The Phnom Penh Post Search

Search form




Logo of Phnom Penh Post newspaper Phnom Penh Post - បុរស​អេហ្ស៊ីប​ពិការ​ដៃ​ទាំង​គូ​តស៊ូ​ក្លាយ​ជា ជើងឯក​វាយ​ប៉េងប៉ុង

បុរស​អេហ្ស៊ីប​ពិការ​ដៃ​ទាំង​គូ​តស៊ូ​ក្លាយ​ជា ជើងឯក​វាយ​ប៉េងប៉ុង

បុរស​អេហ្ស៊ីប​ពិការ​ដៃ​ទាំង​គូ​តស៊ូ​ក្លាយ​ជា ជើងឯក​វាយ​ប៉េងប៉ុង

ក្រុងគែរ: លោក អ៊ីប្រាហ៊ីម ហាម៉ាតូ គឺជា​កីឡាករ​វាយ​កូនឃ្លី​លើ​តុ ឬ​ប៉េងប៉ុង​ពិការ​ដៃ​ទាំង​សង​ខាង​ជាតិ​អេហ្ស៊ីប​មួយ​រូប​ដែល​មាន​ទេពកោសល្យ​មិន​ចាញ់​កីឡាករ​មាន​កាយសម្បទា​គ្រប់​លក្ខណៈ​ប៉ុន្មាន​ឡើយ។

បុរស​ម្នាក់​នេះ​បាន​ប្រើ​មាត់​សម្រាប់​ខាំ​រ៉ាកែត​វាយ​ប៉េងប៉ុង​យ៉ាង​ស្ទាត់ជំនាញ និង​គួរ​ឲ្យ​ចង់​ទស្សនា​យ៉ាង​ជក់ចិត្ត​តែ​ម្តង។

លោក អុីប្រាហ៊ីម​ ហាម៉ាតូ ប្រើមាត់​វាយ​ប៉េងប៉ុង។
លោក អុីប្រាហ៊ីម​ ហាម៉ាតូ ប្រើមាត់​វាយ​ប៉េងប៉ុង។

លោក អ៊ីប្រាហ៊ីម ហាម៉ាតូ រៀបរាប់​ថា​៖ «ខ្ញុំ​មាន​គ្រោះថ្នាក់​រហូត​ដល់​ពិការ​ដៃ​ទាំង​ពីរ​កាល​មាន​វ័យ​១០​ឆ្នាំ តែ​ខ្ញុំ​ស្រឡាញ់​កីឡា​ប៉េងប៉ុង​នេះ​ណាស់​តាំងពី​តូច​មក។ បី​ឆ្នាំ​ក្រោយ​បន្ទាប់​ពី​គ្រោះថ្នាក់​មក​នោះ​ក៏​ខ្ញុំ​នៅ​តែ​ចូលចិត្ត លេង​កីឡា​នេះ​ដដែល។ ខ្ញុំ​ធ្លាប់​សាក​ប្រើ​រ៉ាកែត​ដោយ​យក​ដៃ​ពិការ​គាប​វាយ​កូនបាល់​លេង​ដែរ តែ​មិន​អាច​ទៅ​រួច​ឡើយ។ ក្រោយមក​ទៀត​ខ្ញុំ​បាន​ប្រើ​មាត់​ខាំ​រ៉ាកែត​លេង​ជំនួស​ដៃ​វិញ»។

អ្វី ដែល​គួរ​ឲ្យ​កោត​ស្ញប់ស្ញែង​ដល់​កីឡាករ​ជនពិការ​របស់​លោក​គឺ​ថា​លោក​ត្រូវ បាន​គេ​អញ្ជើញ​ចូលរួម​បង្ហាញ​សមត្ថភាព​ជា​ភ្ញៀវ​កិត្តិយស​ក្នុង​កម្មវិធី​ប្រកួតប្រជែង​ដណ្តើម​ជើងឯក​ពិភពលោក​កីឡា​វា​កូនឃ្លី​លើ​តុ​នៅឯ ទីក្រុង​តូក្យូ​ប្រទេស​ជប៉ុន​ឆ្នាំ​នេះ​ផង​ដែរ។

ការ​ចូលរួម​នោះ​បុរស ពិការ​ដៃ​ទាំង​ពីរ​នេះ​នឹង​លេង​សាកល្បង​ជាមួយ​នឹង​កីឡាករ​លំដាប់​កំពូល ពិភពលោក​ផង​ដែរ ដោយ​យើង​មើល​ទៅ​ពិតជា​អស្ចារ្យ​នឹក​ស្មាន​មិន​ដល់​ឡើយ។

លោក​បន្ថែម ថា៖ «ទេពកោសល្យ​ដ៏ល្អ​ពិសេស​សម្រាប់​ជីវិត​ខ្ញុំ​នា​ពេល​នេះ​មាន​សារៈសំខាន់ ពីរ​យ៉ាង។ ទី​មួយ​វា​សំខាន់​សម្រាប់​ភរិយា និង​រូប​ខ្ញុំ​ផ្ទាល់។ ទី​ពីរ​គឺ​ជ័យជម្នះ​មកពី​កីឡា​ប៉េងប៉ុង​ដែល​បាន​ធ្វើឲ្យ​ជីវិត​ខ្ញុំ​រីករាយ​បំផុត»៕

អត្ថបទគួរចាប់អារម្មណ៍