The Phnom Penh Post Search

Search form




Logo of Phnom Penh Post newspaper Phnom Penh Post - នារី​ប្រេស៊ីល​ទាមទារ​សិទ្ធិ​អត់​ពាក់​អាវ​ពេល​លេង​លើ​ឆ្នេរ

នារី​ប្រេស៊ីល​ទាមទារ​សិទ្ធិ​អត់​ពាក់​អាវ​ពេល​លេង​លើ​ឆ្នេរ

ក្រុម​នារី​ប្រេស៊ីល​ដែល​ចូលចិត្ដ​បញ្ចេញល្វែង​លើ​ពេល​កម្សាន្ដ​តាមឆ្នេរ​។ រូបថត AFP
ក្រុម​នារី​ប្រេស៊ីល​ដែល​ចូលចិត្ដ​បញ្ចេញល្វែង​លើ​ពេល​កម្សាន្ដ​តាមឆ្នេរ​។ រូបថត AFP

នារី​ប្រេស៊ីល​ទាមទារ​សិទ្ធិ​អត់​ពាក់​អាវ​ពេល​លេង​លើ​ឆ្នេរ

ក្រុង​រីយ៉ូឌឺហ្សេណេរ៉ូៈ នារី​ប្រេស៊ីល ក្នុង​ឈុត​ប៊ីគីនី​ចំហ​ល្វែង​លើ បាន​បើក​យុទ្ធនាការ​ប្រឆាំង​សម្រាប់​ការ​បិទ​សិទ្ធិ​សេរីភាព​ស្លៀក​ចំហ​ល្វែង​លើ​នៅ​តំបន់​ឆ្នេរ​ខ្សាច់​អ៊ីប៉ានេម៉ា​នៃ​ក្រុង​រីយ៉ូឌឺហ្សេណេរ៉ូ ប្រទេស​ប្រេស៊ីល​ពី​ថ្ងៃ​ទី​២០ ​ខែ​មករា​ កន្លង​មក។

រូប​ភាព​ក្រុម​នារី​សឹង​តែ​ស្លៀក​ខ្យល់​ដណ្ដប់​មេឃ​លើ​ឆ្នេរ​ខ្សាច់​នោះ​ បាន​ធ្វើ​ឲ្យ​មាន​ការ​ភ្ញាក់​ផ្អើល​យ៉ាង​ខ្លាំង។

តាំង​ពី​ឆ្នាំ​១៩៤០ ប្រេស៊ីល​បាន​អនុម័ត​ច្បាប់​លើ​សកម្មភាព​ក្រុម​នារី​អត់​ចេះ​ពាក់​អាវ​ថា​ ជា​បទ​ល្មើស​ច្បាប់ និង​អាច​ជាប់​គុក​ពី​បី​ខែ​ទៅ​មួយ​ឆ្នាំ​។

នារី​ជា​ច្រើន​ដែល​ចូលចិត្ដ​ប្រលែង​ល្វែង​លើ ពេល​កម្សាន្ដ​លើ​ឆ្នេរ​រីយ៉ូឌឺហ្សេណេរ៉ូ បាន​ទាម​ទារ​សិទ្ធិ​អត់​ពាក់​អាវ​លើ​ឆ្នេរ​ ឯប្រទេស​ប្រេស៊ីល​ដែល​បច្ចុប្បន្ន​ត្រូវ​បាន​ចាត់​ទុក​ជា​ទង្វើ​អាក្រាត​ និង​អាច​ជាប់​គុក​ដល់​១ឆ្នាំ។

ពួក​នាង​បាន​នាំ​គ្នា​ដើរ​រ៉េរ៉ូ​រយៈ​ពេល​ពីរ-បី​នាទី​ដោយ​នាំ​គ្នា​ដោះ​អាវ​ចេញ​អស់​រលីង​ បង្ហាញ​ក្រុម​ភ្ញៀវ និង​អ្នក​កាសែត​ដែល​នៅ​លើ​ឆ្នេរ​ខ្សាច់​ដ៏​ស្រស់​ស្អាត​នោះ​ដោយ​នាំ​គ្នា​ថត​ឥត​សន្សំ​ដៃ​ឡើយ​ជា​មួយ​ទិដ្ឋភាព​ដ៏​ត្រជាក់​ភ្នែក​និង​គយគន់​ជ្រលង​ដង​អូរ ឬ​តំបន់​ខ្ពង់​រាប​ដ៏​ទ្រលុក​ទ្រលន់​ទាំង​គូ៕ PR

អត្ថបទគួរចាប់អារម្មណ៍