.jpg)
ទិដ្ឋភាពទូកនេសាទតូចៗនៅលើបឹងទឹកសាប ម៉ាឡាវី។ រូបថត AFP
ក្រុងលីឡុងវ៉េ: នៅក្បែរច្រាំងបឹងម៉ាឡាវី មនុស្សម្នាក់ឈរទន្ទឹងរង់ចាំការមកដល់នៃទូកឈើដឹកទិន្នផលត្រីពណ៌លឿង និងស។ សមាជិក ៦ នាក់នាំយកផលតែប៉ុន្មានប្រភេទក្នុងទូកមកផ្ទះ ចំណោមទូកនេសាទ ៧២ គ្រឿងផ្សេងទៀតដែលចូលចតរាល់ថ្ងៃលើឆកសេនហ្គា ប្រទេសម៉ាឡាវី។
ប៉ុន្ដែការនេសាទច្រើនហួសហេតុ និងបម្រែបម្រួលអាកាសធាតុជាដើមចមសំខាន់ក្នុងការកាត់បន្ថយទិន្នផលត្រី។ ឈ្មួញរាប់រយនាក់បាននាំគ្នាមកចាំទិញត្រីទាំងពេលព្រឹក និងរសៀលនៅឆកសេនហ្គា បានកត់សម្គាល់ឃើញថា ទិន្នផលត្រីបាននិងកំពុងធ្លាក់ចុះពីបឹងម៉ាឡាវី ជាបឹងទឹកសាបធំបំផុតលំដាប់ទី ៣ តំបន់អាហ្វ្រិក។
អ្នកគ្រប់គ្រងកំពង់ផែ អាល់ហ្វ្រេដ បានដា ប្រាប់ AFP ដោយក្រឡេកមើលទៅបរិមាណត្រីតិចតួចពេលត្រូវបានទាញឡើងគោកថា៖ «ពីមុនយើងធ្លាប់នេសាទបានត្រីពេញទូក តែឥឡូវយើងជួបការលំបាកមែនទែន»។
លោកបន្ថែមថាត្រី ១ ទូកពេញអាចរកចំណូលឲ្យនេសាទចន្លោះពី ៦ ទៅ ១២ នាក់នូវប្រាក់ ៣០០ ដុល្លារ។ ជាប់ព្រំដែនត្រីកោណ ម៉ាឡាវី តង់ហ្សានី និងម៉ូហ្សំប៊ិក បឹងម៉ាឡាវី លាតសន្ធឹងលើផ្ទៃដីជាង ២៩ ០០០ គីឡូម៉ែត្រការ៉េ ជាមួយត្រីជាង ១ ពាន់ប្រភេទ។
មនុស្ស ១៤ ០០០ នាក់រស់នៅតំបន់ឆកសេនហ្គាពឹងអាស្រ័យលើបឹងនេះ។
ឈ្មួញត្រី អ្នកស្រី កាទ្រីណា មែល ជាអ្នកម្ដាយកូន ៦ នាក់អាយុ ៤០ ឆ្នាំប្រាប់ AFP ថា៖ «ក្នុងឆ្នាំ ២០១៩ នេះ វាខុសប្លែកច្រើន វាស្ទើរលែងមានត្រី។ កុមារខ្លះឈប់រៀនដោយសារតែឪពុកម្ដាយអស់លទ្ធភាព»៕ HR
