ក្រុងវែលីងតោន: បុរសទីមួយរបស់នូវែលសេឡង់ លោក ក្លាក ហ្គេហ្វដ បានថ្លែងប្រាប់កាលពីថ្ងៃព្រហស្បតិ៍ ពីវិធីដែលលោកប្រយុទ្ធជាមួយឆ្លាមកំណាចដោយប្រើដែកទីបមួយពេលកំពុងជ្រមុជទឹកនៅក្រុងអកឡេន។
លោក ហ្គេហ្វដ ជាមិត្ដប្រុសរបស់លោកស្រីនាយករដ្ឋមន្ដ្រី ចាស៊ីនដា អាដែន បានបង្ហោះរូបភាពលោកប្រយុទ្ធជាមួយឆ្លាម នៅឆកក្រុងអកលែន ខណៈមានត្រីដូហ្វីនហែលពីខាងក្រោយ។
លោកបានសរសេរថា ៖ «អ៊ីចឹង សរុបមក មិនមែនមានតែដូហ្វីនទេ ដែលអត់ជួយខ្ញុំ ពួកវាថែមទាំងនាំគ្នាមើលការប្រយុទ្ធនេះទៀត»។
កាលពីខែមីនា លោកបានបង្ហោះរូបភាពខ្លួនឯងជាមួយឆ្លាម បាឡែនធំមួយក្បាល ដែលលោកបានឲ្យដឹងថា វាបានគឿងលោកផ្ទុបនឹងទូក។ លោក ហ្គេហ្វដ នឹងរៀបចំគម្រោងផ្សងព្រេងបាតសមុទ្រជ្រៅសម្រាប់មុខងារជាឪពុកថែទាំកូននៅផ្ទះ នៅពេលលោកស្រី អាដែន គ្រប់ខែនៅថ្ងៃទី ១៧ ខែមិថុនា។
លោកស្រី អាដែន គ្រោងសម្រាកមាតុភាព ៦ សប្ដាហ៍ រួចបន្ដតួនាទីដឹកនាំប្រទេសទៀត៕