The Phnom Penh Post Search

Search form




Logo of Phnom Penh Post newspaper Phnom Penh Post - បុរស​ម្រាមដៃ​ដែកចោះ​ដូង​រាប់​សិប​ផ្លែ​តែ​មួយ​ប៉ប្រិចភ្នែក

បុរស​ម្រាមដៃ​ដែកចោះ​ដូង​រាប់​សិប​ផ្លែ​តែ​មួយ​ប៉ប្រិចភ្នែក

បុរស​ម្រាមដៃ​ដែកចោះ​ដូង​រាប់​សិប​ផ្លែ​តែ​មួយ​ប៉ប្រិចភ្នែក

ក្រុងសិង្ហបុរី: បុរស​ចំណាស់​ចិន​ម្នាក់​ប្រើ​ម្រាម​ចង្អុល​ដៃរឹង​ដូច​ដែកចោះ​ផ្លែដូង​បួន​ផ្លែ​ដោយ​ប្រើ​ពេល​មិន​ដល់​១​នាទី​ផង។

ពិតជា​អស្ចារ្យ​មែន! លោក ហ៊ូ អេងហ៊ីវ បុរស​ចំណាស់​ជាតិ​ចិន​ម្នាក់​ដែល​ចេះ​ក្បាច់គុន​កុងហ៊្វូ​បាន​បង្ហាញ​សមត្ថភាព​របស់​ខ្លួន​តាមរយៈ​ការ​ប្រើ​តែ​ម្រាម​ចង្អុល​ដៃ​រឹង​ដូច​ដែកចោះ​ផ្លែ ដូង​យក​ទឹក​ផឹក​បាន​ដោយ​មិន​ចាំបាច់​ប្រើ​កាំបិត ឬ​ដែកចោះ​ឡើយ។ ម្រាមចង្អុល​ដៃ​របស់​គាត់​ពិតជា​រឹង​និង​មុត​ដូច​កាំបិត​អ៊ីចឹង។

បុរស​វ័យ​ហាប្លាយ​ដែលល្បី​ថា​មានម្រាមដៃ​ដែក​។
បុរស​វ័យ​ហាប្លាយ​ដែលល្បី​ថា​មានម្រាមដៃ​ដែក​។

ដោយ​ប្រើ​ម្រាមដៃ​ចង្អុល​រាង​កោង​របស់​គាត់ លោក ហ៊ូ អេងហ៊ីវ បាន​ប្រើ​វា​ចោះ​លលាដ៍​ដូង​យក​ទឹក​ផឹក​បាន​ដោយ​ងាយ។

លោក បាន​ប្រាប់​ថា៖ «ម្រាម​ចង្អុលដៃ​នេះ​ក៏​ជា​ឧបករណ៍​មួយ​សម្រាប់​ជួយ​ឲ្យ​ខ្ញុំ​ប្រើ​ជា មធ្យោបាយ​សម្រាប់​ចិញ្ចឹម​គ្រួសារ​បាន​ទៀត​ផង»។

លោក​បាន​ចាប់ផ្តើម សម្តែង​ទេពកោសល្យ​នូវ​ស្នៀត​ម្រាម​ចង្អុលដៃ​ដែក​របស់​លោក​ជូន​ភ្ញៀវទេសចរ​មើល​កាលពី​ពេល​លោក​រស់នៅ​តំបន់​ម៉ាឡាកា​ប្រទេស​ម៉ាឡេស៊ី និង​ប្រទេស​សិង្ហបុរី។ កាលពី​ខែ​មិថុនា​ឆ្នាំ​២០០៩​លោក​បាន​ប្រើ​ម្រាម​ចង្អុលដៃ​នោះ​ចោះ​ដូង ចំនួន​បួន​ផ្លែ​ត្រឹម​តែ​រយៈពេល​៣០,៨១​វិនាទី​ប៉ុណ្ណោះ ហើយ​ធ្វើឲ្យ​លោក​ជាប់​កំណត់ត្រា​ហ្គីណេស​ពិភពលោក។

ឆ្នាំ​២០១១​លោក​ក៏​បាន​បំបែក​ឯតទគ្គកម្ម​ចាស់​ខ្លួន​ដោយ​បាន​ចោះដូង​បួន​ផ្លែ​ដូច​មុន​តែ​ត្រឹម​រយៈ​១២,១៥​វិនាទី​ប៉ុណ្ណោះ។

ទោះបី​មាន​វ័យ​៥៨​ឆ្នាំ​ទៅ​ហើយ​ក្តី ក៏​បុរស​ចំណាស់​មាន​ម្រាម​ចង្អុលដៃ​ដែក​រូប​នេះ​មាន​បំណង​ចង់​រក​ឯតទតគ្គកម្ម​ថ្មី​មួយ​ថែម​ទៀត​មុន​នឹង​ខ្លួន​ចូលនិវត្តន៍។ លោក​និយាយ​បន្ថែម​ថា៖ «ខ្ញុំ​មាន​បំណង​ចង់​ប្រើ​ពេលវេលា​ត្រឹម​តែ​១០​វិនាទី​សម្រាប់​ការ​សក​សម្បក និង​ចោះ​ផ្លែដូង​ទាំង​បួន​ផ្លែ​នោះ​ម្តង​ទៀត»៕

អត្ថបទគួរចាប់អារម្មណ៍