ក្រុងរ៉ាបា: បុរសជាតិម៉ារ៉ុកម្នាក់ ទើបបានដាក់ពាក្យប្ដឹងភរិយាខ្លួន ដោយចោទប្រកាន់ពីបទផិតក្បត់។ ក្រោយពីធ្វើការពិនិត្យសុខភាពតាមទម្លាប់ បុរសរូបនោះដឹងថា លោកមិនអាចបន្ដពូជស្ទើរតែពេញមួយជីវិតមកហើយ។ ដូច្នេះ លោកគ្មានលទ្ធផលណាធ្វើជាឪពុកកូនទាំង ៩ នាក់នោះឡើយ។
បុរស ជាសាស្ដ្រាចារ្យម្នាក់ក្នុងទីក្រុងតូចស៊ីឌី ស្លីម៉ាណេ នៃប្រទេសម៉ារ៉ុក បានប្រែក្លាយជោគវាសនាជីវិត ១៨០ ដឺក្រេ ក្រោយពីការពិនិត្យសុខភាពរបស់បស្សាវវិទូម្នាក់។
លោកមានដុំគីសតូចមួយក្នុងពងស្វាសខាងស្ដាំ ដែលធ្វើឲ្យលោកមិនអាចបន្ដពូជបាន។ យ៉ាងណា លោកបានរៀបការជាមួយភរិយាអស់រយៈពេល ៣៥ ឆ្នាំ និងគិតថា ខ្លួនជាឪពុករបស់កូនទាំង ៩ នាក់។
លោកមិនអាចក្លាយជាឪពុករយៈពេល ៥០ ឆ្នាំមកហើយ។ ជាមួយដំណឹងដ៏ក្ដុកក្ដួលនេះ លោកបានទាក់ទងមេធាវី និងបានដាក់ពាក្យប្ដឹងភរិយា ដោយចោទប្រកាន់ពីបទឯកពន្ធភាព និងទាមទារទាំងការលែងលះ និងកាត់កាល់កូនទាំង ៩ នាក់នោះចោល។
ច្បាប់ឯកពន្ធភាព គឺជាបទឧក្រិដ្ឋមួយនៅប្រទេសម៉ារ៉ុក ដែលបើភរិយាត្រូវបានបញ្ជាក់ថា មានកំហុស នាងនឹងអាចជាប់គុកថែមទៀត៕
HR