ពី​ហាត់​ប្រាណ ស្តាយ​អាកាសធាតុ ក៏​ដាក់​មួយ​ប៉ុស្តិ៍​ពីរ​ប៉ុស្តិ៍​ទៅ យូរៗ​សុំ​បញ្ចេញ​សាច់​មួយ​ដង កុំ​ថា​អី លីកា ណា!»។

រំពេច​នោះ ក៏​មាន​អ្នក​ចូល​ទៅ​ចុច Like និង ​Comments បញ្ចេញ​មតិ​យ៉ាង​ច្រើន ដែល​បើ​តាម​មើល​ទៅ​ឃើញ​សុទ្ធតែ​ពាក្យ​សរសើរ​បង្ហាញ​ពី​ភាព​ភ្ញាក់​ផ្អើល សឹង​តែ​មាន​សំណេរ​ជាន់​ពាក្យ​គ្នា​ហូរហែ​តែ​ម្តង​បន្លឺ​ថា៖ «អ៊ូយ! រាង​ពិត​ជា​ស្អាត​ណាស់! ស្អាត​ម្ល៉េះ​ពៅ! រាង​ពិត​ជា​ស្អាត​ម្ល៉េះ​ចែ!» និង​សារ​សរសើរ​អំពី​រូបរាង​នោះ​ថា៖ «ទោះ​មាន​កូន ក៏​គួរ​ឱ្យ​ស្រឡាញ់។ Mummy cute ឡើង​សាឡប់​ម៉ង់! ស្រឡាញ់ និង​ចូលចិត្ត​បង ខ្លាំង​ណាស់!»។

គួរ​កត់​សម្គាល់​ផង​ដែរ​ថា ក្រោយ​ពី​បាន​បាត់​មុខ​មួយរយៈ​ចេញ​ពី​ពិភព​នៃ​សិល្បៈ គឺ​ដោយ​ត្រូវ​ទៅ​បំពេញ​កាតព្វកិច្ច​ជា​ឧត្តម​ភរិយា និង​មាតា​ដ៏​ល្អ​សម្រាល​បុត្រា ១ អង្គ​នៃ​ចំណង​ស្នេហ៍​ជាមួយ​ម្ចាស់​ចិត្ត ​គឺ​ព្រះអង្គ​ម្ចាស់​នរោត្តម ចារូច័ក្រ ដែល​ទ្រង់​ជា​បុត្រា​ព្រះអង្គ​ម្ចាស់​នរោត្តម ចក្រពង្ស នោះ តារា​ស្រី​ស្រស់ សិទ្ធី នីកា ក៏​លេច​នូវ​វត្តមាន​វិល​ត្រឡប់​មក​ប្រឡូក​ក្នុង​វិស័យ​សិល្បៈ​វិញ កាល​ពី​ចុង​ឆ្នាំ ២០២០ កន្លង​ទៅ​ថ្មីៗ​ដែរ តាមរយៈ​ការ​ថត​កុន​ភាគ​រឿង «ពណ៌​ជីវិត» របស់​ផលិតកម្ម​នៃ​ទូរទស្សន៍​ភីអិនអិន​សម្តែង​ជាមួយ​នឹង​តួឯក​ប្រុស​លោក ខាត់ វ៉ៃហាំង នា​ដើម​ឆ្នាំ ២០២១ នេះ។

តារា​សម្តែង​ស្រី សិទ្ធី នីកា ដែល​ជា​ក្មួយ​ស្រី​តារា​សម្តែង​ជើង​ចាស់​អ្នកនាង ព្រំ រដ្ឋា បាន​ឆក់​ឱកាស​គ្រង​តំណែង​តួឯក​ស្រី​ក្នុង​កុន​ភាគ​ថ្មី និង​ការ​ថត​ស្ប៉ត​ពាណិជ្ជកម្ម​ផលិតផល​សម្រស់​នានា អ្នកនាង សិទ្ធី នីកា ក៏​បាន​ធ្លាប់​បញ្ជាក់​ដែរ​ថា៖ «ពិតមែន​ហើយ​បង! នៅ​ពេល​នេះ​នាង​ខ្ញុំ បាន​វិល​មក​ប្រឡូក​ការងារ​សិល្បៈ​វិញ​ពេញ​ដៃ​ពេញ​ជើង​ហើយ។ ក្រៅ​ពី​នេះ​នាង​ខ្ញុំ​មាន​ការ​រវល់​ខ្លាំង​ផង​ដែរ ​ជាមួយ​នឹង​ការ​ថត​ស្ប៉ត​ផ្សព្វផ្សាយ​ផលិតផល​សម្រស់»។

តារា​សម្តែង​ស្រី​អ្នកនាង សិទ្ធី នីកា ទើប​តែ​បាន​សម្រាល​បុត្រា ១ អង្គ ព្រះនាម​នរោត្តម ពង្សចក្រី ហៅ Enzo ដែល​មាន​ព្រះជន្ម​ជាង ១ ខួប ហើយ​សម្រាប់​ចំណង​ស្នេហ៍​ជាមួយ​នឹង​ព្រះអង្គ​ម្ចាស់ ព្រះនាម នរោត្តម ចារូច័ក្រ៕

អត្ថបទគួរចាប់អារម្មណ៍