.jpg)
កញ្ញា Andrea Meza ឈ្នះមកុដបវរកញ្ញាចក្កវាឡឆ្នាំ ២០២០ ពីការប្រកួតកាលពីថ្ងៃអាទិត្យ ទី១៦ ខែឧសភា ឆ្នាំ ២០២១ នៅរដ្ឋហ្វ្លរីដា សហរដ្ឋអាមេរិក។ AFP
ក្រុងវ៉ាស៊ីងតោន៖ រាជនីសម្រស់ម៉ិកស៊ិក បានគ្រងមកុដបវរកញ្ញាចក្រវាឡ ឬ «Miss Universe» កាលពីថ្ងៃអាទិត្យនៅរដ្ឋ Florida ក្រោយពីរាជនីតំណាងជាតិមីយ៉ាន់ម៉ាឆ្លៀតយកពេលវេលានៃការប្រកួតដើម្បីទាក់ទាញចំណាប់អារម្មណ៍មហាជនក្នុងការក្រឡេកមើលបញ្ហារដ្ឋប្រហារយោធាបង្ហូរឈាម។
រាត្រីថ្ងៃអាទិត្យ ជាការប្រារឰនៃការវិលមកវិញចំពោះកម្មវិធីប្រកួតបវរកញ្ញា Miss Universe លើកញ្ចក់ទូរទស្សន៍ ក្រោយពីការប្រកួតកញ្ញាឯកត្រូវបានលប់ចោលក្នុងឆ្នាំ ២០២០ ជាលើកដំបូងដោយសារវិបត្ដិកូវីដសកល។
កញ្ញា Andrea Meza អាយុ ២៦ ឆ្នាំ បានឈ្នះកញ្ញាឯកប្រេស៊ីល និង ប៉េរូ ក្នុងព្រឹត្ដិការណ៍ផ្សាយតាមកញ្ចក់ទូរទស្សន៍ ដែលរៀបចំឡើងដោយតារាភាពយន្ដអាមេរិក ម៉ារីអូឡូប៉េសនិងតារាទូរទស្សន៍ អូលីវៀ ឃូលប៉ូ។
ឈុតតំណាងជាតិសិង្ហបុរីរំលេចសារបញ្ឈប់ការរើសអើងជនជាតិអាស៊ី និងឈុតតំណាតជាតិមីយ៉ាន់ម៉ា ទាញចំណាប់អារម្មណ៍ពិភពលោកពីបញ្ហានយោបាយប្រទេសខ្លួន។ AFP
អតីតបេក្ខភាពបវរកញ្ញា ឆេសលី គ្រីស កញ្ញា ផូលីណា វេហ្គា និងកញ្ញា ដេមី-ឡៃតេបូវ (ដែលបានឈ្នះមកុដក្នុងឆ្នាំ ២០១៧) បានធ្វើជាអ្នកវិភាគ និងអធីការិនី ក៏ដូចជាគណកម្មការវិនិច្ឆ័យដែលមានស្ដ្រី ៨ នាក់។
គ្រងឈុតរាត្រីពណ៌ក្រហមឆ្អៅ កញ្ញា Meza បានដើរទាំងទឹកភ្នែកហូរក្នុងនាមជាបវរកញ្ញា Miss Universe ជាលើកដំបូង មុនពេលវិលមកឱបបេក្ខនារីប្រកួតដទៃទៀត។
កញ្ញា Meza បានឈ្នះបេក្ខនារីជាង ៧០ នាក់ មកពីជុំវិញពិភពលោកចំពោះការប្រកួត Miss Universe លើកទី៦៩ ដែលត្រូវបានរៀបចំនៅសណ្ឋាគារ Hard Rock Hotel & Casino ក្នុងក្រុងហូលីវូដរដ្ឋ Florida។
ការប្រកួតបវរកញ្ញាចក្កវាឡឆ្នាំ ២០២០ កាលពីថ្ងៃអាទិត្យ ទី១៦ ខែឧសភា ឆ្នាំ ២០២១ នៅរដ្ឋហ្វ្លរីដា សហរដ្ឋអាមេរិក។ AFP
ប៉ុន្មានថ្ងៃមុនការប្រកួតផ្ដាច់ព្រ័ត្រ កញ្ញាឯកមីយ៉ាន់ម៉ា Thuzar Wint Lwin ដែលបានឈានដល់វគ្គ ២១ នាក់ចុងក្រោយ បានទទួលការចាប់អារម្មណ៍ ពេលកញ្ញាប្រើវេលាលើវេទិការក្នុងការទាក់ទាញចំណាប់អារម្មណ៍លើរឿងរដ្ឋប្រហារយោធាក្នុងប្រទេសខ្លួន។
កញ្ញាបាននិយាយអំឡុងពេលសម្ពាធវីដេអូស្ដីពីជីវប្រវត្ដិ ដែលបានបង្ហាញរូបថតកញ្ញាចូលរួមការតវ៉ាប្រឆាំងរដ្ឋប្រហារថា៖ «ប្រជាជនយើងកំពុងតែបន្ដស្លាប់ និងត្រូវបានបាញ់ប្រហារដោយទាហ៊ានរៀងរាល់ថ្ងៃ។ ដូច្នេះខ្ញុំចង់ទទូចសុំអ្នករាល់គ្នានិយាយពីមីយ៉ាន់ម៉ាផង»។
កញ្ញាក៏បានឈ្នះពានគ្រងឈុតសម្លៀកបំពាក់ប្រពៃណីជាតិល្អបំផុត អំឡុងពេលការប្រកួតរៀបចំឡើងនៅថ្ងៃព្រហស្បតិ៍ កញ្ញាគ្រងឈុតរំលេចអត្ដសញ្ញាណប្រពៃណីភូមា និងបានលើកបដាថា «សូមបួងសួងឱ្យមីយ៉ាន់ម៉ា» ឬ «Pray for Myanmar»។
បេក្ខនារី២នាក់ចុងក្រោយ ក្នុងការប្រកួតកាលពីថ្ងៃអាទិត្យ ទី១៦ ខែឧសភា ឆ្នាំ ២០២១ នៅរដ្ឋហ្វ្លរីដា សហរដ្ឋអាមេរិក។ AFP
បវរកញ្ញា សិង្ហបុរីកញ្ញា ប៊ើណាដេត ប៊ែលអ៊ុង ដែលមិនបានជាប់ក្នុងវគ្គជម្រុះ ២១នាក់ ក៏បានប្រើវេទិការគ្រងឈុតសម្លៀកបំពាក់ប្រពៃណីជាតិបង្ហាញសារនយោបាយផងដែរ។
គ្រងក្រណាត់ក្រហម និងស ជាអត្ដសញ្ញាណទង់ជាតិ លើឈុតក្នុងក្រហម កញ្ញាដើរត្រឡប់ក្រោយជាមួយនឹងការបង្ហាញសារសំខាន់លើក្រណាត់គ្រប ដោយរំលេចនូវពាក្យពេចន៍ថា «បញ្ឈប់ការស្អប់ជនជាតិអាស៊ី» ឬ «Stop Asian Hate»។
កញ្ញា Andrea Meza អាយុ ២៦ឆ្នាំ ឈ្នះមកុដបវរកញ្ញាចក្កវាឡឆ្នាំ ២០២០។ AFP
កញ្ញាបានសរសេរនៅលើអ៊ីនស្ដាក្រាមអមដោយរូបភាពសម្លៀកបំពាក់តំណាងជាតិថា៖ «តើវេទិការនេះបង្កើតឡើងដើម្បីអ្វីបើខ្ញុំមិនអាចបញ្ជូនសារប្រឆាំងនឹងការរើសអើងនិងអំពើហិង្សាបាន?»។
ការប្រកួតបវរកញ្ញាក៏ទាក់ទាញការរិះគន់លើការបង្ហាញកាយសិចស៊ីរបស់កញ្ញាឯកនីមួយៗ។
ប៉ុន្មានឆ្នាំចុងក្រោយនេះការប្រកួតហាក់មានការផ្លាស់ប្ដូរ ដោយផ្ដោតសំខាន់លើការផ្ដល់តម្លៃស្ដ្រីនិងភាពជាសកម្មជនស្ដ្រី៕ AFP/HR
បេក្ខនារីជម្រុះវគ្គចុងក្រោយ ពីការប្រកួតដែលមានបវរកញ្ញាពីបណ្ដាប្រទេសជាង ៧០ ជុំវិញពិភពលោក។ AFP
បវរកញ្ញាចក្កវាឡឆ្នាំ ២០២០ និងបវរកញ្ញាចក្កវាឡឆ្នាំ ២០១៩ ថតរូបអនុស្សាវរីយ៍ជាមួយគ្នា។ AFP
បវរកញ្ញាម៉ិកស៊ិក Andrea Meza អាយុ ២៦ឆ្នាំ ក្នុងឈុតតំណាងជាតិ។ AFP
